Cyflwyniad i Addysg Bellach – Sgiliau Bywyd
Amser-llawn
Lefel Mynediad
OCR
Tycoch
36 weeks
Ffôn:
01792 284000 (Tycoch)
E-bost: enquiries@gcs.ac.uk
Arolwg
Mae’r cwrs Cyflwyniad i Addysg Bellach yn cynnig cyflwyniad i goleg AB ar Fynediad Lefel 1 a bydd myfyrwyr yn ennill prif gymhwyster Tystysgrif OCR mewn Sgiliau Bywyd a Sgiliau Byw.
Anogir myfyrwyr i ddatblygu sgiliau annibynnol trwy amserlen amrywiol, sy’n cynnwys cyfle rhifedd a llythrennedd ac opsiwn galwedigaethol.
Mae’r cwrs yn cynnig cyfle i fyfyrwyr brofi bywyd coleg cyn symud ymlaen i lwybrau dilyniant priodol, fel arfer yn yr adran Sgiliau Byw’n Annibynnol.
Diweddarwyd Hydref 2016
Nid yw’r cwrs hwn yn rhedeg ar hyn o bryd .
Gwybodaeth allweddol
Nid oes gofynion mynediad ffurfiol ond bydd cyfweliad anffurfiol yn cael ei gynnal.
Yn ystod y cyfweliad, bydd asesiad cychwynnol ar-lein yn cael ei gwblhau i asesu sgiliau rhifedd a llythrennedd ac addasrwydd. Bydd anghenion cymdeithasol ac emosiynol myfyrwyr yn cael eu trafod i sicrhau bod y cwrs yn addas ar gyfer anghenion dysgwyr.
Bydd myfyrwyr Cyflwyniad i Addysg Bellach yn cael eu cyflwyno i amrywiaeth o feysydd pwnc a allai gynnwys coginio, celf a dylunio, TGCh, byw’n iach, perthnasoedd a hamdden.
Bydd dysgwyr yn symud o gwmpas o fewn yr adran Sgiliau Byw’n Annibynnol, gan ddefnyddio ceginau, ystafelloedd celf, tŷ gwydr ac ystafelloedd TG.
I wella profiad y myfyriwr, caiff dysgwyr gyfle i fynd ar ymweliadau dosbarth â lleoedd megis traethau lleol, amgueddfeydd a chyfleusterau chwaraeon. Bob tymor, bydd myfyrwyr yn cael dewis i gymryd rhan mewn amrywiaeth o opsiynau blasu yn y Coleg, gan gynnwys y cyfryngau, dawns, ioga, chwaraeon, peirianneg, garddio a’r côr.
Bydd yr holl fyfyrwyr Sgiliau Byw’n Annibynnol yn cael mynediad i’r Ganolfan Ddysgu, y siop goffi, y ffreutur, ystafelloedd tawel a’r Ganolfan Chwaraeon, yn ogystal â rhwydweithiau cymorth y Coleg megis swyddogion cymorth myfyrwyr, cwnselydd ar y safle a thiwtor personol.
Caiff dysgwyr gyfle i gael sesiynau tiwtorial wythnosol gyda’u tiwtor personol. Fel rheol, bydd sesiynau’n seiliedig ar bwnc, ond bydd dysgwyr yn cael cyfle i gwrdd â thiwtoriaid un i un, mewn grŵp neu gyda rhieni os bydd angen.
Addysgir y cwrs trwy amrywiaeth o weithgareddau ystafell ddosbarth, ymarferol a chymunedol. Asesir y cwrs trwy ddulliau ysgrifenedig ac arsylwi, ac fel arfer bydd hyn yn cynnwys asesiad ffotograffiaeth a fideo.
Bydd yr holl weithgareddau’n cael eu hasesu’n barhaus drwy gydol y flwyddyn.
Bydd dilyniant yn dibynnu ar anghenion unigol y dysgwr. Bydd gwerthusiad ymddygiad ac ymrwymiad yn pennu a fydd y dysgwr yn symud ymlaen o fewn Sgiliau Byw’n Annibynnol. Mae cyfleoedd yn cynnwys symud ymlaen i gyrsiau Sgiliau Gwaith neu Sgiliau Bywyd (Mynediad 2), fel arfer yn yr adran Sgiliau Byw’n Annibynnol.