Cefnogi dysgwyr i wireddu eu huchelgeisiau mewn amgylchedd ôl-bandemig 

Wrth i ni nesáu at flwyddyn academaidd newydd yng Ngholeg Gŵyr Abertawe, rydym wrthi’n paratoi i groesawu yn ôl ein myfyrwyr sy’n dychwelyd a chyfarch myfyrwyr newydd fel ei gilydd.

I gannoedd o fyfyrwyr ar draws Abertawe, bydd yr haf wedi bod yn gyfnod emosiynol o gyffro a nerfau wrth iddynt aros yn amyneddgar am eu canlyniadau arholiadau TGAU. Er bod y diwrnod hwnnw wedi mynd a dod, gallai rhai teimladau o ansicrwydd barhau i fod yn broblem i nifer o bobl ifanc. Yma i gynnig rhywfaint o gyngor a chysur i’r rhai sy’n dal i fod yn ansicr ynghylch beth i’w wneud nesaf mae Mark Jones, Pennaeth Coleg Gŵyr Abertawe.