Mynediad i’r Gyfraith

Amser-llawn

Lefel 3

AGORED

Tycoch

34 wythnos

Ffôn: 01792 284000 (Tycoch)

Trosolwg

Bwriedir y rhaglen Fynediad sefydledig hon yng Ngholeg Gŵyr Abertawe i’r rhai sy’n dychwelyd i addysg ar gyfer dilyniant i addysg uwch neu gyfleoedd cyflogaeth cysylltiedig. Mae’r rhaglen Fynediad hon yn cael ei chydnabod yn eang gan brifysgolion a sefydliadau addysg uwch ac mae’n darparu sylfaen ar gyfer llwybrau yn y gyfraith, troseddeg a phynciau cysylltiedig eraill.

Mae unedau pwnc yn cynnwys:

Prosiect ymchwilio
Natur y gyfraith
Ffynonellau cyfraith
Cyfraith trosedd
Dynladdiad
Llysoedd a dulliau amgen o ddatrys anghydfod
Dull o ymchwilio seicolegol
Agweddau damcaniaethol at seicoleg
Seicoleg troseddu
Safbwynt cymdeithasegol
Cymdeithaseg trosedd a gwyriad
Anghydraddoldebau a gwahaniaethu.

Mae unedau sgiliau gorfodol yn cynnwys:

Cynllunio astudio a rheoli amser
Sgiliau academaidd, sgiliau adolygu a chymhwyso mathemateg.

Ymgeisiwch nawr (amser-llawn)

Gwybodaeth allweddol

Mae ymgeiswyr yn debygol o fod yn dychwelyd i ddysgu a gallant astudio rhaglenni Mynediad o amrywiaeth mawr o gefndiroedd. Yn ddelfrydol, bydd angen cymhwyster Lefel 2 mewn llythrennedd ac nid oes angen gwybodaeth flaenorol o’r gyfraith.

Bydd pob ymgeisydd yn cael cyfweliad ac asesiad i bennu addasrwydd i ofynion y rhaglen sy’n ystyried (i) nodau ac amcanion (ii) profiad bywyd (iii) profiad addysgol. Caiff ymgeiswyr eu cynghori os bydd llwybrau Lefel 3 eraill yn fwy priodol i’w nodau.

Ar y dechrau efallai y bydd ymgeiswyr yn cael eu cynghori i ystyried ein rhaglen Lefel 2 Cyn-fynediad i’w paratoi a phennu eu haddasrwydd i astudio’r llwybr Lefel 3 hwn.

Asesir y Diploma Mynediad 60 credyd hwn yn barhaus trwy gwblhau cyfuniad o unedau pwnc ac unedau sgiliau.

Bydd dulliau asesu’n cynnwys amrywiaeth o waith prosiect ac aseiniadau, traethodau, cyflwyniadau, prosiectau ymchwil a phrofion. Bydd rhaid i chi gynnal eich ffeil cwrs i’r lefel ofynnol ar gyfer corff dyfarnu Agored a bwriad POB asesiad yw paratoi dysgwyr ar gyfer addysg uwch neu gyflogaeth.

Mae’r cwrs yn gofyn am lefel uchel o ymrwymiad i’r amrywiol unedau a asesir yn barhaus er mwyn eu cwblhau’n llwyddiannus.

Ar ôl cwblhau’r cwrs hwn yn llwyddiannus byddwch yn gallu gwneud cais i addysg uwch am amrywiaeth mawr o lwybrau megis y gyfraith neu droseddeg.

Bydd gofyn i fyfyrwyr brynu gwerslyfrau ac efallai y bydd gwibdeithiau y bydd angen i fyfyrwyr gyfrannu tuag atynt.

Grant Dysgu Llywodraeth Cymru i Gefnogi Dysgu

Os ydych chi’n 19 oed neu hŷn ac yn astudio cwrs Mynediad yng Ngholeg Gŵyr Abertawe, gallech dderbyn cymorth ariannol trwy Grant Dysgu Llywodraeth Cymru (AB) ar gyfradd cyrsiau ‘rhan-amser’ (Mae cyrsiau Mynediad yn dod o dan gategori cyllid 275-499 awr).