Ffair Prentisiaethau a Recriwtio | 4 Chwefror | Cofrestru
Wythnos Prentisiaethau Cymru
Mae Wythnos Prentisiaethau Cymru yn ôl ar gyfer 2026, dathliad blynyddol sy’n tynnu sylw at y rôl hanfodol y mae prentisiaethau yn ei chwarae wrth lunio gweithlu’r dyfodol, grymuso dysgwyr a llywio llwyddiant busnes.
Eleni mae Wythnos Prentisiaethau Cymru yn rhedeg rhwng dydd Llun 9 tan ddydd Sul 15 Chwefror, lle mae cyflogwyr, colegau, ysgolion a mwy yn dod at ei gilydd i arddangos y cyfleoedd sy’n newid bywyd y mae prentisiaethau yn eu darparu a’u cyfraniad sylweddol i’r economi.
Gweithgareddau'r Wythnos Brentisiaethau
Yng Ngholeg Gŵyr Abertawe, byddwn ni’n cynnal amrywiaeth o weithgareddau cyn yr wythnos ac yn ystod yr wythnos i ddathlu ac egluro prentisiaethau:
- Ddydd Mercher 4 Chwefror, bydd y Coleg yn cynnal Ffair Prentisiaethau a Recriwtio, digwyddiad penodedig i bobl o bob oedran i ddysgu rhagor am ein prentisiaethau clodfawr, cwrdd â chyflogwyr a chael cymorth gyrfa/prentisiaeth.
Cofrestrwch ar gyfer y ffair ar Eventbrite - Ddydd Llun 9 Chwefror, bydd Coleg Gŵyr Abertawe yn cynnal ei Wobrau Prentisiaethau blynyddol. Bydd y seremoni yn dathlu cyflawniadau prentisiaid, cyflogwyr a staff o bob maes pwnc!
- Yn olaf, o ddydd Llun 9 tan ddydd Iau 12 Chwefror, bydd sesiynau gwybodaeth prentisiaethau yn cael eu cynnal yn rhithwir ar Microsoft Teams - mae’r manylion i’w gweld isod!
Sesiynau gwybodaeth prentisiaethau
4 Chwefror
Ffair prentisiaethau a recriwtio
3.30-7pm
Campws Tycoch
Dewch i gwrdd ag arbenigwyr pwnc a chyflogwyr, darganfod prentisiaethau gwag a derbyn cyngor gyrfa.
Mae ein ffair prentisiaethau a recriwtio ar gyfer pobl o unrhyw oedran – p’un a ydyn nhw’n gobeithio uwchsgilio neu newid gyrfa, newydd adael yr ysgol, neu’n chwilio am ddewis arall i addysg uwch.
9 Chwefror
Cyflwyniad i Arwain: Cymwysterau CMI ac ILM
1-1.30pm
Microsoft Teams
Sesiwn graff ar gymwysterau Arwain a Rheoli CMI ac ILM yng Ngholeg Gŵyr Abertawe.
P'un a ydych chi am fod yn rheolwr uchelgeisiol, yn datblygu eich sgiliau rheolaeth ganol neu yn symud ymlaen i rolau arwain uwch, mae ein rhaglenni'n cynnig llwybrau clir i gefnogi eich nodau gyrfa.
Mae'r sesiwn hon yn ddelfrydol ar gyfer unigolion a chyflogwyr sy'n awyddus i ddatblygu arweinwyr cryf a hyderus ar bob lefel.
10 Chwefror
Yn Cyflwyno Rheolwr Cynnyrch Digidol: Meithrin arweinwyr digidol y dyfodol
1.30-2pm
Microsoft Teams
Ymunwch â ni am sesiwn gyflwyno i’n cymhwyster newydd mewn Rheoli Cynnyrch Digidol.
Dyma gyfle i ddarganfod sut mae’r cymhwyster hwn yn datblygu’r sgiliau sydd eu hangen i reoli cynnyrch digidol, gan gyfuno technoleg, data a safbwyntiau defnyddwyr i arwain timau i greu systemau effeithiol, gwasanaethau, apiau, gwefannau a meddalwedd.
Dysgwch am gynnwys ac addasrwydd y cymhwyster a sut y gall feithrin arweinwyr cynnyrch digidol y dyfodol.
11 Chwefror
Eich dyfodol ym maes cyllid: Cymwysterau Cyfrifeg AAT
9.30-10am
Microsoft Teams
Dewch i sesiwn sy’n cwmpasu pob agwedd ar gyrsiau Cyfrifeg yng Ngholeg Gŵyr Abertawe. P’un ai a ydych yn dechrau yn y maes neu yn datblygu sgiliau presennol, mae cyrsiau AAT yn cynnig cymwysterau ar bob lefel.
Dyma gyfle i ddarganfod sut y gall y cymwysterau hyn ddatblygu sgiliau allweddol, o ddeall prosesau ariannol a pharatoi datganiadau ariannol i archwilio meysydd arbenigol fel treth, archwilio ariannol a rheoli ariannol.
