Yr wythnos diwethaf, fe wnaethom agor Arddangosfa’r Celfyddydau Creadigol, i arddangos gwaith gan fyfyrwyr U2 Celfyddydau Creadigol sy’n astudio Safon Uwch Celfyddyd Gain, Ffotograffiaeth, Graffeg a Dylunio Tecstilau. Roedd yr arddangosfa yn cynnwys gwaith gan yr holl fyfyrwyr sy’n cwblhau eu cwrs Safon Uwch, ac roedd yn gyfle iddynt ddathlu penllanw eu hymrwymiad a’u gwaith caled drwy gydol y flwyddyn.
Cyflwynwyd gwobrau cyflawniad ar draws pob maes pwnc. Ymhlith yr enillwyr roedd Seren O'Sullivan ac Evie Morgan (Celfyddyd Gain), Jack Hopkins a Maya Brook (Ffotograffiaeth), Elis Jenkins a Cari Davies (Graffeg), ac Ella Williams a Mickey Laparojkit (Dylunio Tecstilau).
Yn ogystal, cafodd gwobr arbennig ei chyflwyno eleni er cof am y cyn Technegydd Celf, Denise Thorrington. Cyflwynwyd y wobr i Ella Williams i gydnabod ei hymrwymiad rhagorol i faes Dylunio Tecstilau.
Roedd yr achlysur yn noson wych, gan ddod â myfyrwyr, staff, teuluoedd a ffrindiau at ei gilydd i ddathlu teithiau creadigol ein dysgwyr. Roedd hi’n arddangosfa briodol o’r talentau eithriadol o fewn yr adran Celfyddydau Creadigol ac yn foment balch i bawb dan sylw.
Llongyfarchiadau i bob un o’n myfyrwyr ar eu cyflawniadau rhagorol.