Newyddion y Coleg

Tîm AD Coleg Gŵyr Abertawe yn Ennill Gwobr Genedlaethol

Cafodd Tîm Adnoddau Dynol (AD) Coleg Gŵyr Abertawe eu hanrhydeddu â gwobr glodfawr ‘Menter Iechyd a Lles Gorau’r Sector Cyhoeddus/Trydydd Sector 2023’ yn ddiweddar gan y Sefydliad Siartredig Personél a Datblygu (CIPD).

Mae Gwobrau Rheoli Pobl CIPD ymhlith yr anrhydeddau mwyaf uchel eu bri a chystadleuol ym maes AD a rheoli pobl ac, eleni, Tîm AD a Lles Coleg Gŵyr Abertawe oedd yr enillwyr haeddiannol wrth gystadlu yn erbyn sefydliadau eraill ledled y DU.

DIWEDDARIAD: Gwybodaeth bwysig ynghylch Campws Tycoch 28 Medi

Ymhellach i’n diweddariad yr wythnos diwethaf am y RAAC (Concrit Awyredig Awtoclafiedig Cyfnerth) sydd yn bresennol mewn rhan fach, ynysig o Gampws Tycoch Coleg Gŵyr Abertawe, mae peirianwyr strwythurol bellach wedi cwblhau adolygiad manwl o’r campws.

O ganlyniad, rydym wedi penderfynu cau dwy ystafell – un ystafell ddosbarth ac un ystafell staff – ar lawr D yr adeilad – tra bod gwaith adfer yn cael ei wneud.

Cadw mewn cysylltiad â Choleg Gŵyr Abertawe

Mae trysor cudd o dalentau, arloesedd, ac atgofion cyffredin yn gorwedd yng nghanol cymuned fywiog Coleg Gŵyr Abertawe.

Ers degawdau, mae’r sefydliad uchel ei barch hwn wedi helpu i wireddu breuddwydion, gan feithrin myfyrwyr di-ri ar eu llwybr i lwyddiant. Nawr, wrth i Goleg Gŵyr Abertawe symud yn hyderus i’r dyfodol, mae’n ceisio ailgysylltu â’i rwydwaith amhrisiadwy o gyn-fyfyrwyr.

Dysgwr ESOL Coleg Gŵyr Abertawe yn ennill Gwobr Ysbrydoli! Addysg Oedolion

Enillodd Walid Musa Albuqai, ​​dysgwr ESOL yng Ngholeg Gŵyr Abertawe, wobr Gorffennol Gwahanol: Dyfodol a Rennir eleni yng Ngwobrau Ysbrydoli! Gwobrau Dysgu Oedolion, seremoni flynyddol a gydlynir gan y Sefydliad Dysgu a Gwaith mewn partneriaeth â Llywodraeth Cymru a phartneriaid eraill.

Sesiynau am ddim ar gyfer Wythnos Addysg Oedolion!

Wythnos Addysg Oedolion yw’r dathliad mwyaf o ddysgu yng Nghymru, a gydlynir gan y Sefydliad Dysgu a Gwaith mewn partneriaeth â Llywodraeth Cymru. Nod yr ymgyrch yw ysbridoli mwy o bobl i ddarganfod angerdd am ddysgu, dablygu sgiliau a dangos nad yw hi byth yn rhy hwyr i ddechrau dysgu!   

‘Cartref oddi cartref’ i fyfyrwyr rhyngwladol Coleg Gŵyr Abertawe

Gallwch chi fod yn deulu croesawu i’n myfyrwyr rhyngwladol? Sgroliwch i'r gwaelod am fwy o wybodaeth!

Daw myfyrwyr rhyngwladol Coleg Gŵyr Abertawe, sydd rhwng 16 a 18 oed, o wledydd o bedwar ban byd. Eleni, mae gan y Coleg fyfyrwyr o Gambodia, Tsieina, Yr Almaen, Hong Kong, Iran, Yr Eidal, Rwmania, Rwsia, De Corea, Taiwan, Emiradau Unedig Arabaidd a Fietnam. 

Canlyniadau Safon Uwch a galwedigaethol L3 Coleg Gŵyr Abertawe 2023

Mae myfyrwyr yng Ngholeg Gŵyr Abertawe yn dathlu set gadarn o ganlyniadau Safon Uwch a galwedigaethol Lefel 3 eto yn 2023. 

Y gyfradd basio gyffredinol eleni ar gyfer Safon Uwch yw 98%, gyda 1391 o gofrestriadau arholiadau ar wahân. Roedd 35% o’r graddau hyn yn A*-A, 60% yn A*-B ac 82% yn A*-C. 

Cyfradd pasio gyffredinol Safon UG yw 95%, gyda 74% o’r graddau hynny yn raddau A-C a 53% yn raddau A-B. Roedd 2119 o gofrestriadau arholiadau ar wahân ar gyfer Safon UG. 

Prom ym Mhafiliwn Patti: Dathliad Diwedd Tymor Bythgofiadwy

Nododd prom hirddisgweliedig Coleg Gŵyr Abertawe - a gynhaliwyd ym Mhafiliwn Patti - ddiwedd perffaith i’r tymor. Dawns ‘Fasgiau’ oedd thema’r noson ac fe wnaeth y myfyrwyr wneud y mwyaf o’r cyfle trwy wisgo dillad trwsiadus a masgiau llygaid chwaethus.

Roedd y digwyddiad - a oedd yn gwbl haeddiannol ar ôl sawl blwyddyn o waith caled ac ymroddiad - yn un i’w gofio, gyda cherddoriaeth, dawnsio a bwyd Indiaidd blasus. Cyn gynted ag agorwyd y drysau, fe wnaeth yr awyrgylch drydanol annog y myfyrwyr i anelu’n syth at ganol yr ystafell i ddechrau dawnsio. 

Coleg Gŵyr Abertawe’n cynnal digwyddiad bord gron ar fenopos yn y gweithle

Cynhaliodd Coleg Gŵyr Abertawe ddigwyddiad bord gron ar Fenopos yn y Gweithle yn ysgol Fusnes Plas Sgeti yn ddiweddar, gyda hyrwyddwyr menopos y llywodraeth a chyflogwyr allweddol lleol yn bresennol.

Diwrnod Lles Staff 2023

Ar ddiwedd blwyddyn academaidd brysur iawn arall, cynhaliodd Coleg Gŵyr Abertawe ei Ddiwrnod Lles blynyddol i staff ar 6 Gorffennaf.

Mae’r digwyddiad yn uchafbwynt i staff addysgu a chymorth ar draws pob campws, ac mae’n gyfle i fwynhau amrywiaeth o sesiynau blasu a gweithgareddau gyda chydweithwyr a ffrindiau.

Roedd yr amserlen eleni yn llawn dop gan gynnwys iacháu siamanaidd, therapi dŵr oer, garddio, pêl-bicl, adweitheg a bingo.