Mynediad i Blismona
Trosolwg
Newydd ar gyfer Medi 2023
Bwriedir y cwrs hwn ar gyfer myfyrwyr hŷn (19+) a hoffai ddilyn gyrfa ym maes plismona a’r sector gwasanaethau cyhoeddus ehangach.
Mae’r cwrs hwn yn ddelfrydol ar gyfer rhywun a hoffai symud ymlaen i Addysg Uwch (Plismona Proffesiynol) ond nad yw’n bodloni’r gofynion mynediad academaidd ar hyn o bryd.
Mae’r diploma Mynediad i Blismona yn Rhaglen Lefel 3 ddwys a addysgir mewn un flwyddyn academaidd ac mae’n cyfwerth a thri chymhwyster Safon Uwch. Mae’r cwrs hwn yn cael ei addysgu gan aelodau profiadol o staff sydd â chysylltiadau cryf â diwydiant a darparwyr addysg uwch lleol, ac mae’n darparu’r llwyfan perffaith i’r rhai sydd â diddordeb angerddol mewn plismona a’r gwasanaethau cyhoeddus ehangach i symud ymlaen i’r brifysgol.
Mae'r cwrs hwn yn bodloni gofynion manyleb genedlaethol y Coleg Plismona ar gyfer cwrs allanol.
10/2/23
Gwybodaeth allweddol
Gofynion Mynediad
Isafswm oedran y dysgwr yw 19 oed. Er nad oes unrhyw ofynion mynediad academaidd ffurfiol, mae gradd C mewn TGAU Mathemateg a Saesneg yn ddymunol. Bydd pob ymgeisydd yn cael cyfweliad a bydd angen cwblhau asesiad mynediad. Byddwn yn rhoi gwybod i ymgeiswyr os yw llwybrau Lefel 3 amgen yn fwy priodol i’w nodau, neu byddant yn cael eu cyfeirio i gwblhau ein Diploma L2 Sgiliau ar gyfer Astudio Pellach os oes angen datblygiad academaidd pellach.
Efallai y bydd ymgeiswyr hefyd yn cael eu cynghori yn y lle cyntaf i ystyried ein rhaglen (Cyn-fynediad) ran amser Paratoi ar gyfer Dysgu er mwyn eu paratoi ymhellach a chynghori ar eu haddasrwydd i astudio ar y cwrs Diploma Lefel 3 Mynediad i Blismona.
Dull Addysgu’r Cwrs
Byddwch yn astudio amrywiaeth o unedau sgiliau gorfodol a phenodol i’r pwnc:
Enghreifftiau o unedau penodol i’r pwnc:
- Cyflwyniad i blismona modern
- Grymoedd yr heddlu
- Ymddygiadau proffesiynol yn yr Heddlu
- Plismona sy’n canolbwyntio ar broblem
- Seicoleg droseddol
- Diogelu safle trosedd
- Mynediad i brosiect ymchwiliol AU (prosiect ymchwil)
Enghreifftiau o unedau sgiliau gorfodol:
- Cymhwsyo mathemateg ar gyfer yr Heddlu
- Sgiliau academaidd
Bydd dulliau asesu yn cynnwys amrywiaeth o waith prosiect ac aseiniad, traethodau, cyflwyniadau, prosiectau ymchwil a phrofion. Bydd gofyn i chi gadw ffeil eich cwrs i’r safon ofynnol ar gyfer y corff dyfarnu.
Mae’r cwrs yn gofyn am lefel uchel o ymrwymiad i’r unedau amrywiol a asesir yn barhaus er mwyn eu cwblhau’n llwyddiannus.
Bydd dysgwyr yn dod i’r Coleg 12 awr yr wythnos am 32 wythnos (dyddiadau ac amserau i’w cadarnhau). Bydd disgwyl i ymgeiswyr ddod i bob sesiwn ac ymgymryd ag astudio annibynnol sylweddol. Rhaid cwblhau pob aseiniad yn llwyddiannus er mwyn cyflawni’r cymhwyster.
Cyfleoedd Dilyniant
Bydd dysgwyr yn gallu symud ymlaen i’r brifysgol i astudio pynciau fel plismona proffesiynol a throseddeg, neu Brentisiaeth Gradd Cwnstabl Heddlu (PCDA).
Gwybodaeth Ychwanegol
Ffi weinyddol £40