Therapi Harddwch Lefel 1 - Diploma
Trosolwg
Mae VTCT Diploma Lefel 1 mewn Therapi Harddwch yn gwrs un flwyddyn sydd wedi cael ei ddylunio’n benodol i’ch cyflwyno i’r sgiliau therapi harddwch ymarferol mewn amgylchedd gwaith realistig.
Pwrpas y cymhwyster hwn yw datblygu’ch sgiliau mewn therapi harddwch. Bydd yn rhoi sylfaen i chi ar gyfer dysgu pellach a hefyd bydd yn rhoi modd i chi berfformio’ch gwasanaethau sylfaenol eich hun a chynorthwyo pobl eraill yn y salon.
Mae meysydd astudio yn cynnwys:
- Cyflwyniad i’r sector gwallt a harddwch
- Cyflwyno delwedd broffesiynol mewn salon
- Y grefft o golur ffotograffig
- Darparu triniaeth dwylo sylfaenol
- Darparu triniaeth traed sylfaenol
- Coluro sylfaenol
- Dilyn iechyd a diogelwch yn y salon
- Gweithio gydag eraill yn y sector gwallt a harddwch
- Creu delwedd gwallt a harddwch
- Dyletswyddau derbynfa salon
- Celf ewinedd
- Gofal Croen
- Peintio wynebau â thema.
Gwybodaeth allweddol
- Graddau D-E ar lefel TGAU mewn Mathemateg a Saesneg Iaith neu’r cyfwerth
- Rhaid bod ymgeiswyr yn gallu gweithio fel aelod o dîm a meddu ar sgiliau cyfathrebu ardderchog.
Byddwch yn dod i’r Coleg am 17 awr yr wythnos.
Asesiad ymarferol parhaus ac aseiniadau ysgrifenedig.
Rhaid i ddysgwyr brynu cit a gwisg fel rhan o’u cwrs. Byddwn yn cadarnhau costau yn ystod y cyfweliad (mae’n bosibl y bydd cyllid ar gael).
Mae’r cymhwyster hwn yn seiliedig ar Safonau Galwedigaethol Cenedlaethol (NOS) therapi harddwch ac mae’n cael ei gydnabod gan gymdeithas broffesiynol flaenllaw’r DU, Cymdeithas Therapi Harddwch a Chosmetoleg Prydain (BABTAC) fel un sy’n addas i’r diben i’ch paratoi ar gyfer gyrfa fel therapydd harddwch. Mae deiliaid y cymhwyster hwn yn gymwys i ddod yn aelod proffesiynol o BABTAC.