Newyddion y Coleg

Coleg ROC Midden – Ymweliad Erasmus+

Mae Coleg Gŵyr Abertawe yn croesawu pedwar aelod o staff o Goleg ROC Midden yn yr Iseldiroedd yr wythnos hon.

Mae’n cael ei gynnal gan y maes dysgu technoleg busnes o ddydd Mawrth 17 Ebrill tan ddydd Gwener 20 Ebrill, a’u prif ffocws fydd gweld sut mae’r system addysg yng Nghymru yn wahanol i’r un yn yr Iseldiroedd.

Byddan nhw’n arsylwi ar ddosbarthiadau o lefelau 1-3 mewn busnes, economeg, cyfrifeg, troseddeg a’r gyfraith ar gampws Gorseinon a champws Tycoch. Byddan nhw hefyd yn gweld sut mae’r staff yma yn y Coleg yn ysgogi myfyrwyr i gyflawni eu potensial.

Myfyrwyr yn cwrdd â’r Cwnsler Cyffredinol ar y campws

Mae myfyrwyr Safon Uwch yng Ngholeg Gŵyr Abertawe wedi cael ymweliad arbennig gan y Cwnsler Cyffredinol, Jeremy Miles AC.

Mewn seminar gyda myfyrwyr y Gyfraith a Throseddeg ar gampws Gorseinon, siaradodd y Cwnsler Cyffredinol am amrywiaeth o faterion sy’n ymwneud â myndiad i gyfiawnder. Roedd hyn yn cynnwys argaeledd cymorth cyfreithiol, rhaglen moderneiddio’r llys, costau cynyddol ffioedd llys, addysg gyfreithiol a chodeiddio’r gyfraith.

Dywedodd y Cwnsler Cyffredinol:

Y Coleg yn cynnal digwyddiadau sy’n gysylltiedig ag Academi Radio 1 y BBC.

Bu’n bleser mawr gan Goleg Gŵyr Abertawe gynnal cyfres o ddigwyddiadau’r wythnos diwethaf ar Gampws Tycoch wrth i Academi Radio 1 yn Theatr y Grand Abertawe ym mis Mai nesáu.

Ddydd Gwener 20 Ebrill, cafodd myfyrwyr y cyfle i gymryd rhan mewn gweithdy holi ac ateb gyda DJ Matt Edmondson o Radio 1 y BBC lle cafwyd cyfle iddynt ddysgu sut mae gwneud darllediad byw a chyfrinachau’r grefft sy’n rhan ohono.

Diwrnod Agored Canolfan Broadway - 6 Mehefin

Diwrnod Agored Canolfan Broadway
Dydd Mercher 6 Mehefin
10am – 4pm

Ydych chi’n ystyried gyrfa mewn trin gwallt, harddwch neu therapïau cyfannol?

Os felly, dewch i’n diwrnod agored ar 6 Mehefin lle gallwch gael mwy o wybodaeth am ein cyrsiau amser llawn a rhan-amser sy’n dechrau ym mis Medi.

Gallwch hefyd edrych o gwmpas ein cyfleusterau dysgu/addysgu gwych sy’n cynnwys ardaloedd trin gwallt proffesiynol, ystafelloedd triniaeth hamddenol a sba moethus.

Myfyrwyr Coleg Gŵyr Abertawe yn Ennill Gwobrau Prifysgol Aberystwyth

Mae pedwar myfyriwr o Goleg Gŵyr Abertawe wedi bod yn llwyddiannus yng nghystadleuaeth Ysgoloriaethau Mynediad Prifysgol Aberystwyth. 

Eleni, mae’r Brifysgol wedi dyfarnu 68 o Ysgoloriaethau a nifer o Wobrau Teilyngdod i fyfyrwyr sy’n gwneud cais i astudio yn Aberystwyth ym mis Medi 2018. 

Dyfarnwyd Ysgoloriaeth Athrofa i Enrique Thisby, Ysgoloriaeth Evan Morgan i Emma Burton, Gwobr Teilyngdod i Darson Beeston, a chynnig diamod i Jessica Lewis ar sail eu perfformiadau cryf yn yr arholiadau.

Pobl Abertawe’n sicrhau cyflogaeth well diolch i gynllun cyflogadwyedd y Coleg

Mae rhaglen a ddyluniwyd i gryfhau gweithlu Abertawe wedi cefnogi bron 400 o bobl ac 80 o fusnesau ar draws y ddinas yn ystod ei chwe mis cyntaf o wasanaeth.

Sefydlwyd Gwell Swyddi, Gwell Dyfodol a gyflwynir gan Goleg Gŵyr Abertawe, i wella rhagolygon cyflogaeth cyffredinol Abertawe drwy gyfuniad o gefnogaeth gyflogadwyedd un i un i unigolion a chyngor gweithlu a recriwtio pwrpasol i fusnesau.

Llwyddiant i ddwy fyfyrwraig harddwch

Mae dwy fyfyrwarig o Goleg Gŵyr Abertawe wedi ennill gwobrau yn un o gystadlaethau nodedig Salon Cymru.

Daeth Amanda Rees yn gyntaf yn y digwyddiad yng Nghaerdydd, wedi’i dilyn yn agos gan Katie Jennings a ddaeth yn drydydd. Ar hyn o bryd, mae’r ddwy fyfyrwraig yn dilyn cwrs Lefel 2 Colur Cosmetig yng Nghanolfan Broadway y Coleg.

Ar gyfer y gystadleuaeth, bu’n rhaid iddynt ddangos gwahanol dechnegau celfyddyd coluro megis aroleuo a cherflunio.

Tîm rhyngwladol yn ehangu eu gorwelion

Mae Rheolwr Rhyngwladol y Coleg, Kieran Keogh, wedi dychwelyd yn ddiweddar o daith lwyddiannus i Hong Kong a thir mawr Tsiena.

Yn Hong Kong, aeth Kieran i ddigwyddiad recriwtio gydag Amber Education, un o asiantaethau recriwtio mwyaf yr ardal. Ar dir mawr Tsiena, llofnododd gytundebau gyda chwe ysgol bartner newydd yn Zhuzhou, Lanzhou, Shenyang a Beijing.

Cyfarfu Kieran hefyd â buddsoddwyr Tsieineaidd ynghylch y potensial i ddatblygu campws Coleg Gŵyr Abertawe yn Tseina.

Academi Radio 1 y BBC yn ysbrydoli myfyrwyr lleol

Mae myfyrwyr ar Gampws Gorseinon Coleg Gŵyr Abertawe wedi cael cyfle cynnar i gymryd rhan yn Academi Radio 1 y BBC 2018.

Mae’r Academi’n dod i Theatr y Grand Abertawe ym mis Mai i roi dulliau, gwybodaeth ac ysbrydoliaeth i bobl ifanc er mwyn llwyddo mewn gyrfa greadigol.

Sgôr 5 seren arall i fwyty’r Coleg

Yn dilyn ymweliad annisgwyl gan Iechyd yr Amgylchedd yn gynnar ym mis Mawrth, mae Coleg Gŵyr Abertawe wrth ei fodd i gadarnhau bod bwyty The Vanilla Pod a’r ceginau hyfforddi yn Nhycoch wedi cadw ei sgôr hylendid bwyd o 5.