Peirianneg Gweithgynhyrchu Uwch Lefel 3 - Diploma Estynedig
Trosolwg
Mae BTEC Diploma Estynedig Lefel 3 (sy’n gyfwerth â thri chymhwyster Safon Uwch) yn rhaglen gynhwysol a chynhwysfawr sy’n cyflwyno myfyrwyr i faes cyffrous peirianneg uwch.
Byddwch chi’n:
- datblygu dealltwriaeth gadarn o egwyddorion peirianneg uwch a’u cymhwyso’n ymarferol mewn sefyllfaoedd go iawn
- cael profiad ymarferol o dechnolegau ac offer gweithgynhyrchu blaengar, gan ddatblygu sgiliau ymarferol y mae galw mawr amdanynt gan gyflogwyr
- meithrin sgiliau meddwl beirniadol, datrys problemau, dadansoddi a dylunio mewn cyd-destun peirianneg, gan roi modd i fyfyrwyr fynd i’r afael â heriau peirianneg cymhleth
- gwella’ch galluoedd gwaith tîm, cyfathrebu a rheoli prosiect trwy brosiectau peirianneg cydweithredol, gan eich paratoi i gymryd rhan mewn amgylcheddau proffesiynol a llwyddo
- meithrin ymrwymiad cryf i arferion iechyd a diogelwch o fewn lleoliad peirianneg, gan sicrhau lles oedolion a hyrwyddo amgylcheddau gwaith diogel.
Gwybodaeth allweddol
- Chwech gradd C neu uwch ar lefel TGAU
- Gan gynnwys Saesneg Iaith, Gwyddoniaeth ac o leiaf radd B mewn Mathemateg
- Rydym yn annog diddordeb brwd mewn peirianneg ac awydd i archwilio byd peirianneg uwch.
Mae BTEC Diploma Estynedig Lefel 3 mewn Peirianneg Uwch yn rhaglen amser llawn dwy flynedd a addysgir ar Gampws Gorseinon sy’n cynnwys amrywiaeth o unedau craidd ac arbenigol. Mae’r unedau hyn yn rhoi addysg gyflawn i chi mewn peirianneg uwch.
Blwyddyn 1:
- Egwyddorion peirianneg
- Iechyd a diogelwch yn y gweithle peirianneg
- Cyfathrebu i beirianwyr
- Dylunio a gweithgynhyrchu cynhyrchion peirianneg
- Mathemateg i dechnegwyr peirianneg
- Egwyddorion trydanol ac electronig
- Priodweddau a chymwysiadau defnyddiau peirianneg
- Peirianneg / lluniadu technegol / cynllunio drwy gymorth cyfrifiadur ar gyfer peirianneg.
Blwyddyn 2:
- Dylunio peirianneg
- Egwyddorion a chymwysiadau mecaneg hylifol
- Prosesau gweithgynhyrchu a thechnegau peiriannu
- Egwyddorion a chymwysiadau thermodynameg
- Cynllunio uwch drwy gymorth cyfrifiadur
- Egwyddorion a chymhwyso egwyddorion mecanyddol
- Sicrhau ansawdd a rheolaeth mewn peirianneg
- Weldio a ffabrigo
- Mathemateg bellach (dewisol)
- Prosiect peirianneg.
Mae’r asesu ar y cwrs hwn yn amrywiol ac mae ystod o ddulliau’n cael eu defnyddio i sicrhau gwerthusiad cyflawn. Bydd myfyrwyr yn cymryd rhan mewn aseiniadau ymarferol, gwaith cwrs, profion a chyflwyniadau. Mae’r dull amrywiol hwn yn rhoi modd i fyfyrwyr ddangos eu dealltwriaeth o gysyniadau a’u gallu i’w cymhwyso i sefyllfaoedd peirianneg yn y byd go iawn.
Mae cwblhau BTEC Diploma Estynedig Lefel 3 mewn Peirianneg yn llwyddiannus yn agor llwybrau amrywiol i addysg bellach neu gyflogaeth. Gall myfyrwyr ddewis dilyn addysg uwch mewn prifysgolion, lle gallan nhw wneud rhaglenni gradd cysylltiedig â pheirianneg ac arbenigo ymhellach mewn meysydd fel peirianneg gweithgynhyrchu, peirianneg sifil, pensaernïaeth, peirianneg fecanyddol, peirianneg ddiwydiannol, dylunio cynnyrch neu roboteg.
Yn ogystal, gall myfyrwyr archwilio’r opsiwn o brentisiaethau gradd, sy’n rhoi cyfle iddynt ennill gradd wrth gael profiad gwaith gyda chwmnïau peirianneg blaenllaw. Mae’r cyfuniad hwn o hyfforddiant academaidd ac ymarferol yn rhoi mantais gystadleuol i fyfyrwyr yn y farchnad swyddi, gan arwain at ragolygon gyrfa cyffrous mewn sectorau fel cerbydau modur, awyrofod, roboteg a gweithgynhyrchu.