Olwynion Sgraffinio - Cwrs
Trosolwg
Mae’r cwrs hwn yn cydymffurfio â gofynion Rheoliadau Darparu a Defnyddio Cyfarpar Gwaith 1998, a chyhoeddiad Yr Awdurdod Gweithredol Iechyd a Diogelwch sef ‘Safety in the Use of Abrasive Wheels’ (HSG17).
Mae’n fwyaf addas ar gyfer:
- Cyflogwr sydd wedi penodi aelod o staff i fod yn gymwys wrth osod olwynion sgraffinio
- Rhywun sydd wedi gweithredu teclyn olwyn sgarffinio yn y gweithle, ac sydd angen deall sut i weithredu a gosod olwynion llifanu, a bod yn gyfarwydd â’r rheoliadau perthnasol
Ar ôl cwblhau’r cwrs, bydd myfyrwyr yn dysgu’r sgiliau gofynnol i osod olwyn sgraffinio mewn amgylchedd diogel a bydd ganddynt wybodaeth o’r gofynion cyfreithiol dan Reoliadau Darparu a Defnyddio Cyfarpar Gwaith 1998.
Gwybodaeth allweddol
Dylai darpar ymgeiswyr fod yn gyflogedig mewn maes perthnasol, lle mae’r defnydd neu’r wybodaeth o olwynion sgraffinio yn rhan annatod o’r rôl.
Testunau
Trwy waith theori ac arddangosiadau ymarferol, mae’r cwrs yn rhoi sylw i’r gofynion ar gyfer defnyddio a gosod olwynion sgraffinio yn ddiogel, olwynion sgraffinio a ddefnyddir ar gyfer llifanwyr mainc ac offer llaw cludadwy.
- Peryglon a rhagofalon
- Marcio olwynion sgraffinio
- Storio, trafod a chludo
- Arolygu a phrofi
- Swyddogaethau’r holl gydrannau a ddefnyddir
- Y dull cywir o drin olwyn
- Addasu’r rest
- Gofynion y rheoliadau
- Deddfwriaeth berthnasol arall