Newyddion y Coleg

Meddyg teulu blaenllaw yn dod adref i ysbrydoli cenhedlaeth newydd o feddygon

Daeth meddyg teulu mwyaf blaenllaw Prydain, Yr Athro Helen Stokes-Lampard, yn ôl adref i Abertawe yn ddiweddar ar gyfer taith frysiog ddau ddiwrnod. Yn ystod y daith, ymwelodd hi â’i hen ysgol a choleg lle cymerodd ei chamau cyntaf tuag at lwyddiant.

Roedd yr Athro Stokes-Lampard, Cadeirydd Coleg Brenhinol y Meddygon Teulu – y Coleg Brenhinol Meddygol mwyaf yn y DU sy’n cynrychioli 52,000 o feddygon teulu ar draws y DU – wedi cwrdd â phlant Blwyddyn 10 yn Ysgol Gyfun Pen-yr-heol a myfyrwyr sydd â diddordeb mewn astudio meddygaeth yng Ngholeg Gŵyr Abertawe yng Ngorseinon.

Myfyrwyr o Tsieina yn mwynhau profiad y Coleg

Mae ein hadran Ryngwladol wedi croesawu grŵp o fyfyrwyr a staff o Ysgol Ganolog Zhuzhou Rhif 8.

Roedd y myfyrwyr wedi mynychu dosbarthiadau bob bore ac roedden nhw wedi cymryd rhan mewn gweithgareddau cymdeithasol amrywiol bob prynhawn.

Ar ddiwedd yr ymweliad cynhaliwyd digwyddiad ‘cyfnewid diwylliannol’ rhwng myfyrwyr o Tsieina a myfyrwyr lleol a pherfformiad cerddoriaeth/dawns gan rai o’n carfan bresennol o fyfyrwyr Safon Uwch Rhyngwladol.

Y Coleg yn dathlu graddedigion AU

Bu dros 100 o fyfyrwyr Addysg Uwch o Goleg Gŵyr Abertawe mewn digwyddiad graddio arbennig yn ddiweddar a gynhaliwyd yn y Neuadd Fawr ar Gampws Bae Prifysgol Abertawe.

Roedd y myfyrwyr yn dathlu llwyddiant mewn pynciau mor amrywiol â chyfrifeg, peirianneg, arweinyddiaeth a rheolaeth, therapïau tylino chwaraeon, rheolaeth gwallt a harddwch, gofal plant, a gwasanaethau iechyd a gofal cymdeithasol.

Taith lwyddiannus arall ar gyfer yr Adran Ryngwladol

Mae Kieran Keogh, Rheolwr Rhyngwladol Coleg Gŵyr Abertawe, wedi dychwelyd o daith busnes bythefnos lwyddiannus i Tsieina lle roedd wedi ymweld â chyfanswm o naw dinas wahanol, gan ddechrau yn Hong Kong a gorffen yn Beijing.

Yn ystod y daith, roedd Kieran wedi cwrdd â nifer o gynrychiolwyr colegau, cyfweld â darpar fyfyrwyr, ymweld â phartneriaid addysgol a chynnal trafodaethau â thri buddsoddwr ynghylch campws gyda brand Coleg Gŵyr Abertawe yn Tsieina.

Myfyrwyr yn darganfod cyfleoedd perfformio Cymraeg

Bu criw o fyfyrwyr Cymraeg sy'n dilyn cyrsiau Perfformio yn yng Ngholeg Gwyr Abertawae yn ymweld â thîm talentog sy’n rhedeg cwrs BA Perfformio yng Nghanolfan Berfformio Cymru yn y Gate yng Nghaerdydd - cwrs sy’n cael ei ddysgu drwy gyfrwng y Gymraeg.

