Llythrennedd Digidol Lefel 3 – Cwrs
Trosolwg
Mae'r cwrs hwn mewn Llythrennedd Digidol - a gyflwynir un diwrnod yr wythnos - yn addas ar gyfer gweithwyr proffesiynol ar draws ystod eang o sectorau sydd eisiau datblygu sgiliau digidol ymarferol a throsglwyddadwy sy'n cyfateb i sgiliau Safon Uwch.
Bydd dysgwyr yn archwilio dulliau effeithiol o chwilio ar-lein ac yn dysgu sut i wneud y mwyaf o gymwysiadau Microsoft 365 fel Word, Teams, Loop, PowerPoint, Sway a Forms, yn ogystal ag offer digidol eraill gan gynnwys Canva, Gamma, Padlet a chymwysiadau DA. Mae'r cwrs hefyd yn cwmpasu hygyrchedd, dulliau creu cynnwys digidol deniadol fel tudalennau gwe, cyflwyniadau a llyfrau amlgyfrwng, a defnyddio offer DA yn effeithiol.
Bydd y sesiynau yn ymarferol a bydd dysgwyr yn cael cyfle i gymryd rhan mewn trafodaethau ar y cyd a chwblhau portffolio o waith.
Gwybodaeth allweddol
- Sgiliau digidol da
- Y gallu i ddefnyddio amrywiaeth o offer digidol
- Gwybodaeth am DA
- Dyma gwrs Lefel 3 (cyfwerth â Lefel A) a fydd yn cael ei gyflwyno mewn cyfnod byr o amser, felly mae angen lefel dda o sgiliau digidol.
Bydd yr holl weithdai yn cael eu cyflwyno wyneb yn wyneb a bydd y sesiwn yn y bore yn cael ei ddarparu dan arweiniad tiwtor.
Byddwch yn cael cyfle i wneud gwaith ymarferol, annibynnol yn y prynhawn. Yn y bore, byddwch yn cael defnyddio amrywiaeth o offer a thechnegau, gan roi cynnig arnynt dan oruchwyliaeth.
Pynciau’r sesiwn:
- Cynhyrchedd digidol
- Llythrennedd gwybodaeth ddigidol
- Cydweithio digidol
- Creadigrwydd digidol
- Cyfrifoldeb digidol.
Prentisiaethau achrededig yng Ngholeg Gŵyr Abertawe:
- Sgiliau Digidol ar gyfer Busnes
- Marchnata Digidol
- Cyfryngau Cymdeithasol
- Dylunio sy'n Canolbwyntio ar y Defnyddiwr.
Bydd dysgwyr yn sicrhau tystysgrif Llythrennedd Digidol Lefel 3 ar ôl cwblhau'r cwrs yn llwyddiannus.