11 Chwefror
Datblygu timau Gwasnaeth Cwsmeriaid o’r radd flaenaf
10-10.30am
Microsoft Teams
Ymunwch â ni am sesiwn ar ein cymwysterau Gwasanaeth Cwsmeriaid a Gweithrediadau Canolfan Gyswllt. Dyma gyfle i ddarganfod sut y gall y llwybrau hyn gael eu defnyddio i uwchsgilio staff newydd a phresennol.
Dysgwch ragor am yr opsiynau sydd ar gael a sut y maent yn diwallu anghenion eich gweithlu, gan ddarganfod y manteision y gallant eu cynnig i staff a chyflogwyr.
11 Chwefror
Sgyrsiau Grymusol: Gwybodaeth, Cyngor ac Arweiniad
1.30-2pm
Microsoft Teams
Dewch i’n sesiwn i archwilio cymwysterau gwybodaeth, cyngor ac arweiniad. Mae’r sesiwn yn ddelfrydol ar gyfer unigolion sy’n gweithio mewn rolau cefnogi, cynghori ac arwain.
Mae’r cymhwyster yn addas ar gyfer ystod eang o sectorau gwahanol, gan gynnwys undebau llafur, ysgolion, cymdeithasau tai, adnoddau dynol ac iechyd a gofal cymdeithasol.
11 Chwefror
Hybu arbenigedd cyfreithiol: Eich canllaw ar gyfer y brentisiaeth mewn Gwasanaethau Cyfreithiol
3.30-4pm
Microsoft Teams
Dewch i’r sesiwn i gael cyflwyniad i’r brentisiaeth Gwasanaethau Cyfreithiol a’r cymhwyster CILEX, sydd wedi’i gynllunio i uchwsgilio paragyfreithwyr a chynorthwywyr cyfreithiol.
Dyma gyfle i ddarganfod sut y gall y brentisiaeth hon feithrin arbenigedd hanfodol mewn cyfraith contract, camwedd, eiddo a'r system gyfreithiol, gan hybu gallu proffesiynol. Mae’r cymhwyster yn ddelfrydol ar gyfer gweithwyr a sefydliadau sydd am ddatblygu llwybrau gyrfa a datblygu gweithwyr cymorth proffesiynol a hyderus ym maes gwasanaethau cyfreithiol.
12 Chwefror
Dere i adeiladu neu ddatblygu dy yrfa Rheoli Cyfleusterau gyda chymwysterau IWFM
12-12.30pm
Microsoft Teams
Ymuna â’r sesiwn hon i gael atebion i dy gwestiynau am gymwysterau’r Sefydliad Rheoli Gweithleoedd a Chyfleusterau (IWFM) (BIFM gynt), sydd ar gael ledled Cymru.
Mae lefelau ar gael i newydd-ddyfodiaid, pobl sy’n newid gyrfa, a gweithwyr proffesiynol profiadol, ac mae’r cymwysterau yn hyblyg ac yn ddelfrydol i’r rhai sy’n gweithio mewn gwasanaethau caled, gwasanaethau meddal neu mewn rôl strategol.
12 Chwefror
Peiriannu eich Uchelgeisiau: Sesiwn Holi ac Ateb Prentisiaeth
1-2pm
Microsoft Teams
Dyma gyfle i fynd i sesiwn Holi ac Ateb ar brentisiaeth Peirianneg a gynigir gan Goleg Gŵyr Abertawe. P’un ai ydych chi’n chwilio am eich gyrfa nesaf neu yn gyflogwr sydd am uwchsgilio eich tîm, mae’r sesiwn hwn yn gyfle perffaith i siarad yn uniongyrchol â’n harbenigwyr.
Gallwch gael atebion i’ch cwestiynau a dysgu mwy am yr ystod eang o lwybrau a gynigiwn ym meysydd fel Peirianneg, Trydanol, Weldio, Cerbydau Modur a mwy. Dyma gyfle i ddarganfod sut gall prentisiaethau gefnogi dilyniant unigol a datblygiad o fewn y gweithlu.
12 Chwefror
Adeiladu dyfodol gwell: Gyrfaoedd, Gwybodaeth a Chyngor
1.30-2pm
Microsoft Teams
Ewch i’r sesiwn hon i ddysgu mwy am y cymhwyster Gyrfaoedd, Gwybodaeth a Chyngor, sy’n berffaith ar gyfer unigolion sy’n darparu gwybodaeth a chyfarwyddyd i unigolion mewn perthynas â dysgu, hyfforddi a phenderfyniadau gyrfaol.
Mae’r llwybr hwn yn addas ar gyfer gweithwyr proffesiynol sy’n gweithio mewn rolau fel hyfforddwyr swyddi, cynorthwywyr gyrfa a swyddogion datblygu o fewn gwasanaethau cyflogaeth.