Newyddion y Coleg

Partneriaethau cryf ag ysgolion yn helpu dysgwyr i ffynnu yng Ngholeg Gŵyr Abertawe

I nifer o bobl ifanc, mae symud o’r ysgol i’r coleg yn un o’r cerrig milltir mwyaf yn eu haddysg.

Gall amgylchedd newydd, disgwyliadau newydd a threfn arferol newydd wneud i’r pontio deimlo’n frawychus, yn enwedig i ddysgwyr sydd angen cymorth ychwanegol. Dyna pam mae Coleg Gŵyr Abertawe yn gweithio’n agos gyda’i ysgolion partner i sicrhau bod myfyrwyr yn teimlo’n hyderus, yn barod ac yn gyffrous am y cam nesaf ar eu taith addysgol.

Ailddatblygiad Campws Gorseinon bellach wedi’i gwblhau cyn agor ym mis Medi

Mae Goleg Gŵyr Abertawe yn falch iawn o gyhoeddi bod yr ailddatblygiad mawr ar Gampws Gorseinon bellach wedi’i gwblhau’n ymarferol, ac mae gwelliannau terfynol nawr yn cael eu gwneud cyn croesawu dysgwyr i’r cyfleusterau newydd ym mis Medi.

Wedi’i gyflwyno mewn partneriaeth â Kier a’i gefnogi drwy Raglen Cymunedau Dysgu Cynaliadwy Llywodraeth Cymru, mae’r buddsoddiad gwerth £20.6 miliwn yn un o’r datblygiadau mwyaf arwyddocaol yn hanes diweddar y Coleg.

Craffu ar Will Evans - Sylfaenydd Will’s Farm

Mae dechrau busnes yn broses heriol, ond mae gwneud hynny yn 13 oed yn cymryd dycnwch rhagorol.

I Will Evans - un o gyn-fyfyrwyr amser llawn yng Ngholeg Gŵyr Abertawe - mae ei ddycnwch wedi arwain at sefydlu atyniad lleol hynod o ffyniannus. Bellach yn 19 oed, Will yw sylfaenydd busnes Will's Farm, fferm anifeiliaid anwes a chyrchfan i dwristiaid yng nghalon Gŵyr.

Coleg Gŵyr Abertawe yn lansio prentisiaeth Lefel 5 Gwasanaethau Cyfreithiol CILEX newydd

Mae Coleg Gŵyr Abertawe yn falch o gyhoeddi Prentisiaeth Gwasanaethau Cyfreithiol CILEX Lefel 5. Byddwn yn dechrau cynnig y cwrs o fis Medi 2026 ac mi fydd yn cynnig llwybr dilyniant newydd i unigolion sydd eisoes yn gweithio yn y sector cyfreithiol sy’n dymuno datblygu eu gyrfaoedd a’u harbenigedd proffesiynol.

Mae’r lansiad hwn yn atgyfnerthu llwybr prentisiaethau y Coleg ym maes y gyfraith, gan gefnogi datblygiad a dilyniant ar draws y sector ledled De Cymru.

Sarah Lewis: Tymor Arwyddocaol mewn Pêl-rwyd Elit

Yng Ngholeg Gŵyr Abertawe, rydyn ni’n ymrwymedig i ddarparu profiad dysgu eithriadol — profiad sy’n ymestyn ymhell y tu hwnt i’r ystafell ddosbarth. Mae’r arbenigedd, yr angerdd a’r profiad go iawn y mae ein staff yn dod ag ef i bob gwers, sesiwn hyfforddi a chyfle a gynigir i’n dysgwyr yn ganolog i’r ymrwymiad hwnnw.

CyberFirst a Choleg Gŵyr Abertawe yn ysbrydoli’r to nesaf o fenywod mewn STEM

Mae CyberFirst a Choleg Gŵyr Abertawe wedi dod at ei gilydd i gyflwyno digwyddiad gyrfaoedd ysbrydoledig, llawn gweithgareddau gyda’r nod o annog mwy o fenywod ifanc i ystyried gyrfaoedd STEM (Gwyddoniaeth, Technoleg, Peirianneg a Mathemateg).

Coleg Gŵyr Abertawe yn croesawu dirprwyaeth ryngwladol o Ghana

Yn ddiweddar, fe wnaeth Coleg Gŵyr Abertawe groesawu dirprwyaeth o uwch ffigurau addysg o Ghana fel rhan o raglen gyfnewid arweinyddiaeth, datblygiad a gwybodaeth dros bedwar diwrnod. Roedd y rhaglen yn canolbwyntio ar addysg a hyfforddiant technegol a galwedigaethol (TVET), ymgysylltu â chyflogwyr a datblygu sgiliau ar gyfer y dyfodol.

Staff Dawsons yn dathlu cyflawniad proffesiynol trwy gwblhau cymhwyster CIH yn llwyddiannus gyda Choleg Gŵyr Abertawe

Yn ddiweddar, fe wnaeth Coleg Gŵyr Abertawe ddathlu cyflawniadau gweithwyr proffesiynol Dawsons Estate Agents, a gwblhaodd gymhwyster Lefel 2 CIH mewn Gosod a Rheoli Eiddo Preswyl.

Darlithydd Coleg yn ennill gwobr addysgu Arian

Mae un o ddarlithwyr Coleg Gŵyr Abertawe wedi ennill gwobr Arian yn seremoni nodedig Gwobrau Addysgu Pearson 2026.

Cafodd Andrea Davies ei henwebu ar gyfer y wobr oherwydd, fel Arweinydd Cwricwlwm ar gyfer Hanes Modern ar Gampws Gorseinon, mae hi’n dangos rhagoriaeth mewn arweinyddiaeth ac addysgu, gan gyfuno trylwyredd academaidd â chynhesrwydd, dilysrwydd a brwdfrydedd heintus sy’n ysbrydoli myfyrwyr i ragori ar eu disgwyliadau eu hunain. 

Cyflogwyr Gorllewin Cymru yn darganfod llwybrau newydd at dalent yn nigwyddiad Lattes Cyfreithiol

Fe wnaeth Coleg Gŵyr Abertawe groesawu cyflogwyr o bob rhan o’r sector cyfreithiol i Lattes Cyfreithiol: Gorllewin Cymru, digwyddiad brecwast sy’n arddangos manteision llwybrau prentisiaeth mewn gwasanaethau cyfreithiol ar gyfer datblygiad proffesiynol.

Cynhaliwyd y digwyddiad yng Ngwesty Plas Hyfryd, Arberth, lle daeth arbenigwyr pwnc a chyflogwyr cyfreithiol ynghyd i archwilio rhaglenni prentisiaeth Gwasanaethau Cyfreithiol CILEX wedi’u hariannu’n llawn sydd ar gael yn y Coleg, ochr yn ochr â gwybodaeth am brentisiaethau Cyfrifeg AAT.