Gofal, Chwarae, Dysgu a Datblygiad Plant: Craidd ac Ymarfer Lefel 3

Rhan-amser, Prentisiaeth

Lefel 3

CACHE

Tycoch

18 mis

Trwy gyfrwng y Gymraeg

Ffôn: 01792 284000 (Tycoch)

E-bost: enquiries@gcs.ac.uk

Arolwg

Nod ein rhaglen Gofal, Chwarae, Dysgu a Datblygiad Plant yw rhoi’r sgiliau a’r wybodaeth i chi ddarparu gofal cyfannol, meithrin dysgu seiliedig ar chwarae, a chefnogi datblygiad iach plant. P’un ai ydych yn awyddus i fod yn weithiwr proffesiynol gofal plant, addysgwr, neu riant, mae’r cwrs hwn yn cynnig gwybodaeth werthfawr am greu amgylcheddau sy’n hyrwyddo lles a thwf plant.

Mae’r cwrs hwn ar gael fel opsiwn rhan-amser ac fel prentisiaeth.

Ymgeisiwch nawr Cofrestrwch nawr

Gwybodaeth allweddol

Rhaid i ddysgwyr ddod am gyfweliad gyda’r tîm gofal plant a bydd cynigion cwrs yn amodol ar brawf sgrinio llythrennedd byr.

Rhan-amser

Bydd yn ofynnol i chi sicrhau eich lleoliad mewn lleoliad gofal plant addas. Bydd angen i chi gwblhau 700 awr ar leoliad dros gyfnod o 18 mis.

Prentisiaeth

Bydd angen i brentisiaid sicrhau lleoliad ysgol a rhaid bod yn gyflogedig am o leiaf 16 awr yr wythnos mewn ysgol addas gyda phlant o ysgol oedran gorfodol.

Os nad ydych yn meddu ar y cymwysterau perthnasol mewn Saesneg a Mathemateg (Gradd C neu uwch ar lefel TGAU) bydd angen i chi astudio sgiliau hanfodol fel rhan o’ch fframwaith prentisiaeth

Mae dwy elfen i’r cwrs: CBAC Lefel 2 Craidd a Lefel 3 Ymarfer. Bydd hyn yn cael ei astudio dros 18 mis. Addysgir y cwrs wyneb yn wyneb ar Gampws Tycoch am un prynhawn yr wythnos. Cewch eich addysgu gan ddarlithydd profiadol a bydd gennych fynediad i amrywiaeth eang o arfau dysgu ar-lein ar gyfer astudiaethau pellach yn eich amser eich hun.

Amcanion

Bydd myfyrwyr yn deall:

Datblygiad plant
Dulliau cyfannol
Dysgu seiliedig ar chwarae
Cwricwlwm Cymru.

Canlyniadau

Mae’r llwybr hwn yn cyfuno cymhwyster craidd Lefel 2 â chymhwyster ymarfer Lefel 3, gan roi cyfle i ddysgwyr fod yn ymarferwyr cymwysedig Lefel 3 dros 18 mis. Mae’r cwrs yn addas ar gyfer y rhai sy’n dilyn gyrfa mewn lleoliadau blynyddoedd cynnar a gofal plant megis gofal dydd, Dechrau’n Deg neu ysgolion.

Asesu

Er mwyn cyflawni’ch cymhwyster craidd, byddwn yn eich paratoi i basio un asesiad dewis lluosog.

Er mwyn cyflawni’r cymhwyster ymarfer, cewch eich cefnogi i gwblhau portffolio lleoliad, ac felly byddwch yn arsylwi ac yn cynllunio gweithgareddau ar gyfer plant 0-7 oed.

Yn yr holl asesiadau dyfernir gradd ‘pasio’ neu ‘fethu’.

Os byddwch yn pasio’r cwrs hwn, gallech symud ymlaen i’r canlynol:

Addysg Bellach: Prentisiaeth Uwch mewn Arweinyddiaeth ar gyfer Gofal, Dysgu a Datblygiad Plant neu Gradd Sylfaen Ymarfer Datblygiad Plentyndod
Cyflogaeth mewn meithrinfa ddydd neu leoliad Dechrau’n Deg fel ymarferydd gofal plant dan oruchwyliaeth
Cyflogaeth fel cynorthwyydd addysgu.

Bydd yn ofynnol i chi gael gwiriad DBS am gost ychwanegol.

Bydd myfyrwyr yn cael aseswr a fydd yn eich cefnogi drwy gydol y cwrs. Cewch fynediad i amrywiaeth o gyfleusterau a gwasanaethau cymorth yn y Coleg i gynorthwyo’ch profiad dysgu.