Egwyddorion Gweithgareddau Ailgylchu Cynaliadwy Lefel 2 (Wamitab) – Tystysgrif
Trosolwg
Mae’r cymhwyster hwn yn eich cyflwyno i’r sector Gwastraff ac Ailgylchu. Mae’n gosod sylfaen gadarn i amrywiaeth o rolau galwedigaethol mewn casglu, cludo, trin a rheoli gwastraff ac adnoddau, ac mae’n cwmpasu’r amrywiaeth eang o wybodaeth sydd ei hangen i weithio ar lefel weithredol ar safleoedd rheoli gwastraff.
Mae’r cymhwyster yn darparu’r sgiliau sydd eu hangen ar weithwyr i weithio yn unol â gofynion y diwydiant ailgylchu ar gyfer gweithgareddau casglu, derbyn, gwahanu a phrosesu yn ogystal â gweithgareddau Ailgylchu Offer Trydanol ac Electronig Gwastraff.
Gwybodaeth allweddol
Addysgir y cymhwyster trwy gyfuniad o ddysgu yn y gweithle ac yn yr ystafell ddosbarth, wyneb yn wyneb neu ar-lein, yn ogystal â sesiynau un-i-un gyda’ch tiwtor.
Gellir addysgu’r rhaglen yn hyblyg, i weddu i anghenion y dysgwr a’r cyflogwr.
Unedau gorfodol
- Sut i weithio’n ddiogel yn y diwydiant gwastraff/ailgylchu
- Deall gwarchodaeth amgylcheddol yn y diwydiant gwastraff ac ailgylchu
- Sut i nodi a datrys anghydfodau
- Deall egwyddorion y diwydiant gwastraff/ailgylchu
- Deall egwyddorion nodi a dosbarthu gwastraff
- Deall ‘dyletswydd gofal’ yn y diwydiant gwastraff/ailgylchu
- Cynllunio, dyrannu a monitro gwaith tîm
- Hawliau a chyfrifoldebau cyflogaeth yn y sector ynni a chyfleustodau
Unedau dewisol
Gall dysgwyr ddewis o blith amrywiaeth o unedau dewisol, gan gynnwys:
- Deall y targedau a’r rhesymau am ailgylchu
- Deall systemau rheoli
- Gwybod am dechnolegau trin gwastraff
- Agweddau technegol ar reoli gwastraff ac adnoddau
- Sut i adnabod a chofnodi gwastraff peryglus
- Deall trwyddedau amgylcheddol yng Nghymru a Lloegr
- Perfformio gwaith glanhau stryd yn fecanyddol
Egwyddorion Gweithgareddau Ailgylchu Cynaliadwy Lefel 3 (Wamitab) – Tystysgrif
Defnyddir amrywiaeth o ddulliau, gan gynnwys:
- Llyfrau gwaith
- Astudiaethau achos
- Aseiniadau
- Trafodaeth broffesiynol