Safon Uwch Technoleg Cerdd
Trosolwg
Anelir y cwrs hwn at fyfyrwyr sydd â diddordeb angerddol am gerddoriaeth a chynhyrchu. Byddwch yn astudio technegau caledwedd a meddalwedd cynhyrchu trwy ddefnyddio amrywiaeth o gyfleusterau stiwdio recordio a golygu. Cewch eich annog hefyd i archwilio’ch cerddgarwch a chreu deunyddiau gwreiddiol gan ddefnyddio technoleg.
Amcanion y cwrs:
- Defnyddio offer cynhyrchu a’r stiwdios recordio i ddal, golygu a chymysgu amrywiaeth o recordiadau sain
- Dysgu creu, golygu a thrin sain i gynhyrchu cyfansoddiadau bywiog a chyffrous
- Deall y broses o greu cerddoriaeth a nodi’r technegau a ddefnyddir mewn recordiadau masnachol.
Canlyniadau’r cwrs:
Erbyn diwedd blwyddyn 2 byddwch wedi cynhyrchu portffolio o waith cwrs recordio a chyfansoddi ac yn gallu adnabod a deall y theori y tu ôl i dechnegau cynhyrchu masnachol.
Gwybodaeth allweddol
- Saith gradd C neu uwch ar lefel TGAU, gan gynnwys Saesneg Iaith. Mae Mathemateg yn ddymunol hefyd
- Gallu chwarae offeryn neu ddangos profiad cynhyrchu perthnasol
- Nid yw TGAU Cerddoriaeth yn hanfodol, ond mae gwybodaeth gyffredinol o gerddoriaeth yn fantais.
Addysgir y cwrs trwy gyfuniad o ddarlithoedd dosbarth a phrofiad ymarferol. Yn ogystal, caiff myfyrwyr fynediad i’r stiwdios recordio a’r ystafell iMac y tu allan i’w darlithoedd i gwblhau aseiniadau a gwella eu profiad ymarferol.
Addysgu llinol: Gwnewch yn siŵr eich bod yn gofyn am ddarpariaeth linol yn eich cyfweliad. Mae darpariaeth linol yn golygu efallai na fydd gennych yr opsiwn o sefyll arholiad UG ar ddiwedd eich blwyddyn gyntaf.
Asesu:
Mae’r asesiad terfynol yn digwydd ar ddiwedd yr ail flwyddyn ar draws pedwar modiwl.
- Recordio (20%): Gwaith cwrs
- Cyfansoddi (20%): Gwaith cwrs
- Gwrando a Dadansoddi (25%): Arholiad
- Dadansoddi a Chynhyrchu (35%): Arholiad.
Ar ôl cwblhau Safon Uwch Technoleg Cerdd, mae myfyrwyr wedi symud ymlaen i addysg uwch i astudio ystod eang o gyrsiau cerddoriaeth boblogaidd (BA) a pheirianneg sain (BSc), neu i’r diwydiant gan weithio mewn lleoliadau celfyddydol proffil uchel ledled y wlad.
Mae cyn-fyfyrwyr yn cynnwys cerddorion sesiwn proffesiynol a pheirianwyr stiwdio, perfformwyr llwyddiannus sydd wedi perfformio ar Lwyfan y Pyramid yn Glastonbury, peirianwyr sain byw, ysgrifenwyr a chyfansoddwyr, datblygwyr technoleg, a llawer mwy.