Er mwyn deall dy anghenion, byddwn ni’n dechrau gydag Asesiad Cychwynnol. Mae hyn yn drafodaeth 30 munud i ni ddysgu rhagor amdanat. Bydd yr wybodaeth a gasglwn yn ein helpu i nodi’r cymorth iawn i ti, neu a oes angen prawf sgrinio pellach arnat.
Sgrinio
Mae prawf sgrinio yn cynnwys tasgau byr sy’n rhoi proffil i ni o dy gryfderau ac unrhyw heriau. Nid yw’n asesiad ffurfiol nac yn ddiagnosis. Sylwa: bydd rhaid i ti fod wedi cael prawf llygad o fewn y ddwy flynedd cyn y prawf sgrinio.
Gallai sgrinio arwain at gynnig o:
- Trefniadau mynediad arholiad
- Addysgu arbenigol gan ddarlithydd ADY
- Offer arbenigol
- Darpariaeth technoleg gynorthwyol
- Cyfeiriad at weithdy ADY
- Cyfeiriad at wasanaethau cymorth eraill y Coleg
- Cyfeiriad at asiantaethau allanol
- Arweiniad ar y Lwfans i Fyfyrwyr Anabl
- Cyngor ar Fynediad at Waith.
Trefniadau mynediad arholiad
Os wyt ti’n ddysgwr â Gwahaniaethau Dysgu Penodol, anghenion corfforol neu feddygol, gelli di wneud cais am Drefniadau Mynediad Arholiad. Mae’r trefniadau hyn yn rhoi mynediad cyfartal i ti at yr arholiad heb newid gofynion yr asesiad.
Mae rhai enghreifftiau’n cynnwys:
- Amser ychwanegol
- Defnyddio darllenydd
- Defnyddio ysgrifennydd
- Defnyddio prosesydd geiriau
- Troshaenau neu bapur lliw
- Ystafell lai neu ar wahân.
Os wyt ti wedi cael trefniadau mynediad arholiad yn y gorffennol, rho wybod i ni adeg cofrestru. Bydd angen i ti roi tystiolaeth o dy wahaniaeth dysgu neu dy angen meddygol i dy gydlynydd. Bydd e/hi yn cwrdd â ti yn y tymor cyntaf i roi’r trefniadau hyn ar waith.
Sylwa y bydd pob cais am drefniadau mynediad yn cael eu derbyn yn unol â chanllawiau’r bwrdd arholi. Y bwrdd arholi sydd â’r gair olaf.
Os oes angen rhagor o wybodaeth arnat, cysyllta â’r tîm ar learningsupport@gcs.ac.uk.