Mae’r myfyriwr Busnes Coleg Gŵyr Abertawe, Heledd Hunt, yn brysur yn jyglo ei hastudiaethau Lefel 3 a rhedeg ei chwmni ei hun.

Cychwynodd Heledd ei busnes – Hels Bakes Cakes – ym mis Medi 2022, gan arlwyo ar gyfer digwyddiadau megis partїon pen-blwydd. A hithau’n siarad Cymraeg yn rhugl ac yn un o Lysgenhadon Cymraeg y Coleg, yn ddiweddar gofynnwyd iddi arlwyo ar gyfer digwyddiadau’r Wythnos Gymraeg ar draws y campws, lle roedd 250 o’i chacennau cwpan i’w gweld ar y fwydlen.

Mae Hyrwyddwr Menter Coleg Gŵyr Abertawe, Claire Reid, yn mynd i Gyprus fis nesaf fel rhan o astudiaeth ryngwladol, yn edrych ar sgiliau entrepreneuraidd pobl ifanc. 

Bydd y daith, sy’n cael ei threfnu gan y Cyngor Prydeinig, yn cael ei chynnal dros bum niwrnod ac mae’n cynnwys athrawon a darlithwyr o amrywiaeth o leoliadau addysgol o bob rhan o’r DU. Byddant yn ymweld ag ysgolion, sefydliadau anllywodraethol a busnesau yn rhanbarth Nicosia. 

Mae William Evans, myfyriwr Coleg Gŵyr Abertawe, yn dangos doniau ymarferol go iawn ym maes entrepreneuriaeth er ei fod yn ddim ond 16 oed.

Mae Will yn astudio cwrs BTEC Busnes ar Gampws Gorseinon, a ddwy flynedd yn ôl dechreuodd werthu wyau o dyddyn ei deulu ym Mro Gŵyr. Gan fod y gymuned mewn cyfnod clo ar y pryd, mentrodd Will i gynnig gwasanaeth dosbarthu i gartrefi oedd yn boblogaidd iawn gyda’i gwsmeriaid a oedd yn awyddus i siopa’n lleol.

Mae tri entrepreneur ifanc lleol wedi cael hwb busnes diolch i Gronfa Hadau Abertawe.

Mae Lucy Parker, Rhiannon Picton-James a Geraint Vaughan wedi derbyn £500 yr un i helpu i ehangu eu brandiau.

Mae Lucy wedi datblygu busnes ffotograffiaeth ffyniannus ac mae eisoes wedi cael nifer o gomisiynau ar gyfer portreadau teuluol a phriodasau. Ei huchelgais yw gweithio’n amser llawn yn y diwydiant priodasau a gwneud delweddau cofiadwy y gall ei chleientiaid eu trysori am byth.

Mae Sue Poole, Rheolwr Menter Coleg Gŵyr Abertawe a Phrif Swyddog Gweithredol / Cyfarwyddwr y Ganolfan Addysg Entrepreneuraidd (C4EE) wedi cyrraedd y rhestr fer ar gyfer nid yn unig un, ond dwy wobr, dros yr wythnosau nesaf.

Mae Sue, a sefydlodd y ganolfan C4EE arobryn yn 2014, wedi cael ei henwebu yn y categori ‘Entrepreneur #GoDo y Flwyddyn’ yng Ngwobrau Great British Entrepreneur Natwest 2017 fydd yn cael eu cynnal yng Nghaerdydd ar 4 Hydref.

Mae disgyblion Blwyddyn 10 o Ysgol Gyfun Gellifedw sy’n dilyn Rhaglen Sbardun y coleg wedi gweithio mewn partneriaeth â Dominos i redeg digwyddiad llwyddiannus ar gampws Gorseinon – gan werthu hufen iâ Joe’s fel rhan o’u cymhwyster Menter.

“Wnes i wir fwynhau creu cynllun busnes a gweithio allan faint o elw sy’n gallu cael ei wneud,” dywedodd y disgybl Jake Todd, a weithredodd fel rheolwr y prosiect. “Dwi eisoes yn cydnabod y cymorth a’r cyfleoedd sydd ar gael i mi er mwyn symud ymlaen ymhellach yn y coleg.”

Roedd y Model Rôl Syniadau Mawr a’r bariton amldalentog o Gymru Mark Llewellyn Evans wedi cynnal diwrnod o weithdai yn ddiweddar yng Nghanolfan Broadway.

“Roedd hyn yn gyfle gwych i’r therapyddion harddwch newydd gael cipolwg ar y gyrfaoedd y gallen nhw eu dilyn yn y diwydiant ffilmiau a cherddoriaeth,” dywedodd Swyddog Menter y coleg Lucy Turtle, a drefnodd y digwyddiad. 

Diolch i gynllun Llywodraeth Cymru o’r enw Cysgodi Entrepreneuraidd, mae’r myfyriwr Kieren Palfrey o Goleg Gŵyr Abertawe wedi cymryd ei gamau cyntaf i yrfa mewn marchnata.

Mae Cysgodi Entrepreneuraidd yn rhoi cyfle i bobl ifanc weithio ochr yn ochr ag entrepreneur go iawn a chael profiad uniongyrchol o’r hyn sydd ynghlwm â rhedeg busnes.

Roedd myfyrwyr presennol a chyn-fyfyrwyr Coleg Gŵyr Abertawe wedi perfformio'n eithriadol o dda yn y digwyddiad diweddar 'Penwythnos Dechrau Busnes' a gynhaliwyd yng Nghanolfan Dylan Thomas.

Roedd y digwyddiad yn gystadleuaeth heriol dros 54 awr gyda thimau o Brifysgol Abertawe, Prifysgol Cymru y Drindod Dewi Sant (UWTSD) a Choleg Gŵyr Abertawe yn camu i'r llwyfan i gyflwyno eu syniadau busnes gwreiddiol ac arloesol.

Mae cronfa newydd i helpu darpar entrepreneuriaid i droi eu syniadau yn realiti wedi cael ei lansio yn Abertawe.

Mae Cronfa Hadau Abertawe (Swansea Seed Fund) wedi cael ei sefydlu i feithrin pobl ifanc 16-25 oed wrth iddynt ddatblygu eu syniadau o'r camau cynnar hyd at - o bosib - ddechrau busnes llwyddiannus.