Technegau Arbenigwr Harddwch Lefel 2 - Diploma
Trosolwg
Mae VTCT Diploma Lefel 2 mewn Technegau Arbenigwr Harddwch yn gymhwyster galwedigaethol sylweddol ar gyfer dysgwyr a hoffai gael gyrfa fel arbenigwr harddwch cyflogedig neu hunangyflogedig. Mae’r cymhwyster hwn yn cynnwys yr holl elfennau gofynnol i weithio’n effeithiol fel arbenigwr harddwch iau.
Mae meysydd astudio yn cynnwys:
- Gofal croen wyneb
- Triniaethau dwylo
- Triniaethau traed
- Celf ewinedd
- Colur
- Triniaethau blew amrannau ac aeliau
- Technegau cwyro
- Gofal cleientiaid a chyfathrebu
- Iechyd a diogelwch a theori gysylltiedig.
Gwybodaeth allweddol
- Tair gradd C neu uwch ar lefel TGAU mewn Mathemateg, Saesneg Iaith a Gwyddoniaeth
- Neu gwblhau’r cwrs Diploma Lefel 1 mewn Therapi Harddwch yn llwyddiannus.
Bydd gofyn i chi gwblhau asesiad cychwynnol mewn llythrennedd a rhifedd a dod am gyfweliad. Rhaid bod ymgeiswyr yn gallu gweithio fel aelod o dîm a meddu ar sgiliau cyfathrebu ardderchog.
Byddwch yn dod i’r Coleg am 17 awr yr wythnos.
Asesiad ymarferol parhaus, arholiadau ac aseiniadau ysgrifenedig.
Diploma Lefel 3 mewn Triniaethau Therapi Harddwch neu Diploma Lefel 2 mewn Drin Gwallt.
Cyflogaeth yn y diwydiant fel therapydd iau mewn salon proffesiynol neu hunangyflogaeth.
Rhaid i ddysgwyr brynu cit a gwisg fel rhan o’u cwrs. Byddwn yn cadarnhau costau yn ystod y cyfweliad (mae’n bosibl y bydd cyllid ar gael). Mae’r cymhwyster hwn yn seiliedig ar Safonau Galwedigaethol Cenedlaethol (NOS) therapi harddwch ac mae’n cael ei gydnabod gan gymdeithas broffesiynol flaenllaw’r DU, Cymdeithas Therapi Harddwch a Chosmetoleg Prydain (BABTAC) fel un sy’n addas i’r diben i’ch paratoi ar gyfer gyrfa fel therapydd harddwch. Mae deiliaid y cymhwyster hwn yn gymwys i ddod yn aelod proffesiynol o BABTAC.