Gyrfaoedd, Gwybodaeth a Chyngor Lefel 4 - Prentisiaeth
Arolwg
Mae ein prentisiaeth Gyrfaoedd, Gwybodaeth a Chyngor wedi’i hariannu’n llawn, ac mae ar gyfer y rheini sy’n rhoi gwybodaeth a chyngor diduedd i gleientiaid ar gyfleoedd dysgu, hyfforddi a gyrfa. Gallai dysgwyr fod yn gweithio mewn rolau fel hyfforddwyr swyddi, cynorthwywyr gyrfaoedd, cymorth dysgu a datblygu, a gwasanaethau cysylltiedig â chyflogaeth.
Fel rhan o’r brentisiaeth, bydd yr unedau gorfodol a dewisol yn cael eu hasesu fel e-bortffolio sy’n seiliedig ar dystiolaeth, a fydd yn cynnwys gweithgareddau sy’n seiliedig ar wybodaeth a chymhwysedd. Gall y rhain gynnwys astudiaethau achos seiliedig ar waith, datganiadau tystion, arsylwadau, datganiadau personol a chwestiynau am wybodaeth.
Gwybodaeth allweddol
Gall y brentisiaeth ddechrau ar unrhyw adeg o’r flwyddyn, ac mae’n cael ei haddysgu i grwpiau a/neu unigolion gan ddefnyddio dull dysgu cyfunol drwy Teams/Zoom/Skype fel y bo’n briodol. Fel arfer bydd y dysgwyr yn cael sesiynau a chyfarfodydd gyda’r aseswr/tiwtor bob 3 i 4 wythnos.
Unedau gorfodol
- Paratoi i weithio yn y sector datblygu gyrfa
- Myfyrio ar ymarfer a datblygiad proffesiynol parhaus
- Ateb anghenion gwybodaeth sy’n gysylltiedig â gyrfa cleientiaid
- Damcaniaethau a chysyniadau dewis gyrfa i gefnogi cleientiaid
- Rhyngweithio â chleientiaid i nodi eu hangen am arweiniad a datblygiad gyrfa
Unedau dewisol
Bydd dy diwtor/aseswr yn gweithio gyda ti i nodi pa unedau dewisol sy’n gweddu i dy rôl a dy gyfrifoldebau, ond mae unedau dewisol yn cynnwys:
- Cynorthwyo cleientiaid i adolygu cyflawniad gweithredoedd cysylltiedig â gyrfa
- Cynllunio a darparu dysgu cysylltiedig â gyrfa mewn grwpiau
- Archwilio a chytuno ar sut i ateb anghenion cysylltiedig â gyrfa cleientiaid
- Cynorthwyo cleientiaid i wneud cais am ddysgu, hyfforddiant a gwaith
- Deall sut i gefnogi grwpiau penodol o gleientiaid i oresgyn rhwystrau
- Darparu cymorth parhaus i gleientiaid
- Hyrwyddo dysgu cysylltiedig â gyrfa i gleientiaid
- Cynllunio, darparu a gwerthuso cyflwyniadau
- Ymgysylltu â phobl berthnasol eraill i helpu cleientiaid i ateb eu hanghenion datblygu gyrfa