Newyddion y Coleg

Myfyrwyr yn edrych ymlaen at ddyfodol gwyrddach

Cafodd myfyrwyr yng Ngholeg Gŵyr Abertawe eu cyflwyno i lawer o gyfleoedd gyrfa a gwirfoddoli cyffrous yn ddiweddar mewn Uwchgynhadledd Werdd ar Gampws Gorseinon.

Trefnwyd y digwyddiad Dyfodol Cynaliadwy gan Glwb yr Amgylchedd y Coleg dan arweiniad Cynghorydd yr Amgylchedd a Chynaliadwyedd, Laura Wilkins.

Roedd myfyrwyr yn gallu cwrdd â gweithwyr proffesiynol o sefydliadau lleol blaenllaw, sgwrsio am faterion cynaliadwy a dysgu rhagor am lwybrau datblygu gyrfa posibl.

Myfyriwr Safon Uwch Daeareg yn graig o wybodaeth

Diddordeb brwd mewn bioleg ac anifeiliaid yw’r hyn sydd wedi rhoi Micah Mainwaring, myfyriwr Coleg Gŵyr Abertawe, ar y llwybr gyrfa i fod yn balaeontolegydd.

Mae Micah ar hyn o bryd yn astudio cyrsiau Safon Uwch mewn bioleg, daeareg, mathemateg a drama ar Gampws Gorseinon.

Mae ganddynt ddiddordeb arbennig mewn palaeobioleg, sy’n canolbwyntio ar ecoleg a bywyd creaduriaid cynhanesyddol.

Myfyrwyr yn dathlu cynigion gwych gan Rydgrawnt

Mae deg myfyriwr o Goleg Gŵyr Abertawe wedi cael cynnig lleoedd i astudio ym Mhrifysgol Rhydychen neu Brifysgol Caergrawnt yn 2024.

“Rydyn ni wrth ein boddau gyda’r cynigion hyn. Hoffwn i estyn llongyfarchiadau i’r myfyrwyr sydd wedi gweithio mor galed i gyflawni’r canlyniadau anhygoel hyn,” meddai Cydlynydd Anrhydeddau CGA y Coleg, Dr Emma Smith.

Gwobrau UCM Cymru yn cydnabod cyfraniadau rhagorol i les ac ymgysylltiad myfyrwyr

Yn ddiweddar (dydd Mawrth, 19 Mawrth) fe wnaeth Coleg Gŵyr Abertawe ennill dwy wobr glodfawr yng nghynhadledd UCM Cymru ym Mhrifysgol Aberystwyth.

Mae’r digwyddiad blynyddol hwn yn ddathliad o gyfraniadau amhrisiadwy a wneir gan gymdeithasau myfyrwyr, swyddogion a staff eraill at gynnig amgylchedd cefnogol ac egnïol i ddysgwyr.

Eleni, enillodd y Coleg y teitlau Ymgysylltiad Aelodau y Flwyddyn ac Undeb AB y flwyddyn, yn dilyn gwaith caled ein Hundeb Myfyrwyr a’n staff eleni.

Cyn Brif Weinidog yn rhoi dosbarth meistr ar arweinyddiaeth

Roedd Coleg Gŵyr Abertawe yn falch iawn o groesawu cyn Brif Weinidog C

Coleg yn falch o noddi Gwobrau Plant Cymru 2024

Mae Coleg Gŵyr Abertawe yn falch iawn o gyhoeddi ein partneriaeth â Gwobrau Plant Cymru 2024. Fel noddwr y Wobr Elusen Ragorol, rydym yn ymrwymedig i gefnogi mentrau sy’n cydnabod ac yn dathlu cyflawniadau nodedig plant a phobl ifanc ar draws Cymru. 

Digwyddiad blynyddol yw Gwobrau Plant Cymru sy’n cydnabod y dewrder, gwydnwch a’r trugaredd a ddangosir gan unigolion ifanc o fewn eu cymunedau. O weithredoedd dewr i ymdrechion elusennol rhagorol, mae’r gwobrau yn craffu ar gyflawniadau rhagorol plant a phobl ifanc sy’n ein hysbrydoli.

Coleg Gŵyr Abertawe yn ennill gwobr Arian yn Seremoni Wobrwyo FE First CMN 2024

Mae adran Marchnata a Chyfathrebu Coleg Gŵyr Abertawe wedi ennill gwobr Arian yn y categori Cyfryngau Cymdeithasol ac Effaith Digidol yn Seremoni Wobrwyo Rhwydwaith Marchnata Colegau Fe First 2024.

Cynhaliwyd y digwyddiad gan y Rhwydwaith Marchnata Colegau a gwahoddwyd cannoedd o weithwyr proffesiynol y diwydiant i ddod ynghyd i ddathlu rhagoriaeth mewn marchnata Addysg Bellach ledled y DU.

Coleg Gŵyr Abertawe yn lansio tri chwrs AU newydd

Mae Coleg Gŵyr Abertawe’n falch o gyhoeddi lansiad llwyddiannus tri chwrs addysg uwch newydd sbon ar gyfer 2024: Gradd Sylfaen mewn eChwaraeon, BA (Anrh) mewn Hyfforddiant a Pherfformiad Chwaraeon a BA (Anrh) mewn Addysg, Iechyd Meddwl ac ADY.

Fe wnaeth ddarpar fyfyrwyr o bob cwr o Dde Cymru ymweld â Chanolfan Prifysgol Coleg Gŵyr Abertawe i sgwrsio ag aelodau’r gyfadran a myfyrwyr presennol. Cawsant gyfle hefyd i gwrdd â’n partneriaid prifysgol o Brifysgol Abertawe, Prifysgol De Cymru a Phrifysgol Metropolitan Caerdydd.

Gwdihŵs CGA: Gosod y safon yn e-Chwaraeon y DU

Yn dathlu llwyddiant rhyfeddol ym myd gemau cystadleuol, mae tîm e-Chwaraeon clodfawr Coleg Gŵyr Abertawe – Gwdihŵs CGA - wedi cadarnhau eu hetifeddiaeth yn 2023 trwy orffen y flwyddyn ar frig Rhaniad y Gaeaf ym Mhencampwriaethau Myfyrwyr e-Chwaraeon Prydain.

Gyda record ddigyffelyb o fuddugoliaethau 100%, mae’r Gwdihŵs wedi llwyddo yng Nghyngreiriau Rocket, Overwatch a Valorant, gan arddangos eu goruchafiaeth ar draws y cynghreiriau uchel eu parch hyn.

Coleg Gŵyr Abertawe’n sefydlu partneriaeth AHG newydd yn Ghana a Malawi

Mae Coleg Gŵyr Abertawe ar fin cryfhau ei gysylltiadau ag Affrica trwy gymryd rhan mewn prosiect AHG (addysg a hyfforddiant galwedigaethol) newydd gan VET Toolbox II.

Bwriad Vet Toolbox II - a ariennir gan yr Undeb Ewropeaidd ac a reolir gan y Cyngor Prydeinig yn Ghana a Malawi - yw gwella cydweithrediad rhyngwladol i gefnogi addysg a hyfforddiant galwedigaethol a chynhwysol, lle bo galw amdano. Mae’r prosiect yn rhan o raglen ehangach a gynigir ledled 11 o wledydd yn Affrica Is-Sahara trwy bedair asiantaeth ddatblygu Ewropeaidd: Enabel, Expertise France, GIZ a LuxDev.