Newyddion y Coleg

Llwyddiant i nofiwr o’r coleg

Bu Niamh Jones myfyriwr o Goleg Gŵyr Abertawe, sy’n astudio Lefel-A ar gampws Gorseinon, yn cymryd rhan yn Gala Nofio Genedlaethol yr Urdd yn ddiweddar. 

Ennillodd y fedal efydd yn y ras broga.  Roedd hi’n cystadlu yn erbyn disgyblion a myfyrwyr ar draws Cymru gyfan yn y categori oedran 16-19.

Ceisiadau – cyrsiau amser llawn 2018

Gallwch wneud cais nawr i astudio cwrs amser llawn gyda ni ym mis Medi.

Nid oes dyddiad cau swyddogol i wneud cais ond, pan fyddwch wedi penderfynu beth yr hoffech ei astudio, cyflwynwch eich cais i sicrhau lle ar eich cwrs dewis cyntaf wrth gwrs - dilynwch y dolenni isod:

Os ydych yn ddisgybl mewn ysgol yn Ninas a Sir Abertawe, rhaid i chi wneud cais trwy UCAS Progress 

Chwe myfyriwr ar eu ffordd i Rydgrawnt

Mae chwe myfyriwr sy’n dilyn y Rhaglen Paratoi ar gyfer Rhydgrawnt yng Ngholeg Gŵyr Abertawe wedi cael cynnig lleoedd i astudio yn Rhydychen neu Gaergrawnt yn 2018. Y myfyrwyr yw:

Diwrnod blasu nyrsio a bydwragedd

Yn dilyn llwyddiant y coleg wrth ennill arian prosiect gan y Coleg Cymraeg Cenedlaethol, bu myfyrwyr â diddordeb mewn astudio nyrsio, bydwreigiaeth a gwaith cymdeithasol drwy gyfrwng y Gymraeg yn gallu mynychu diwrnod blasu ym Mhrifysgol Abertawe.

Coleg yn lansio prosiect codi sbwriel

Mae staff a myfyrwyr yng Ngholeg Gŵyr Abertawe yn torchi eu llewys ac yn gwisgo menig a siacedi gwelededd uchel wrth iddynt ddechrau menter newydd i godi sbwriel o amgylch campws Gorseinon.

Mae’r prosiect cymunedol hwn yn cael ei lywio gan y Cyngh Kelly Roberts, cyn-fyfyriwr yn y Coleg, a’r Rheolwr Maes Dysgu Cynorthwyol Jenny Hill.

“Mae brwdfrydedd staff a myfyrwyr y Coleg a’r ffordd maen nhw wedi ymroi’n llwyr i’r fenter newydd hon wedi creu argraff arna i,” dywedodd y Cyngh Roberts.

Myfyrwyr rhyngwladol yn teithio o gwmpas adeg y Nadolig

Yn y cyfnod prysur cyn y Nadolig, mae ein Myfyrwyr Rhyngwladol wedi bod yn teithio o gwmpas – a mynd i hwyl yr ŵyl.

Yn gyntaf, aethon nhw i Gaerfaddon lle roedden nhw wedi ymweld â’r Baddonau Rhufeinig cyn galw heibio i farchnad Nadolig drawiadol y ddinas a’r Royal Crescent hanesyddol.

Yn ôl yn Abertawe, roedd y myfyrwyr wedi cymryd ychydig o amser i ffwrdd o’u hastudiaethau a mentro allan yn y tywydd oer i ymweld â Gwledd y Gaeaf ar y Glannau i fwynhau’r reidiau a sglefrio ar yr iâ.
 

Cyfweliadau Rhydgrawnt ar gyfer 30 o fyfyrwyr

Mae 30 o’r 43 o fyfyrwyr sy’n dilyn y Rhaglen Paratoi ar gyfer Rhydgrawnt yng Ngholeg Gŵyr Abertawe ar hyn o bryd wedi llwyddo i gael cyfweliad yn Rhydychen neu Gaergrawnt.

Mae’r rhaglen sefydledig, a addysgir ar gampws Gorseinon, yn darparu’r paratoad gorau posibl, i fyfyrwyr sy’n bwriadu symud ymlaen i Rydychen, Caergrawnt a phrifysgolion Russell Group eraill.

Staff gafodd eu cydnabod yn y Gwobrau Gwasanaeth Hir

Cafodd dros 100 o aelodau staff o Goleg Gŵyr Abertawe eu gwahodd i ddathliad arbennig yn Stadiwm Liberty.

Sefydlwyd y Gwobrau Gwasanaeth Hir cyntaf erioed i gydnabod a diolch i'r aelodau staff hynny sydd wedi bod yn gweithio yn y Coleg am fwy nag 20 mlynedd.

Derbyniodd darlithwyr, rheolwyr a staff cymorth busnes o bob adran o'r sefydliad fagiau nwyddau wedi'u personoli cyn cael eu gwahodd i fwynhau te hufen Nadoligaidd.

Tîm pêl-droed Sgiliau Byw’n Annibynnol yn bencampwyr Ability Counts

Mae tîm pêl-droed Sgiliau Byw’n Annibynnol Coleg Gŵyr Abertawe wedi cael ei goroni’n Bencampwyr Ability Counts Cymru Cymdeithas y Colegau am y bedwaredd flwyddyn yn olynol.

Ar ôl mynd trwodd heb gael eu curo, roedden nhw wedi trechu Coleg Sir Gâr 3-0 yn y rownd gyn-derfynol a Choleg Caerdydd a’r Fro 1-0 yn y rownd derfynol gyffrous.

Roedd y tîm wedi gweithio’n galed i ennill eleni ac maen nhw’n edrych ymlaen at gynrychioli Cymru ym Mhencampwriaethau Cenedlaethol Cymdeithas y Colegau ym Mhrifysgol Nottingham yn 2018.

Myfyrwyr mathemateg ar eu ffordd i Lundain

Yn ddiweddar, roedd Coleg Gŵyr Abertawe wedi cynnal rhagbrawf Gorllewin Cymru yr Her Fathemateg Uwch.

Roedd tîm y Coleg – Han Xuanyan, Fuhao Song, Jiachen Liang, Xiyu Zhang – wedi ennill y rhagbrawf sy’n golygu eu bod yn cymhwyso ar gyfer y rowndiau terfynol cenedlaethol yn Llundain ym mis Chwefror 2018. Yno, byddan nhw’n cystadlu yn erbyn mwy na 70 o dimau ledled y DU.

Mae’r Coleg wedi cofrestru tîm bob blwyddyn am y ddeuddeng mlynedd ddiwethaf a hwn fydd ein hymweliad cyntaf â’r rowndiau terfynol cenedlaethol – da iawn i’r tîm!