Gorseinon
Mae mwy na 2000 o fyfyrwyr amser llawn yn astudio ar Gampws Gorseinon, lle mae ganddynt ddewis o bron 40 o bynciau Safon Uwch ac amrywiaeth eang o gyrsiau galwedigaethol. Mae cymorth i fyfyrwyr yn ganolog i’n gweithgareddau ac mae cyfleusterau’r Campws yn cael eu huwchraddio’n gyson i greu amgylchedd sy’n rhoi modd i fyfyrwyr gyrraedd eu potensial.
Ymhlith y cyfleusterau arbenigol a ddarperir mae labordai gwyddoniaeth, ystafelloedd cerbydau modur a chanolfan ar gyfer y celfyddydau perfformio a chreadigol.
Digwyddiadau sydd ar ddod ar Gampws Gorseinon
| Digwyddiadau | Dyddiad | Dolen cofrestru |
| Digwyddiad gwybodaeth am ailddatblygu’r campws | 9 Hydref 2024 | Rhagor o wybodaeth |
| Noson agored amser llawn | 13 Tachwedd 2024 | Bwcio lle |
| Noson agored amser llawn | 14 Ionawr 2025 | Cofrestru ar agor yn fuan |
| Noson agored amser llawn | 17 Mawrth 2025 | Cofrestru ar agor yn fuan |
Ailddatblygu Campws Gorseinon
Mae Coleg Gŵyr Abertawe a’i bartner adeiladu, Kier Group, yn falch o gyhoeddi prosiect datblygu sylweddol ar gampws Gorseinon a fydd yn nodi buddsoddiad arwyddocaol mewn addysgu a dysgu myfyrwyr.
Mae’r prosiect yn cynnwys buddsoddiad gwerth £20.6 miliwn, a gefnogwyd gan Raglen Cymunedau Dysgu Cynaliadwy Llywodraeth Cymru.
Mae’r prosiect newydd, a fydd wedi ei gwblhau yn 2026, yn cynnwys mynedfa newydd, ystafelloedd dosbarth ychwanegol, mannau cymdeithasu newydd i fyfyrwyr a system llif traffig gwell.
Wrth i’r gwaith ailddatblygu fynd rhagddo, bydd prif dderbynfa Campws Gorseinon yn symud i’r ail lawr, Bloc A.
Manylion Cyswllt
Heol Belgrave
Gorseinon
Abertawe
SA4 6RD
Ffôn: 01792 890700
Oriau Agor yn ystod y Tymor
Dydd Llun i Ddydd Iau - 8.30am i 5pm
Gwener - 8.30am i 4.30pm
Cer ar daith rithwir o amgylch Campws Gorseinon i gael cip ar yr ystafelloedd dosbarth, ardaloedd cyffredin a’r cyfleusterau sydd ar gael i’n myfyrwyr amser llawn.
Cer am dro o amgylch cartref ein myfyrwyr ar gampws Gorseinon. Mae gan y Bloc Celfyddydau gyfleusterau ar gyfer celfyddydau cain, celfyddydau perfformio, cerddoriaeth, ffotograffiaeth yn ogystal â Chanolfan Ffasiwn a Thecstilau.
Cer am dro o amgylch Theatr Einon, ein llwyfan ar gyfer myfyrwyr celfyddydau perfformio a chynhyrchu theatr.
