Newyddion y Coleg

Myfyrwyr arlwyo yn mwynhau arddangosiad sgiliau cegin

Trefnwyd arddangosiad byw ar gyfer myfyrwyr Arlwyo a Lletygarwch yng Ngholeg Gŵyr Abertawe fel rhan o’u rhaglen sefydlu.

Roedd y cyn-fyfyrwyr Ben Adams a David Davies wedi dychwelyd i geginau Tycoch i baratoi terîn cyw iâr a tsioriso, suprême cyw iâr wedi’i ffrio gyda thatws dauphinoise, stwnsh pwmpen cnau menyn a panache o lysiau, wedi’u dilyn gan mousse chartreuse siocled.

Darlithydd yn ŵr gwadd yn lansiad popty

Stephen Williams, darlithydd Arlwyo a Lletygarwch yng Ngholeg Gŵyr Abertawe, oedd y gŵr gwadd yn agoriad swyddogol popty newydd sbon yng nghanol y ddinas.

Perchennog yr Hong Kong Bakery yn Heol Brynymor yw Peter Wong, cyn-fyfyriwr yn y Coleg.

“Roedd Peter wedi cwblhau ei gymwysterau arlwyo gyda ni a dychwelyd fel oedolyn sy’n dysgu, gan ddilyn cwrs Pobi a Phwdinau gyda fi,” dywedodd Stephen. “Roeddwn i wrth fy modd pan ofynnwyd i fi dorri’r rhuban i lansio ei fenter busnes newydd a dwi’n dymuno pob llwyddiant iddo ar gyfer y dyfodol.”

Yn dal i chwilio am eich cwrs delfrydol i’w ddechrau ym mis Medi?

I gannoedd o fyfyrwyr ar draws Abertawe, bydd yr haf wedi bod yn gyfnod emosiynol o gyffro a nerfau wrth iddynt aros yn amyneddgar am eu canlyniadau arholiadau TGAU. Er bod y diwrnod hwnnw wedi mynd a dod, gallai rhai teimladau o ansicrwydd barhau i fod yn broblem i nifer o bobl ifanc. Yma i gynnig rhywfaint o gyngor a chysur i’r rhai sy’n dal i fod yn ansicr ynghylch beth i’w wneud nesaf mae Mark Jones, Pennaeth Coleg Gŵyr Abertawe.

Ffeiriau’r Glas yn croesawu myfyrwyr newydd i’r Coleg

Cafodd myfyrwyr newydd gyfle i ddysgu mwy am fywyd campws yn ystod Ffeiriau’r Glas yng Ngorseinon a Thycoch.

Coleg yn mwynhau Diwrnod i Ddathlu'r Gymraeg

Cyn diweddu am yr haf bu staff Canolfan Gwallt, Harddwch a Holistig Broadway yn mwynhau Diwrnod Dathlu’r Gymraeg yn rhan o wythnos hyfforddiant mewn swydd.

I ddechrau’r diwrnod gyda bach o hwyl, bu’r comediwyr Ignacio Lopez a Daniel Glyn. Dilynodd Bethan Mair gyda sesiwn yn trafod tarddiad enwau lleoedd Cymreig. Bu helfa drysor Gymraeg gan ddefnyddio’r ap Geiriaduron i chwilio am y fersiwn Saesneg o eiriau allweddol yn y salon - tasg fach gallant addasu i’w myfyrwyr.

Canlyniadau gwych ar gyfer myfyrwyr Safon Uwch Rhyngwladol

Roedd dosbarth U2 eleni wedi ennill canlyniadau Safon Uwch anhygoel gyda chanran drawiadol o 64% yn ennill graddau A* neu A.

Mae dros 90% o’r myfyrwyr hyn wedi cael eu derbyn gan brifysgolion Russell Group, gan gynnwys Rhydgrawnt.

Roedd gan ein myfyrwyr Safon UG achos i ddathlu hefyd, gyda 10 myfyriwr yn ennill naill ai pedair neu dair gradd A.

Hoffem ddweud da iawn i bob un o’r pedwar myfyriwr a dymunwn bob llwyddiant iddyn nhw yn eu hastudiaethau i ddod.

Canlyniadau uchel i Goleg Gŵyr Abertawe

Ar ôl set anhygoel o ganlyniadau Safon Uwch, mae dros 1,000 o fyfyrwyr Coleg Gŵyr Abertawe yn barod i symud ymlaen i’r brifysgol ym mis Medi.

Mae bron 200 o’r myfyrwyr hyn yn mynd i rai o’r prifysgolion gorau yn y DU – gan gynnwys Rhydychen, Caergrawnt, Caeredin, Coleg Imperial Llundain, Bryste, Caerwysg ac Ysgol Economeg Llundain.

Diwrnod canlyniadau TGAU – Dydd Iau 23 Awst 2018

Bydd canlyniadau TGAU ar gael i’w casglu o 9am ar ddydd Iau 23 Awst (prif dderbynfa Tycoch a'r swyddfa arholiadau yng Ngorseinon).

Bydd rhaid i’r holl fyfyrwyr ddod â dull adnabod ffotograffig gyda nhw (bydd cerdyn myfyriwr yn ddelfrydol neu, os nad yw’ch cerdyn myfyriwr gyda chi, bydd trwydded gyrru neu basport yn dderbyniol) pan fyddan nhw’n casglu eu canlyniadau o’r Coleg.

Canlyniadau Safon Uwch/UG Coleg Gŵyr Abertawe 2018

Mae myfyrwyr yng Ngholeg Gŵyr Abertawe yn dathlu cyfradd basio Safon Uwch gyffredinol o 98%, gyda 1827 o geisiadau arholiad ar wahân.

O'r rhain, roedd 83% yn raddau uwch A*-C, roedd 58% yn raddau A*-B ac roedd 28% yn raddau A*-A – mae’r canrannau cryf hyn yn uwch na’r canlyniadau ardderchog a gafwyd yn 2017.

Roedd y gyfradd basio gyffredinol ar gyfer Safon UG yn 93%, gyda 69% ohonynt yn raddau
A-C a 48% yn raddau A-B - eto, mae'r canrannau cryf hyn yn uwch na chanlyniadau 2017.

Roedd 2853 o geisiadau arholiad ar wahân ar gyfer UG.

Saith gyrfa y gallech eu lansio ar ôl y Coleg

Mae diwrnod canlyniadau TGAU yn nodi'r bennod nesaf ym mywyd oedolyn ifanc. Wrth i chi symud yn nes at fyd go iawn addysg uwch a chyflogaeth, mae penderfynu ar gynllun ar gyfer y dyfodol yn gallu ymddangos yn dipyn o dasg.

Efallai y bydd rhai yn gwneud penderfyniadau mympwyol ynghylch eu cyrsiau Safon Uwch/galwedigaethol, heb feddwl llawer am y peth (os o gwbl). Ond mae'n bwysig cofio y gall y dewisiadau hynny ddylanwadu ar eich dyfodol. Felly, dewiswch yn ddoeth!