Newyddion y Coleg

Llwyddiant cenedlaethol i fyfyrwyr yn yr Urdd

Bu llwyddiant arbennig i’n myfyrwyr yn Eisteddfod yr Urdd Llanymddyfri yn wythnos diwethaf.  Bu dros 60 o fyfyrwyr i gyd yn cystaldu mewn amrywiol gystadlaethau llwyfan a gwaith cartref. Coleg Gŵyr Abertawe oedd y coleg addysg bellach fwyaf llwydianus o’r holl golegau yng Nghymru eleni.

ROWND GENEDLAETHOL

Llun 2D Bl10 a dan 19 oed – 1af Lara Rees

Ffotograff wedi’i addasu Bl.10 a dan 19 oed – 1af Sam Sarsero | 2il Morgan Mason

Ffotograffiaeth: Llun Lliw Bl10 a dan 19 oed – 1af Steffan Thomas | 3ydd Archie Craven

Darllen mwy

Taith annisgwyl i Stryd Downing i fyfyrwyr

Yn ddiweddar, aeth ein myfyrwyr Safon UG Llywodraeth a Gwleidyddiaeth i Lundain lle gwelon nhw ambell i olygfa enwog iawn.

Roedd yn ddiwrnod llawn gweithgareddau. Gan gychwyn o Abertawe am 5.30am, ymwelodd y myfyrwyr â Goruchaf Lys y DU a mwynhau taith o gwmpas Whitehall.

Cawson nhw eu tretio hefyd i daith o gwmpas y Senedd gan gynnwys Tŷ’r Cyffredin a Thŷ’r Arglwyddi. Cafwyd gweithdy ar wneud cyfreithiau ar ddiwedd y daith, wedi’i ddilyn gan sesiwn holi ac ateb gydag AS Gŵyr Tonia Antoniazzi.

Darllen mwy

Cyrsiau Mynediad i Addysg Uwch: agor llwybrau i addysg a llwyddiant gyrfa

Yng Ngholeg Gŵyr Abertawe, rydym yn falch o ddarparu amrywiaeth cynhwysfawr o gyrsiau Mynediad i Addysg Uwch (AU), gyda’r nod o rymuso unigolion 19 oed a hŷn gyda’r sgiliau a’r cymwysterau sydd eu hangen ar gyfer mynediad llwyddiannus i addysg uwch. P’un ai ydych yn ceisio dychwelyd i addysg ar ôl cael saib neu’n ystyried dechrau llwybr gyrfa newydd, mae ein cyrsiau Mynediad yn darparu’r sylfaen ddelfrydol ar gyfer eich taith addysgol!

Darllen mwy

Coleg Gŵyr Abertawe yn ennill gwobr Efydd Stonewall am fod yn gyflogwr blaengar a chynhwysol mewn perthynas â gweithwyr LGBTQ+

Mae gwobr efydd Stonewall yn cydnabod cyflogwyr eithriadol sydd yn ymrwymedig i gefnogi eu staff a’u cwsmeriaid LHDTC+. Canmolwyd Coleg Gŵyr Abertawe am weithio’n galed i greu gweithle lle gall weithwyr LHDTC+ fynegi eu hunain yn y gwaith. Mae Coleg Gŵyr Abertawe bellach yn rhan o restr helaeth o gwmnïau ym meysydd adeiladu, y gyfraith, iechyd, cyllid ac addysg sydd wedi ennill gwobr Efydd am gynnig gweithle cynhwysol i staff LDHTC+. Darllen mwy

Neges Heddwch ac Ewyllys Da yr Urdd

Eleni mae’r Coleg wedi cymryd hran yn Neges Heddwch ac Ewyllys Da yr Urdd sydd yn ffocysu ar wrth-hiliaeth.  

Mae’r neges yn datgan nad oes lle i hiliaeth yn y byd, ac os ydym yn ei weld, rhaid Galw Nhw Allan.   

