Newyddion y Coleg

Penodi myfyrwyr ffotograffiaeth newydd

Mae Coleg Gŵyr Abertawe wedi penodi dau fyfyriwr ffotograffiaeth newydd sbon i helpu i ddal y gweithgareddau a digwyddiadau niferus sy’n digwydd drwy gydol y flwyddyn academaidd.

Buddsoddi mewn doniau ifanc

Mae cynlluniau ar droed i feithrin sgiliau a doniau pobl ifanc leol a rhoi hwb i'r gweithlu GIG a gwyddorau bywyd lleol.

Estynnwyd gwahoddiad yn ddiweddar i dros 200 o ddisgyblion Blwyddyn 11 o Ysgol Gyfun Llandeilo Ferwallt i gynhadledd gyrfaoedd arbennig oedd yn hoelio sylw ar yr amrywiaeth o swyddi yn y GIG a'r sector gwyddorau bywyd, fel gwaith labordy a phrofi gwyddonol i helpu i ddiagnosio a thrin salwch.

Cynhaliwyd y Gynhadledd Elevate gyntaf ym Mhrifysgol Abertawe yn gynharach y mis hwn ac roedd yn llwyddiant mawr gyda disgyblion Llandeilo Ferwallt.

Ymweliad cyfnewid â'r Almaen yn llwyddiant mawr

Treuliodd grŵp o brentisiaid o'r Almaen dair wythnos yng Ngholeg Gŵyr Abertawe yn ddiweddar lle y cawson nhw gyfle gwerthfawr i ddysgu am y diwydiant electroneg a thechnoleg ddigidol yn Ne Cymru.

Fel rhan o'r ymweliad, aeth y myfyrwyr i ymweld ag amrywiaeth o gwmnïau sydd â chysylltiadau agos â'r coleg fel Elite Aerials, Zeta Alarm Systems, Trojan Electronics, BSC a TongFang Global.

Carreg filltir i Ffair Amrywiaeth y coleg

Mae staff a myfyrwyr yng Ngholeg Gŵyr Abertawe newydd ddathlu carreg filltir liwgar iawn - degfed pen-blwydd ei Ffair Amrywiaeth.

Bob blwyddyn ers 2005, mae myfyrwyr, staff a grwpiau cymunedol wedi dod at ei gilydd yn y coleg ar gyfer gwledd o gerddoriaeth a dawns.

Ymysg yr adloniant eleni roedd drymio Affricanaidd, crefft ymladd Brasil, arddangosiadau o ddawnsio Bollywood, dawnsio stryd a dawnsio Tsieineaidd. Darparwyd cerddoriaeth fyw gan fyfyrwyr o Lwyn y Bryn a Gorseinon yn ogystal â chôr Coleg Gŵyr Abertawe.

Her i Fyfyrwyr Menter

Mae naw myfyriwr Menter o Goleg Gŵyr Abertawe wedi gwneud cais llwyddiannus i gymryd rhan yn Her ‘Breuddwyd i Fusnes’ Llywodraeth Cymru, her ddwys dros dri diwrnod, fydd yn cael ei chynnal ym mis Tachwedd.

Mae hyn yn dilyn digwyddiad clyweliadau yn ddiweddar ym Mhrifysgol Cymru y Drindod Dewi Sant lle cafodd y myfyrwyr eu hyfforddi a’u mentora gan Swyddog Menter y coleg Lucy Turtle.

Golygydd Lancet yn ymweld â myfyrwyr Gorseinon

Roedd myfyrwyr sy’n bwriadu dilyn gyrfa ym maes meddygaeth/seiciatreg wedi cael cyfle yn ddiweddar i gwrdd ag un o ffigyrau blaenllaw y maes pan ymwelodd golygydd cyntaf The Lancet Psychiatry â Choleg Gŵyr Abertawe.

Roedd Niall Boyce wedi cwrdd â myfyrwyr ar gampws Gorseinon i siarad am feysydd sy’n datblygu yng ngwaith ymchwil iechyd meddwl.

Llongyfarchiadau i'n graddedigion AU 2015!

Aeth myfyrwyr Coleg Gŵyr Abertawe i seremoni graddio arbennig yn Amgueddfa Genedlaethol y Glannau yn y ddinas i ddathlu ennill eu cymwysterau addysg uwch a phroffesiynol.

Roedd bron 100 o fyfyrwyr wedi gwisgo’u capiau a’u gynau i gasglu tystysgrifau mewn amrywiaeth o ddisgyblaethau gan gynnwys AAT Cyfrifeg, Peirianneg, Trin Gwallt a Harddwch, TG, Gofal Plant, Dysgu a Datblygu, Busnes, Chwaraeon ac Arweinyddiaeth a Rheolaeth.

Cyn-fyfyriwr yn dychwelyd i rannu profiadau teithio

Roedd cyn-fyfyriwr y Celfyddydau Perfformio o Goleg Gŵyr Abertawe wedi dychwelyd i gampws Gorseinon yn ddiweddar i roi cipolwg ysbrydoledig ar y diwydiant teledu a ffilm a’r cyfleoedd mae’n gallu eu cynnig i grwydro’r byd.

Mae Andrew Price, y pen busnes y tu ôl i Dryad Bushcraft, yn rhan o raglen Modelau Rôl Syniadau Mawr Llywodraeth Cymru, sy’n rhoi cyfle i bobl ifanc gwrdd â phobl leol lwyddiannus o amrywiaeth o ddiwydiannau.

Soprano yn rhoi dosbarth meistr ar glyweliadau

Cafodd myfyrwyr Cerddoriaeth Safon Uwch yng Ngholeg Gŵyr Abertawe gyfle gwych yn ddiweddar i fwynhau dosbarth meistr gyda'r soprano fyd-enwog Eiddwen Harrhy.

“Mae Eiddwen yn dalent arbennig ac roedd yn fraint ei chroesawu hi i'r coleg lle y treuliodd amser gyda'r myfyrwyr a fydd yn cael clyweliadau cyn bo hir i geisio cael lle mewn Conservatoire ar hyd a lled y DU, sy'n broses hynod gystadleuol," dywedodd y Rheolwr Maes Dysgu, David Lloyd Jones.

Agor byd o lyfrau i'r myfyrwyr

Estynnwyd gwahoddiad yn ddiweddar i ysgolion lleol ddod i Goleg Gŵyr Abertawe i ddathlu lansio'r rhaglen HE+ ar gyfer 2015/16.

Yn dilyn gwahoddiad gan Brifysgol Caergrawnt, ac mewn cydweithrediad â'r brifysgol honno, mae Coleg Gŵyr Abertawe yn gweithredu fel "hyb" Consortiwm HE+ Abertawe, gan weithio gyda'r saith ysgol wladol chweched dosbarth yn yr ardal.