Ydych chi’n barod i ddarganfod cyfleoedd newydd i wella eich sgiliau? Dyna yw nod Sgiliau ar gyfer Abertawe, menter arloesol newydd gan Goleg Gŵyr Abertawe.
Cynlluniwyd y rhaglen i rymuso a gwella sgiliau cyflogadwyedd unigolion sy’n byw yn Abertawe. Mae’r fenter yn cynnig amrywiaeth eang o gyrsiau am ddim* sydd wedi’u teilwra i fodloni gofynion yr economi leol sy’n newid yn barhaus.
Mae’r Coleg wedi ymrwymo i gefnogi unigolion 19 oed a hŷn ar eu taith at ailhyfforddi ac uwchsgilio. Gan ein bod yn meddu ar ddealltwriaeth gynhwysfawr o’r dirwedd economaidd leol, rydym wedi creu cyfres o gyrsiau sydd wedi’u cynllunio i fynd i’r afael ag anghenion perthnasol y diwydiant.
Dyma restr o’r cyrsiau sydd ar gael:
- Sgiliau Digidol
- Marchnata Digidol
- Gwasanaeth Cwsmeriaid
- Rheoli Risg
- Ymwybyddiaeth Amgylcheddol
- Ymwybyddiaeth Iechyd Meddwl
- Ynni Gwyrdd a Chynaliadwyedd
- Iechyd a Diogelwch
- Cynnal a Chadw Beiciau
- Rheoli Cyfleusterau
Yng Ngholeg Gŵyr Abertawe, credwn mai addysg yw conglfaen twf personol a phroffesiynol. Trwy Sgiliau ar gyfer Abertawe, rydym yn ceisio gwella hygyrchedd addysg o safon, gan rymuso unigolion i ffynnu mewn byd sy’n newid ar raddfa barhaus.
Yn y byd prysur sydd ohoni, mae aros yn berthnasol ac yn addasadwy yn allweddol. Gall Sgiliau ar gyfer Abertawe wella eich sgiliau ar gyfer y dyfodol fel y gallwch fanteisio ar gyfleoedd yn hyderus.
Grymuswch eich hun. Cyfoethogwch eich dyfodol. Cofrestrwch heddiw!
Mae Sgiliau ar gyfer Abertawe yn addas ar gyfer unigolion 19+ sy’n byw neu’n gweithio yn Abertawe.
I gael rhagor o wybodaeth am y fenter neu i gael atebion i’ch ymholiadau, cysylltwch â:
E-bost: Skills4Swansea@gcs.ac.uk
Ffôn: 01792 284400