Newyddion y Coleg

Sut i gael dy ganlyniadau arholiadau / cymwysterau Awst 2024

Os oes gennyt ti ddiwrnodau canlyniadau penodedig, dylet ti gadw llygad allan am wahoddiad gennym ni w/d dydd Llun 5 Awst.

Bydd hwn yn rhoi manylion y trefniadau ar gyfer casglu dy ganlyniadau. Y diwrnodau canlyniadau penodedig yw:

Safon Uwch, Galwedigaethol Lefel 3 (fel BTEC, OCR, UAL, NCFE) a Bagloriaeth Cymru
Dydd Iau 15 Awst 2024 (o 9.15am)

TGAU a Galwedigaethol Lefel 2
Dydd Iau 22 Awst 2024 (o 9.15am)

Bydd canlyniadau ar gael hefyd drwy’r e-CDU ar y ddau ddiwrnod.

Y Coleg yn dathlu datblygiad staff Cyngor Abertawe

Roedd Coleg Gŵyr Abertawe yn falch o nodi cyflawniadau diweddar carfan o ddysgwyr o Gyngor Abertawe mewn seremoni ddathlu yn Ysgol Fusnes Plas Sgeti. 

Roedd y digwyddiad yn ffordd o gydnabod ymdrech a gwaith caled y dysgwyr dros y misoedd diwethaf, ac fe wnaethant dderbyn eu tystysgrifau ar ôl cwblhau cymwysterau proffesiynol mewn Arwain a Rheoli, Dadansoddi Data a Thai.

Coleg Gŵyr Abertawe yn cyrraedd rhestr fer yng Ngwobrau Symudedd Cymdeithasol y DU 2024

Mae Coleg Gŵyr Abertawe wedi cyrraedd y rhestr fer ar gyfer categori Ysgol/Coleg y Flwyddyn yn wythfed Gwobrau Symudedd Cymdeithasol blynyddol y DU.

Cafodd y gwobrau eu creu i gydnabod a dathlu sefydliadau blaengar sy’n hybu newidiadau cymdeithasol i weithwyr a’u cymunedau, trwy ymgorffori symudedd cymdeithasol yn eu strategaethau busnes craidd. 

Coleg yn cyflwyno prentisiaeth Gwasanaethau Cyfreithiol

Mae Coleg Gŵyr Abertawe yn falch dros ben o gyhoeddi argaeledd prentisiaeth Gwasanaethau Cyfreithiol newydd sbon, gan ehangu ein darpariaeth prentisiaeth arobryn ymhellach.

Wedi’i hachredu gan Sefydliad Siartredig y Gweithredwyr Cyfreithiol (CILEX), mae’r rhaglen hynod ymarferol hon sy’n canolbwyntio ar yrfaoedd yn rhoi modd i ymgeiswyr ddilyn amrywiaeth o rolau o fewn y sector cyfreithiol, gan gynnwys Paragyfreithiwr, Cynorthwyydd Cyfreithiol, Swyddog Gweinyddol Cyfreithiol ac Ysgrifennydd Cyfreithiol.

Coleg Gŵyr Abertawe yn sicrhau lle yn y 100 Gorau ar Restr Stonewall

Mae’r Coleg wedi sicrhau lle yn y 100 gorau ar restr Stonewall o gyflogwyr blaenllaw sy’n LHDTC+-gynhwysol.

Teithiau Rhyngwladol

Eleni, mae staff a myfyrwyr wedi achub ar gyfleoedd gwych i gymryd rhan mewn gweithgareddau rhyngwladol – wedi’u hariannu gan Raglen TAITH – i wledydd megis Canada, Sbaen, Portiwgal a’r Iseldiroedd, gyda gweithgareddau wedi’u cynllunio i Sweden a Chenia.

Mae rhyngwladoldeb wrth wraidd ein cenhadaeth, ac mae’r Swyddfa Ryngwladol wedi bod yn brysur iawn yn trefnu’r ymweliadau hyn gan sicrhau bod CGA yn goleg gwirioneddol fyd-eang gyda gweithgareddau rhyngwladol arloesol i staff a dysgwyr.

Darlithydd gofal plant yn ennill gwobr ‘athro gorau’

Mae darlithydd Gofal Plant o Goleg Gŵyr Abertawe wedi ennill Gwobr y Dysgwyr ar gyfer Athro/Darlithydd Gorau yn nigwyddiad mawreddog Gwobrau Addysgu Proffesiynol Cymru.

Derbyniodd Rhian Evans y wobr mewn seremoni wobrwyo arbennig yn Neuadd Sychdyn, Sir y Fflint, lle cyhoeddwyd yr enillwyr gan Ysgrifennydd y Cabinet dros Addysg, Lynne Neagle AS.

Dyma’r tro cyntaf i’r gwobrau addysgu fod ar agor i golegau addysg bellach yn ogystal ag ysgolion.

Gwaith myfyrwraig Llwyn y Bryn mewn arddangosfa yn Llundain

Mae myfyrwraig o Goleg Gŵyr Abertawe wedi cael ei dewis gan Gorff Dyfarnu UAL i arddangos ei gwaith yn Origins Creatives 2024.

Mae’r fyfyrwraig Ffotograffiaeth Lefel 3 Evangeline Roberts, sy’n astudio ar Gampws Llwyn y Bryn, wedi cael ei dewis i arddangos ei gwaith yn Origins Creatives, sy’n cael ei gynnal ym Mall Galleries, Llundain, ym mis Gorffennaf.

Diwrnod Lles Staff 2024

Ar ddiwedd blwyddyn academaidd brysur arall, cynhaliodd Coleg Gŵyr Abertawe ei Ddiwrnod Lles Staff yr haf ar 4 Gorffennaf.

Roedd staff addysgu a staff cymorth yn gallu ymlacio a chymryd rhan mewn amrywiaeth eang o weithgareddau eleni gan gynnwys golff, iacháu siamanaidd, garddio, therapi dŵr oer, ioga a gwneud printiau.

Roedden nhw hefyd yn gallu cael cyngor am ddim ar ystod o bethau megis materion cyfreithiol, therapi adfer hormonau, iechyd a ffitrwydd cyffredinol, a chynllun Beicio i’r Gwaith y Coleg.

Cyfle cyffrous i gyflogwyr: digwyddiad galw heibio ar brentisiaethau

A ydych chi’n gyflogwr sy’n dymuno recriwtio prentis? Ydych chi am ddysgu mwy am sut y gall prentisiaethau fod o fudd i’ch busnes? Ymunwch â ni ar gyfer ein digwyddiad galw heibio ar brentisiaethau i gyflogwyr.

Bwriad y digwyddiad yw rhoi cyfle i gyflogwyr ymgysylltu yn uniongyrchol â’n harbenigwyr, gan ddysgu mwy am y cymorth prentisiaethau helaeth sydd ar gael yn y Coleg.