Canva ar gyfer Cynnwys Digidol Creadigol

Nod y gweithdy ymarferol diwrnod-llawn hwn yw helpu oedolion i fagu hyder wrth ddefnyddio Canva ar gyfer gwaith pob dydd, prosiectau a syniadau. Mae’n ddiwrnod rho gynnig arni yn hytrach na sesiwn ‘eistedd a gwrando’, gyda digon o amser i archwilio, rhoi cynnig ar bethau a gofyn cwestiynau heb deimlo eich bod yn cael eich rhuthro.

Byddwn ni’n dechrau gyda chyflwyniadau gan eich tywys trwy osodiad ac offer Canva, cyn symud ymlaen i dempledi, elfennau ychwanegu a golygu, a gwneud i ddyluniadau edrych yn glir ac yn broffesiynol heb gorfeddwl amdanynt. Wrth i’r diwrnod symud yn ei flaen, byddwn ni hefyd yn edrych ar rai o nodweddion mwy defnyddiol Canva a sut gall offer AI helpu i gyflymu pethau.

Sut all Canva fod yn ddefnyddiol:

Drwy gydol y dydd, byddwn ni’n rhoi enghreifftiau a gweithgareddau sy’n dangos sut y gallwch ddefnyddio Canva ar gyfer pethau pob dydd, fel:

• Cyflwyniadau a sleidiau sy’n edrych yn broffesiynol
• Posteri a thaflenni, cyrsiau, ymgyrchoedd neu hysbysfyrddau
• Graffigwaith y cyfryngau cymdeithasol a fideos syml
• Taflenni, gweithlenni a phecynnau gwybodaeth
• Ffeithluniau i esbonio syniadau neu ddata yn glir
• Tystysgrifau, gwahoddiadau a deunyddiau hyrwyddo
• Brandio sylfaenol fel logos, patrymau lliw a gosodiadau cyson
• Dogfennau syml ar gyfer cyfathrebu mewnol neu wybodaeth ar gyfer y cyhoedd.

Erbyn diwedd y dydd, bydd cyfranogwyr yn:

• Teimlo’n hyderus wrth lywio Canva a gosod dyluniadau o’r dechrau neu o dempledi
• Gwybod sut i greu ac addasu dyluniadau ar gyfer printio, a defnydd digidol a sgrin
• Gallu ychwanegu, golygu a threfnu elfennau, testun a delweddau’n effeithiol
• Deall pa nodweddion Canva sy’n wirioneddol ddefnyddiol a phryd i’w defnyddio
• Cael cyflwyniad ymarferol i offer AI Canva a sut y gallan nhw arbed amser
• Gadael gydag offer a sgiliau i’w defnyddio yn syth.

I bwy mae’r gweithdy?

Mae’r sesiwn hon yn addas i oedolion sy’n gweithio yn unrhyw sector a fyddai’n elwa ar greu cynnwys gweledol clir a diddorol. Gallai hyn gynnwys addysg, sefydliadau cymunedol, elusennau, busnesau bach, timau digwyddiadau, rolau gweinyddol, neu unrhyw un y mae angen iddo rannu gwybodaeth yn weledol yn rheolaidd.

Mae’r sesiwn hon ar gyfer dechreuwyr ac nid oes angen cefndir dylunio. Os oes gennych lythrennedd cyfrifiadurol sylfaenol ac yn fodlon arbrofi, cewch yr holl sgiliau sydd eu hangen arnoch ar gyfer y gweithdy hwn. Caiff cyfranogwyr eu hannog i ddod â gliniadur gyda nhw, ac os yw’n bosibl, syniad neu ddarn o gynnwys yr hoffen nhw weithio arno yn ystod y dydd.