Mynediad i Gelf a Dylunio
Amser-llawn
Lefel 3
AGORED
Llwyn y Bryn
384 awr dros 32 wythnos
Ffôn:
01792 284021 (Llwyn y Bryn)
E-bost: enquiries@gcs.ac.uk
Arolwg
Mae’r rhaglen lefel 3 hon yn rhoi cyfle i fyfyrwyr ddilyn celf a dylunio mewn ffyrdd archwiliol, ymchwiliol ac arbrofol.
Yn draddodiadol mae’r rhaglen yn diddanu amrywiaeth o grwpiau oedran. Cewch eich annog i ddatblygu eich sgiliau creadigol a thechnegol trwy ddarlithoedd, gweithdai a phrosiectau.
Mae’r rhaglen yn cynnwys lluniadu, ffotograffiaeth, tecstilau, astudiaethau dylunio 2D/3D, ffotograffiaeth, a hanes celf, gan gynnwys unedau sy’n darparu ymwybyddiaeth gyffredinol, gwybodaeth a dealltwriaeth o gelf, dylunio a’i gyd-destunau.
Nid yw’r cwrs hwn yn rhedeg ar hyn o bryd .
Gwybodaeth allweddol
Bwriedir y cwrs i fyfyrwyr nad oes ganddynt o bosibl unrhyw gymwysterau ffurfiol blaenorol, ond sy’n gallu arddangos brwdfrydedd dros, ac ymrwymiad i gelf a dylunio. Bydd angen i bob ymgeisydd ddod â phortffolio o waith celf, crefft a dylunio i’w gyfweliad. Caiff addasrwydd ar gyfer y cwrs hwn ei asesu yn y cyfweliad.
Er nad yw’n ofyniad mynediad, byddai graddau TGAU mewn mathemateg a Saesneg yn fanteisiol.
Addysgir y cwrs yn yr ystafell ddosbarth, 9.30am-4.30pm dros ddau ddiwrnod a bydd asesiadau parhaus.
Gofynnir i chi gyflwyno gwaith i’w asesu ar ddiwedd pob uned astudio. Caiff pob uned ei graddio fel pas, teilyngdod neu ragoriaeth. Mae’r gwaith yn destun gwiriad mewnol ac allanol.
Bydd y cwrs yn eich helpu i ddarganfod y maes penodol o gelf rydych yn frwdfrydig drosto a bydd yn eich cefnogi yn eich cais UCAS ar gyfer astudio gradd.
Yn ystod y flwyddyn, trwy raglen bwrpasol, byddwch yn datblygu sgiliau, gwybodaeth a phortffolio gweledol er mwyn mynychu eich cyfweliadau gradd.
Bydd gennych fynediad i’n stiwdios celf a dylunio arbenigol ar gampws Llwyn y Bryn sy’n cynnwys stiwdio serameg ac odynau, ystafell argraffu, ystafell fywluniadu, cyfleusterau ystafell dywyll, stiwdio ffotograffiaeth, ystafelloedd tecstilau gyda byrddau torri patrymau a pheiriannau gwnïo, torrwr laser, argraffydd tecstilau digidol, ystafelloedd digidol gyda thabledi lluniadu Wacom.