Therapi Harddwch Lefel 1 - Diploma
Trosolwg
Mae’r cymhwyster rhagarweiniol hwn yn ddelfrydol ar gyfer dysgwyr a hoffai ddechrau eu taith yn y diwydiant harddwch. Byddwch yn ennill sgiliau a gwybodaeth hanfodol mewn triniaethau gofal croen sylfaenol, colur, triniaethau dwylo a thraed, gan fagu hyder a dealltwriaeth o ymarfer mewn salon proffesiynol.
Mae meysydd astudio yn cynnwys:
- Cyflwyniad i’r sector gwallt a harddwch
- Cyflwyno delwedd broffesiynol mewn salon
- Y grefft o golur ffotograffig
- Darparu triniaeth dwylo sylfaenol
- Darparu triniaeth traed sylfaenol
- Coluro sylfaenol
- Dilyn iechyd a diogelwch yn y salon
- Gweithio gydag eraill yn y sector gwallt a harddwch
- Creu delwedd gwallt a harddwch
- Dyletswyddau derbynfa salon
- Celf ewinedd
- Gofal Croen
- Peintio wynebau â thema.
Gwybodaeth allweddol
- Gradd D mewn TGAU Mathemateg a Saesneg Iaith neu gymhwyster Lefel 1 cyfathrebu a chymhwyso rhif Sgiliau Hanfodol Cymru
- Bydd angen i ymgeiswyr nad Saesneg yw eu hiaith gyntaf fod â chymhwyster ESOL Lefel 2
- Rhaid i ymgeiswyr ddod i gyfweliad a dangos diddordeb brwd mewn therapi harddwch.
Byddwch yn dod i’r Coleg am 17 awr yr wythnos.
Asesiad ymarferol parhaus ac aseiniadau ysgrifenedig.
Rhaid i ddysgwyr brynu cit a gwisg fel rhan o’u cwrs. Byddwn yn cadarnhau costau yn ystod y cyfweliad (mae’n bosibl y bydd cyllid ar gael).
Mae’r cymhwyster hwn yn seiliedig ar Safonau Galwedigaethol Cenedlaethol (NOS) therapi harddwch ac mae’n cael ei gydnabod gan gymdeithas broffesiynol flaenllaw’r DU, Cymdeithas Therapi Harddwch a Chosmetoleg Prydain (BABTAC) fel un sy’n addas i’r diben i’ch paratoi ar gyfer gyrfa fel therapydd harddwch. Mae deiliaid y cymhwyster hwn yn gymwys i ddod yn aelod proffesiynol o BABTAC.