#ByddwchYnBarod ar gyfer y tymor arholiadau ac asesiadau
Yng Ngholeg Gŵyr Abertawe rydyn ni eisiau i chi deimlo eich bod yn cael digon o gymorth yn ystod y tymor arholiadau ac asesiadau a thu hwnt.
Rydyn ni wedi casglu adnoddau i’ch helpu i baratoi nawr, a rhai enghreifftiau o sut y byddwn ni’n eich cynorthwyo fel un o’n dysgwyr.
Eich cynorthwyo chi drwy arholiadau TGAU
Awgrymiadau, cyngor a gwybodaeth i’ch arwain drwy’r tymor arholiadau ac asesiadau ac ymlaen i’r lefel nesaf yn eich bywyd.
Lefel nesa!Mae Llywodraeth Cymru wedi creu hyb cynnwys gyda phopeth sydd angen i chi ei wybod i’ch arwain drwy dymor arholiadau ac asesiadau 2022. |
Cyngor i rieni
Y 10 ffordd orau o gefnogi'ch plentyn trwy'r tymor arholiadau ac asesiadau.
1. Amgylchedd
Creu amgylchedd tawel a chefnogol gartref, gan ganiatáu lle ar gyfer astudio a lleihau tarfu gymaint â phosibl.
2. Seibiau
Annog seibiau rheolaidd a gweithgarwch corfforol er mwyn cynnal ffocws a lleihau straen.
3. Bwyd
Darparu prydau a byrbrydau maethlon i fwydo’r ymennydd a chynnal lefelau ynni.
4. Amserlen
Sefydlu amserlen astudio/gwaith gyson er mwyn hyrwyddo adolygu a rheolaeth amser.
5. Nodau
Helpu’ch plentyn i osod nodau realistig a blaenoriaethu pynciau/topigau i ganolbwyntio arnynt.
6. Deunyddiau
Cynnig help i greu deunyddiau astudio, fel cardiau fflachio neu grynodebau, i atgyfnerthu dysgu.
7. Cymorth emosiynol
Dangos diddordeb yn ei gynnydd, gofyn am ei bryderon, a rhoi cymorth emosiynol a thawelwch meddwl.
8. Ymarfer
Annog eich plentyn i ymarfer hen bapurau arholiad a rhoi adborth i wella technegau arholiad.
9. Byddwch yn wybodus
Cydweithredu â’i athrawon/ddarlithwyr i gael y diweddaraf am y cwricwlwm ac unrhyw gymorth ychwanegol sydd ar gael.
10. Meddylfryd
Meithrin meddylfryd cadarnhaol, gan bwysleisio nad yw canlyniadau arholiadau yn diffinio ei werth a bod ganddo eich cariad a’ch cefnogaeth ddiamod.
Paratoi ar gyfer Coleg
Dysgu rhyngweithiol i’ch helpu i baratoi ar gyfer astudio yn y Coleg, yn ogystal â theithiau Realiti Rhithwir, cyngor ar les a mwy.
Mae Openclass yn borth lle gallwch ddod o hyd i adnoddau i’ch helpu i baratoi ar gyfer eich cwrs newydd yng Ngholeg Gŵyr Aberetawe. Mae’n cynnwys dysgu rhyngweithiol, darllen pellach, adnoddau i’ch helpu i wella’ch sgiliau digidol a lles, a theithiau realiti rhithwir o gwmpas y Coleg.
Cynorthwyo ein myfyrwyr
Darganfod y ffyrdd y byddwn ni’n eich cynorthwyo fel myfyriwr pan fyddwch chi’n astudio gyda ni.
Mae gennym amrywiaeth o gymorth ar gyfer y tymor arholiadau ac asesiadau i’r rhai sy’n penderfynu astudio gyda ni:
- Adnoddau astudio a lles ar Moodle
- Gwasanaethau llyfrgell
- Adnoddau a gweithgareddau Lles CGA
- Hyb cynnwys Lefel Nesa! Llywodraeth Cymru