Cafodd ein myfyrwyr gyfle i gymryd rhan mewn gweithdai actio, dawnsio a chanu dan arweiniad Eiry Thomas, Jackie Bristow, Elen Bowman ac Eilir Owen Griffiths.  Roedd yn ddiwrnod llawn hwyl a dysgu, ynghyd a hybu'r Gymraeg yn y maes yma.

Myfyrwyr Mynediad yn canolbwyntio ar lesiant

Cafodd myfyrwyr Mynediad yng Ngholeg Gŵyr Abertawe eu gwahodd i gynhadledd Mynediad a Diwrnod Llesiant ar gampws Gorseinon.

Gyda chymysgedd o anerchiadau, sesiynau holi ac ateb ac ymarferol, roedd y digwyddiad yn canolbwyntio ar y meddwl, rheoli amser, bwyta'n iach a'r systemau cymorth amrywiol sydd yn eu lle yn y Coleg i helpu dysgwyr yn ystod y flwyddyn academaidd brysur.

Y Nadolig yn dod i Lwyn y Bryn!

Mae Myfyrwyr Celf a Dylunio L2 yn Llwyn y Bryn wedi bod yn brysur yn dylunio a phaentio pengwiniaid Nadoligaidd ar gyfer Gwledd y Gaeaf ar y Glannau 2017.

Cafodd y myfyrwyr eu comisiynu gan Ddinas a Sir Abertawe a bydd eu gwaith yn cael eu harddangos ar rinc sglefrio iâ Abertawe o 17 Tachwedd.

Mae noddwyr eleni yn cynnwys Jagger a Woody o Heart Radio, Theatr y Grand Abertawe, Admiral Insurance ac archarwr arbennig y Coleg ei hun Bryn.

Y Coleg yn dathlu Wythnos Amrywiaeth 2017

Mae staff a myfyrwyr ar draws Coleg Gŵyr Abertawe wedi dathlu Wythnos Amrywiaeth gyda'r deuddegfed Ffair Amrywiaeth flynyddol a chyfres o weithdai codi ymwybyddiaeth.

Ymhlith yr adloniant eleni oedd perfformiad drymio Affricanaidd gan Gbubemi Amas, arddangosiad o grefft ymladd Capoeira Brazilian, dawns y glocsen Gymreig gyda Menter Abertawe ac - yn ôl eto eleni - dawns stryd hynod boblogaidd gan Arnold Matsena. Cafwyd cerddoriaeth fyw hefyd gyda pherfformiadau gan fyfyrwyr talentog Llwyn y Bryn a Gorseinon.

Llongyfarchiadau i'r Academi Rygbi

Llongyfarchiadau i Academi Rygbi'r Coleg sydd wedi ennill cwpan y Gweill dan 18 i gyd-fynd â'i buddugoliaeth yng nghystadleuaeth Colegau Cymru.

Mae llwybr y tîm i'r rownd derfynol fel a ganlyn:

Grŵp 2
CGA yn erbyn Coleg Cymunedol y Dderwen (36 - 0)
CGA yn erbyn Ystalyfera/Maesteg Select (32 - 5)

Rownd Gynderfynol
CGA yn erbyn Coleg Castell-nedd (29 - 5)

Rownd Derfynol
CGA yn erbyn Bryn Tawe (36 - 0)

Aelodau'r tîm:

Bron 4,500 o fyfyrwyr yn dechrau'r flwyddyn academaidd yng Ngholeg Gŵyr Abertawe

Mae bron 4,500 o fyfyrwyr amser llawn wedi dechrau’r flwyddyn academaidd newydd yng Ngholeg Gŵyr Abertawe - ar gyrsiau Safon Uwch a galwedigaethol mewn amrywiaeth o feysydd pwnc gan gynnwys cyfrifeg, peirianneg, trin gwallt a phlymwaith.

Maen nhw'n ymuno â'r Coleg ar adeg gyffrous, gyda'r gwaith adnewyddu ar fin gael ei gwblhau a fydd yn gwella cyfleusterau'r myfyrwyr.