Cymorth Cyntaf yn y Gwaith (Highfield) Lefel 3 – Dyfarniad
Trosolwg
Nod Cymorth Cyntaf yn y Gwaith yw helpu dysgwyr i fod yn swyddogion cymorth cyntaf yn y gwaith. Mae cynnwys y cymhwyster yn bodloni gofynion Yr Awdurdod Gweithredol Iechyd a Diogelwch (HSE), ac Awdurdod Gweithredol Iechyd a Diogelwch Gogledd Iwerddon (HSENI) ar gyfer hyfforddi swyddogion cymorth cyntaf mewn sefydliadau sydd wedi nodi bod angen i staff gael eu hyfforddi i’r lefel hon o fewn eu hasesiad anghenion cymorth cyntaf.
Mae’r cymhwyster yn cynnwys gwybodaeth megis rolau a chyfrifoldebau’r swyddog cymorth cyntaf, sut i asesu digwyddiad ac adnabod arwyddion a symptomau anafiadau a salwch. Mae hefyd yn cynnwys sgiliau cymorth cyntaf mewn adfywio cardio-pwlmonaidd (CPR) a’r defnydd o ddiffibriliwr allanol awtomatig (AED), yn ogystal â chynorthwyo rhywun sy’n dioddef o anaf a salwch mawr megis anafiadau i’r frest, anafiadau i’r asgwrn cefn, anaffylacsis ac awto-chwistrellwyr.
Yn unol â’r canllawiau a ddarparwyd gan HSE ac HSENI, mae’r cymhwyster yn cefnogi/cymeradwyo swyddogion cymorth cyntaf yn y gwaith am gyfnod o dair blynedd, ac wedi hynny bydd angen i ddysgwyr ddilyn y cwrs eto. Felly, mae’r cymhwyster yn ddilys am dair blynedd o ddyddiad y dyfarniad.
Gwybodaeth allweddol
I ddilyn y cwrs hwn, rydym yn argymell:
- Eich bod yn gorfforol heini
- Nad oes gennych broblemau cefn
- Nad ydych yn dioddef o unrhyw broblemau anadlu
Unedau
- Cymorth cyntaf brys yn y gwaith
- Adnabod a rheoli salwch ac anafiadau yn y gwaith
Asesu
Asesir y cymhwyster trwy asesiad ymarferol yn ogystal ag asesiad theori dewis lluosog sy’n cael ei farcio gan y ganolfan.
Byddwch yn cwblhau’r asesiad ymarferol drwy gydol y cwrs. Mae’r asesiad parhaus hwn yn gofyn i ddysgwyr ddangos sgiliau cymorth cyntaf ymarferol. Bydd yr asesiad ymarferol yn cael ei recordio gan ddefnyddio’r matrics ymarferol o fewn y pecyn asesu.
Mae’n ofynnol i ddysgwyr basio papur theori dewis lluosog 30 cwestiwn. Gellir cwblhau pob uned ar wahân neu ar ôl dysgu’r holl wybodaeth.
Mae dyfarniad Highfield Cymorth Cyntaf yn y Gwaith Lefel 3 wedi cael ei ddatblygu ac mae’n rhan o’r Fframwaith Cymwysterau Rheoleiddiedig (RQF). Mae’r RQF yn fframwaith cymwysterau a reoleiddir gan Ofqual a CCEA Regulation. Rheoleiddir y cymhwyster gan Qualifications hefyd