Mesur Meintiau - Tystysgrif Genedlaethol Uwch

Corff dyfarnu: Pearson

Mae’r cwrs hwn ar gael fel opsiwn rhan-amser ac fel prentisiaeth.

Ydych chi’n gweithio ym maes adeiladu ac eisiau symud i rôl fasnachol neu reoli costau?

Neu ydych chi’n ystyried newid gyrfa i faes Mesur Meintiau ac mae angen cymhwyster arnoch sy’n cyd-fynd â’ch bywyd a’ch gwaith presennol?

Mae galw mawr am Syrfewyr Meintiau ledled y DU gan eu bod yn ymwneud â’r camau cynharaf i’r camau terfynol mewn prosiectau, o amcangyfrif costau ar y cam cysyniadol i’r gwaith o reoli cyllidebau a thalu anfonebau.

Mae Pearson HNC Mesur Meintiau yn gwrs ymarferol, rhan-amser (un diwrnod yr wythnos) a fydd yn rhoi sylfaen gadarn i chi mewn mesur, amcangyfrif, cynllunio costau, gweinyddu contractau, caffael, technoleg adeiladu a rheolaeth fasnachol prosiectau adeiladu.

Mae’r HNC yn gyfwerth â blwyddyn gyntaf cwrs gradd BSc Mesur Meintiau. Mae’n rhoi mynediad i chi at amrywiaeth o rolau ar safle neu mewn swyddfa ym meysydd rheoli costau, rheolaeth fasnachol, a syrfëo – gyda chontractwyr, ymgynghoriaethau, datblygwyr tai a chleientiaid y sector cyhoeddus. Yn ogystal, gallwch ddewis ychwanegu at eich cymhwyster i ennill HND neu radd BSc lawn.

Byddwch yn cael eich addysgu mewn grwpiau rhyngweithiol, bach gan arbenigwyr diwydiant sy’n adeiladu eich dysgu o gwmpas astudiaethau achos go iawn. Byddwn ni’n gweithio gyda chi fel unigolyn i ddarparu’r cymorth sgiliau penodol sydd ei angen arnoch, p’un a yw hynny yn sgiliau cyflwyno, magu hyder mewn mathemateg neu ysgrifennu ffurfiol. Mae cynnwys y rhaglen yn cael ei lywio gan ein Panel Diwydiannol Amgylchedd Adeiledig gyda chynrychiolwyr o Andrew Scott, Tai Tarian a chyflogwyr lleol a chenedlaethol eraill, ac felly rydych yn gwybod eich bod yn dysgu dulliau cyfoes a werthfawrogir gan gyflogwyr.

Pa HNC Amgylchedd Adeiledig sy’n iawn i mi?

Mae tri llwybr ar gyfer ein opsiynau HNC Amgylchedd Adeiledig. Dewiswch yr un sy’n gweithio i chi:

1. HNC Rheolaeth Adeiladu – Os ydych chi eisiau rhedeg prosiectau, mae’r llwybr hwn yn rhoi sgiliau mewn cynllunio, caffael a sut i ddod â thimau gwahanol at ei gilydd ar brosiectau adeiladu. Byddwch yn gwybod sut i gyflwyno prosiect ar amser, ar gyllideb a sut i reoli risg.
2. HNC Peirianneg Sifil – Os ydych yn mwynhau cymhwyso mathemateg a gwyddoniaeth i broblemau go iawn, bydd y llwybr hwn yn adeiladu’r wybodaeth dechnegol i weithio ar ffyrdd, pontydd, draeniau ac adeiladau. Byddwch yn deall sut mae strwythurau yn ymddwyn ac yn gallu cynhwyso egwyddorion dylunio ac offer digidol i greu prosiectau Peirianneg Sifil.
3. HNC Mesur Meintiau – Os ydych yn cael eich tynnu at ochr fasnachol adeiladu, bydd y llwybr hwn yn rhoi’r sgiliau i reoli ochr fusnes prosiectau adeiladu. Byddwch yn gallu dehongli lluniadau a chynlluniau adeiladu a rhagweld a rheoli gwariant ar brosiectau byw yn gywir.