Newyddion y Coleg

Coleg yn ennill gwobr Efydd am fentrau iechyd a lles

Mae Coleg Gŵyr Abertawe wedi ennill Gwobr Efydd Safon Iechyd Corfforaethol am ei ymroddiad i ddarparu mentrau iechyd a lles i'w staff.

Mae'r Safon Iechyd Corfforaethol yn rhan o raglen Cymru Iach ar Waith ac yn farc ansawdd cenedlaethol ar gyfer iechyd a lles yn y gweithle.

Dros y flwyddyn academaidd ddiwethaf, bu ystod o ddigwyddiadau sy'n canolbwyntio ar staff, megis seremoni wobrwyo gwasanaeth hir ar gyfer y rhai sydd wedi gweithio yn y Coleg ers dros 20 mlynedd, a pharti dathlu i gydnabod arolygiad cadarnhaol Estyn.

Arweinydd lleol a’r Coleg ar restr fer gwobrau arweinyddiaeth genedlaethol Cymru

Mae Pennaeth a Phrif Weithredwr Coleg Gŵyr Abertawe, Mark Jones, wedi’i enwi fel terfynwr yng Ngwobrau Arwain Cymru eleni.

Mae Gwobrau Arwain Cymru 2018 – mewn cydweithrediad â’r Sefydliad Arweinyddiaeth a Rheolaeth – wedi cyhoeddi rhestr fer eleni a chynhelir eu cyfweliadau beirniadu ddydd Iau 12 Gorffennaf.

Enwebwyd Mark yn y categori Arweinyddiaeth yn y Sector Cyhoeddus am ei rôl fel Pennaeth a Phrif Weithredwr Coleg Gŵyr Abertawe – sef un o golegau addysg bellach mwyaf Cymru – ac mae’n un o ond pedwar terfynwr yn y categori.

Llwyddiant i Maggie yn yr Urdd

Enillodd un o’n myfyrwyr Rhyngwladol y drydedd wobr yn ddiweddar yn Eisteddfod yr Urdd 2018 (categori dewis rhanbarthol). 
 
Roedd Maggie, sy’n dod yn wreiddiol o Tsieina, wedi dylunio a chynhyrchu print leino yn seiliedig ar thema amgylchedd trefol. 

Roedd ei hathrawon celf yn meddwl bod y print yn un o’r dyluniadau mwyaf gwreiddiol o’r grŵp o fyfyrywr celfyddyd gain yn y flwyddyn gyntaf. 

Da iawn Maggie, canlyniad gwych ar gyfer eich blwyddyn gyntaf yng Nghymru!

Taro’r nodau uchel – o berfformwyr ‘brenhinol’ i arwyr y cae rygbi

Dewch i gwrdd ag allforion Abertawe sy’n concro’r byd

O Dylan Thomas a Catherine Zeta Jones i Joe’s Ice-cream a’r ‘Jacks’ – mae gan Abertawe llawer i’w gynnig.

Ymhlith cyn-fyfyrwyr Coleg Gŵyr Abertawe, ceir enwau enwog niferus. Dyma ond ychydig o’r cyn-fyfyrwyr sydd wedi gadael eu holion ym myd y celfyddydau, chwaraeon a bwyd –  i enwi ond ychydig ohonynt.

Diwrnod Canlyniadau Safon UG/UWCH – Dydd Iau 16 Awst 2018

Bydd canlyniadau Safon UG a Safon Uwch TGA ar gael i’w casglu o 9am ar ddydd Iau 16 Awst (D4 yng Ngorseinon)

Bydd rhaid i’r holl fyfyrwyr ddod â dull adnabod ffotograffig gyda nhw (bydd cerdyn myfyriwr yn ddelfrydol neu, os nad yw’ch cerdyn myfyriwr gyda chi, bydd trwydded gyrru neu basport yn dderbyniol) pan fyddan nhw’n casglu eu canlyniadau o’r Coleg. 

