Tai Lefel 3 - Prentisiaeth
Arolwg
Mae ein prentisiaethau Tai wedi’u hariannu’n llawn, ac yn gyfle i ddatblygu gwybodaeth, sgiliau ac ymddygiadau allweddol er mwyn symud ymlaen yn eich gyrfa tai. Bydd y prentisiaethau yn rhoi modd i chi ennill yr arbenigedd technegol, y profiad ymarferol a’r set sgiliau ehangach sydd eu hangen i symud ymlaen yn eich rôl a’ch gyrfa o fewn y sector. Mae prentisiaeth Lefel 3 ar gyfer dysgwyr sy’n gweithio o fewn y sector tai ac sydd â chontract cyflogaeth sy’n para cyfnod y prentisiaeth o leiaf.
Gellir defnyddio’r prentisiaethau i uwchsgilio staff newydd neu bresennol.
Gwybodaeth allweddol
I fod yn gymwys ar gyfer cyllid prentisiaeth, rhaid i’r prentis fod yn gyflogedig am fwy nag 16 awr yr wythnos ac wedi’i leoli yng Nghymru.
Addysgir y prentisiaethau trwy gymysgedd o weithdai a dysgu yn y gweithle, ar-lein neu wyneb yn wyneb. Gallwn ddarparu dull hyblyg i weddu i anghenion y dysgwr a’r cyflogwr.
CIH Tystysgrif Lefel 3 mewn Tai – Unedau Gorfodol
- Y system dai
- Sgiliau ymarfer proffesiynol
- Meddiannaeth, daliadaeth a gosod tai
- Rôl y gweithiwr cymorth
- Gwasanaethau digartrefedd ac atal digartrefedd
- Y Fframwaith Cyfreithiol ar gyfer Tai
- Y Fframwaith ar gyfer Gwybodaeth a Chyngor Tai
- Effaith cyflyrau tai ar iechyd
NVQ Tystysgrif Lefel 3 mewn Tai – Unedau Gorfodol
- Hyrwyddo arferion diogel, moesegol a chynaliadwy ym maes tai
- Cynllunio’ch datblygiad proffesiynol eich hun ym maes tai
- Datblygu cysylltiadau cadarnhaol â cwsmeriaid a chydweithwyr wrth ddarparu gwasanaeth tai
- Hawliau a chyfrifoldebau cyflogaeth yn y sectorau Rheoli Cyfleusterau, Tai ac Eiddo
NVQ Tystysgrif Lefel 3 mewn Tai – Unedau Dewisol
Rhaid cwblhau o leiaf 14 credyd o’r unedau dewisol. Byddwch yn dewis o blith amrywiaeth o unedau dewisol i sicrhau eich bod yn cwmpasu’r sgiliau hynny sy’n fwyaf perthnasol i’ch rôl. Mae enghreifftiau’n cynnwys:
- Helpu cwsmeriaid i symud ac ymagrtrefu mewn amgylcheddau byw newydd
- Delio â chwsmeriaid dros y ffôn
- Darparu gwasanaeth rhentu tai
- Rheoli eiddo gwag
- Darparu cyngor ac arweiniad tai i gwsmeriaid
- Sefydlu a rheoli cytundebau tenantiaeth, trwydded a lesddaliad
- Arolygu cyflwr yr eiddo
- Ymateb i geisiadau cwsmeriaid am atgyweiriadau
Bydd dwy elfen asesu i’r prentisiaethau:
CIH Tystysgrif mewn Tai
Bydd yn ofynnol i ddysgwyr gwblhau aseiniad ar ôl cwblhau pob modiwl er mwyn dangos gwybodaeth a dealltwriaeth. Bydd asesiadau yn wahanaol ar gyfer pob uned, a byddant yn cynnwys gweithgareddau yn y dosbarth ac ar ôl y dosbarth hefyd. Bydd y gweithgareddau yn datblygu’ch sgiliau ysgrifennu academaidd, eich sgiliau TG, eich sgiliau cydweithredu a’ch sgiliau cyflwyniad personol.
NVQ Tystysgrif mewn Tai
Wrth i chi symud trwy’r cymhwyster, byddwch yn adeiladu e-bortffolio o’r dystiolaeth sy’n digwydd yn naturiol er mwyn dangos eich gwybodaeth a’ch cymhwysedd. Bydd dulliau asesu yn cynnwys cwestiynau ac atebion, arsylwadau, tystebau a mwy.