Chwilio am eich cwrs

Amser Llawn

Rydym yn cynnig amrywiaeth eang o gyrsiau Safon Uwch a galwedigaethol amser llawn.

Yn 2018, roedd ein myfyrwyr Safon Uwch wedi dathlu cyfradd pasio gyffredinol o dros 98%. O’r rhain, roedd 86% yn raddau uwch A*- C – cynnydd cryf yn y ganran o’i gymharu â’n canlyniadau ardderchog yn 2017 ac, unwaith eto, yn llawer uwch na’r cyfartaledd cenedlaethol.

Roedd myfyrwyr ar ein cyrsiau galwedigaethol hefyd wedi dathlu blwyddyn arall o ganlyniadau gwych. Roedd 58% o ddysgwyr ar gyrsiau BTEC Diploma Estynedig wedi cael o leiaf un radd Rhagoriaeth. Roedd 41% o fyfyrwyr wedi cael graddau rhagoriaeth driphlyg ac roedd 17% wedi cael y graddau D*D*D* uchaf.

Darllen rhagor am ein cyrsiau amser llawn...

Prentisiaethau

Mae prentisiaethau yn ffordd wych i bobl ennill cyflog a dysgu yr un pryd mewn swydd go iawn, gan ennill profiad a chymwysterau a sicrhau rhagolygon gyrfa mwy disglair yn y dyfodol.

Cynigiwn dair lefel o brentisiaeth ar hyn o bryd - Prentisiaeth Sylfaen Lefel 2, Prentisiaeth Lefel 3 a Phrentisiaeth Uwch Lefel 4/5.

Yn 2016, roeddem ni wedi mwy na dyblu nifer y Prentisiaethau Uwch a gynigir sy'n golygu bod y sgiliau technegol lefel uwch sy'n hanfodol i berfformiad a thwf busnesau cyflogwyr ar gael iddynt yn lleol.

Darllen rhagor am ein prentisiaethau...

Rhan-amser

Mae nifer o resymau gwahanol pam mae pobl yn ystyried astudio’n rhan-amser gyda ni.

I lawer, mae’n ymwneud ag ennill y sgiliau perthnasol i wella eu rhagolygon gyrfa, i rai mae’n ymwneud â chael cymhwyster sydd wedi bod ar eu rhestr o bethau i’w gwneud erioed, ac i eraill, mae’n ymwneud â dilyn diddordeb neu hobi penodol.

Darllen rhagor am ein cyrsiau rhan-amser...

Addysg Uwch

Rydym bob amser wedi cael enw da am addysg bellach ond oeddech chi’n gwybod bod dros 100 o ddysgwyr hefyd yn astudio ar gyfer cymhwyster addysg uwch (AU) gyda ni bob blwyddyn?

Rydym yn ddarparwr cyrsiau AU gyda Sicrwydd Ansawdd yr Asiantaeth Sicrhau Ansawdd ar gyfer Addysg Uwch, ac mae nifer o’r cyrsiau’n cael eu dilysu gan sefydliadau blaenllaw fel Prifysgol De Cymru, Prifysgol Cymru y Drindod Dewi Sant a Phrifysgol Glyndŵr Wrecsam.

Darllen rhagor am ein cyrsiau AU...

Rhyngwladol

Coleg Gŵyr Abertawe yw un o’r colegau sy’n perfformio orau yn y wlad. Fe’i lleolir yn yr ardal gyntaf yn y DU i gael ei phenodi’n ardal o harddwch naturiol eithriadol.

Rydym yn adnabyddus am ein rhaglen Safon Uwch, gyda chanlyniadau a chyfraddau dilyniant rhagorol i’r prifysgolion gorau yn y DU.

Darllen rhagor am ein cyrsiau Rhyngwladol...

Cyflogwyr

Mae Coleg Gŵyr Abertawe yn un o'r colegau sy'n perfformio orau yn y DU. Lleolir y Coleg yn yr ardal ddynodedig gyntaf o harddwch naturiol eithriadol yn y DU. Rydym yn enwog am ein rhaglen Safon Uwch, gyda chanlyniadau a chyfraddau dilyniant rhagorol i brifysgolion gorau'r DU.

Hyfforddiant GCS yw braich hyfforddiant busnes y coleg ac mae’n cynnig atebion hyfforddiant i gyflogwyr sydd am gael y gorau o’u staff.

Fel rhan o un o’r colegau AB blaenllaw yng Nghymru, mae Hyfforddiant GCS yn cynnig hyfforddiant parod ond mae hefyd yn gallu teilwra cyrsiau i ateb eich gofynion penodol chi. Gydag ystod eang o opsiynau dysgu seiliedig ar waith, ar lawr y dosbarth a dysgu o bell, mae cymysgedd perffaith i’ch busnes chi.

Darllen rhagor am Hyfforddiant GCS…