Myfyrwyr busnes yn ymchwilio i ddewisiadau prifysgol

Yn ddiweddar, roedd grŵp o fyfyrwyr Safon UG Busnes wedi cael cyfle i ymweld â Diwrnod Agored i Israddedigion ym Mhrifysgol Falmouth i gael cipolwg ar y rhaglenni gradd busnes ac entrepreneuriaeth a gynigir.

Yno, roedden nhw hefyd yn gallu cwrdd â nifer o fyfyrwyr presennol yn ogystal â staff darlithio.

Roedd y myfyrwyr hefyd wedi gwneud gweithgareddau arforgampau amrywiol ar draeth Swanpool. Roedd y gweithgareddau hyn wir wedi’u gwthio nhw allan o’u cylch cysur ond roedden nhw’n boblogaidd iawn!

Artistiaid talentog yn dangos eu gwaith

Mae artistiaid, ffotograffwyr a dylunwyr talentog o Goleg Gŵyr Abertawe wedi dathlu diwedd y flwyddyn academaidd gyda chyfres o arddangosfeydd ar draws y ddinas.

Cynhaliwyd y digwyddiad Safon Uwch Celf a Dylunio  yn Adain y Celfyddydau Theatr y Grand Abertawe. Roedd yn dangos gwaith myfyrwyr ar amrywiaeth o gyrsiau gan gynnwys dylunio tecstilau, cyfathrebu graffig, celfyddyd gain a ffotograffiaeth, sydd i gyd yn cael eu haddysgu ar gampws Gorseinon.

Coleg Gŵyr Abertawe yn cael ei anrhydeddu mewn dathliad cenedlaethol o addysgu

Tîm y Celfyddydau Perfformio yng Ngholeg Gŵyr Abertawe yn ennill Gwobr Addysgu Arian yng Ngwobrau Addysgu cenedlaethol Pearson

Wedi'i ddewis o filoedd o enwebiadau, mae Tîm y Celfyddydau Perfformio yn un o ddim ond 65 enillydd a ddathlodd ddydd Gwener 22 Mehefin – Diwrnod Diolch i Athro, wrth i’r Gwobrau Addysgu cenedlaethol nodi ei 20fed flwyddyn o ddathlu rhagoriaeth mewn addysg.

Gwobrau Blynyddol Myfyrwyr Coleg Gŵyr Abertawe 2018

Mae ein myfyrwyr rhagorol wedi cael eu hanrhydeddu yn seremoni Gwobrau Blynyddol Coleg Gŵyr Abertawe 2018.

Cynhaliwyd y seremoni yn Stadiwm Liberty, gyda’r enillwyr yn cynrychioli pob agwedd ar fywyd y coleg o letygarwch, busnes a chelf i ieithoedd a gofal.

Roedd troellwr Sain Abertawe Kevin Johns MBE wedi cyflwyno’r seremoni, lle cafodd myfyrwyr eu hanrhydeddu am eu llwyddiannau academaidd a phersonol, ac roedd siaradwr gwadd wedi ymuno ag ef hefyd – yr anturiaethwr, yr awdur a’r cyflwynydd teledu Tori James.

Ymweliad â Tsieina yn llwyddiant

Cafodd y Pennaeth Mark Jones wahoddiad gan Brifysgol Astudiaethau Tramor Beijing (PATB) – y brifysgol ieithoedd tramor orau yn Tsieina – i draddodi araith arbennig yn ei phumed Prif Uwchgynhadledd Bord Gron ar ‘heriau ac atebion ym maes addysg Ryngwladol’.

Roedd Mark hefyd wedi cael yr anrhydedd o gael ei benodi i Fwrdd Cynghori Rhyngwladol PATB.

Yn ystod y blynyddoedd diwethaf, mae PATB wedi sefydlu nifer o ysgolion Rhyngwladol K-12, ac mae rhai ohonynt yn cynnig cymwysterau TGAU Rhyngwladol a Safon Uwch.