Eleni crëwyd y neges gan fyfyrwyr Prifysgol Caerdydd gyda'r cerddor Eädyth a Swyddog Cynnwys Addysg S4C, Natalie Jones. Mae'n alwad gan ieuenctid Cymru i weithredu’n uniongyrchol i: 

Datgymalu camwahaniaethu systemig 

Herio rhagfarnau diarwybod 

Darllen mwy

Cwrs mynediad yn agor y drws i addysg uwch

Mae meddwl am ddychwelyd i fyd addysg ar ôl saib yn gallu bod yn ddychrynllyd ar y dechrau. Ond mae mwy a mwy o oedolion yn dychwelyd i’r ystafell ddosbarth i ddiweddaru eu sgiliau a rhoi hwb i’w rhagolygon gyrfa.

Dewisodd Cherene Napier astudio Mynediad i Fusnes a Gwasanaethau Ariannol yng Ngholeg Gŵyr Abertawe, cwrs a fyddai, yn ei barn hi, yn ei helpu i gael cyfleoedd cyflogaeth mewn sefydliadau mwy o faint gyda mwy o botensial ar gyfer twf.

Darllen mwy

Olympiadau Academaidd yn rhoi myfyrwyr ar brawf

Mae myfyrwyr o Goleg Gŵyr Abertawe wedi perfformio’n arbennig o dda mewn cyfres o gystadlaethau yn ddiweddar a gynlluniwyd i brofi eu sgiliau a’u paratoi ar gyfer eu ceisiadau prifysgol.

Roedd y dysgwyr yn gallu cymryd rhan yng nghynllun Olympiad Sêr Cymreig diolch i gymorth Rhwydwaith Seren, menter Llywodraeth Cyumru sy’n helpu dysgwyr disgleiriaf ysgolion gwladol Cymru i gyflawni eu potensial academaidd llawn.

Darllen mwy

Ailystyried gyrfa diolch i Gemeg!

Roedd Ruby Millinship yn bwriadu dilyn gyrfa ym maes dylunio nes iddi ddechrau astudio Safon Uwch Cemeg yng Ngholeg Gŵyr Abertawe.

“Penderfynais i astudio cemeg i roi cynnig arno a dweud y gwir, roedd y pwnc wedi ennyn fy chwilfrydedd ar lefel TGAU ac roeddwn i eisiau gwybod rhagor,” meddai Ruby. “O fewn y pythefnos cyntaf, roeddwn i wedi darganfod pwnc a ddaeth yn naturiol i mi. Roedd dysgu cemeg yn teimlo fel dysgu pwnc oedd eisoes yn fy meddwl; roedd e’n gwneud synnwyr. Cemeg organig daniodd fy niddordeb gynta’ ac yn fuan roeddwn i eisiau gwybod popeth amdani.”

Darllen mwy

Coleg Gŵyr Abertawe yn croesawu cymal rhanbarthol SkillBuild

Mae’r gystadleuaeth sgiliau adeiladu fwyaf a hynaf yn y DU yn dychwelyd, wrth i Goleg Gŵyr Abertawe baratoi i groesawu 80-100 myfyriwr ar gyfer cymal rhanbarthol De Cymru SkillBuild 2023.

Darllen mwy

Coleg yn cefnogi gweledigaeth Digidol 2030

Mae Jisc yn gweithio mewn partneriaeth â Llywodraeth Cymru i fwrw ymlaen â Digidol 2030, sydd â’r nod o weld darparwyr dysgu yng Nghymru yn manteisio ar botensial technoleg ddigidol wedi’i hategu gan egwyddorion arloesi, cydweithio, cydgynhyrchu a phartneriaeth gymdeithasol.

Mae Coleg Gŵyr Abertawe yn falch o fod wedi cymryd rhan mewn dwy astudiaeth achos yn ddiweddar:

Mae prosiect Growing Comms yn edrych ar osod mannau dysgu gweithredol cysylltiedig mewn AU ac AB sy’n cael effaith gadarnhaol ar ddysgwyr.

Darllen mwy