Cyfrifiadura (Diploma Sylfaen Cenedlaethol L3)

Nod y cwrs dwy flynedd hwn yw darparu llwybr gyrfa i TG, gan roi’r sgiliau i chi ar gyfer y dyfodol fel rhaglennydd gemau, technegydd, dyluniwr gwe neu reolwr prosiect.

Beth fydda i’n ei ddysgu?

• Cael dealltwriaeth eang o TGCh a byddwch yn gallu astudio meysydd dethol yn fwy manwl.
• Datblygu sgiliau, gwybodaeth a dealltwriaeth o TGCh.
• Cael cyfle i gymhwyso dysgu mewn ffordd ymarferol a realistig.
• Dilyn rhaglen astudio sy’n caniatáu dilyniant i addysg uwch a chyflogaeth ym maes TGCh.
• Magu hyder trwy ddatblygu sgiliau dysgu annibynnol.

Bydd 13 modiwl yn cael eu hastudio:

Blwyddyn 1

• Egwyddorion Cyfrifiadureg – arholiad allanol – dysgu am sgiliau meddwl cyfrifiadurol, elfennau cyffredin y gwahanol fathau o ieithoedd rhaglennu a’r offer a ddefnyddir i ddylunio a datblygu cymwysiadau o safon uchel.
• Hanfodion Systemau Cyfrifiadurol – arholiad allanol – deall sut mae gwahanol rannau o system gyfrifiadurol yn cydweithio.
• Diogelwch ac Amgryptiad Systemau TG – deall sut i ddiogelu rhwydweithiau TG rhag gwahanol fathau o ymosodiadau diogelwch.
• Cymwysiadau Busnes y Cyfryngau Cymdeithasol – dysgu sut y gellir defnyddio’r cyfryngau cymdeithasol at ddibenion busnes.
• Datblygu Gemau Cyfrifiadurol – dysgu sut i ddylunio a chreu’ch gêm gyfrifiadurol eich hun gan ddefnyddio iaith raglennu.
• Datblygu Gwefannau – dylunio, creu a chyhoeddi gwefannau gan ddefnyddio amrywiaeth o gymwysiadau meddalwedd
• Seiberddiogelwch.

Blwyddyn 2

• Cynllunio a Rheoli Prosiectau Cyfrifiadurol – deall sut i gymhwyso technegau cynllunio a rheoli i brosiect cyfrifiadura.
• Prosiect Dylunio a Datblygu Meddalwedd – dysgu sut i ddylunio, profi a datblygu datrysiad meddalwedd.
• Effaith Cyfrifiadura – deall effaith datblygiadau cyfrifiadura ar y sefydliad a’r gymdeithas ehangach.
• Graffeg ac Animeiddio Digidol – dysgu sut i greu animeiddiadau cyfrifiadurol ar gyfer y rhyngrwyd a chymwysiadau eraill.
• Datblygu Cronfa Ddata Berthynol – dysgu sut i ddylunio cronfa ddata a chreu, poblogi a phrofi cronfa ddata berthynol sy’n cynnwys nodweddion uwch.
• Rhwydweithio Cyfrifiadurol – sefydlu rhwydwaith cyfrifiadurol a dysgu’r wybodaeth a’r sgiliau gofynnol i ddefnyddio’r offer a’r technolegau sydd ar gael i’r rheolwr rhwydwaith er mwyn rheoli rhwydwaith.
• Rhithwirio – astudio sut a pham mae rhithwirio’n gallu cael ei ddefnyddio gan unigolion a sefydliadau a sefydlu datrysiadau wedi’u rhithwirio i ateb anghenion a nodwyd.

24/10/22