Cyflwyniad i Letygarwch ac Arlwyo Lefel Mynediad 3 
Trosolwg
Yn ystod y cwrs blwyddyn hwn, byddwch yn dysgu hanfodion hylendid bwyd, iechyd a diogelwch, paratoi bwyd a gwasanaeth bwyty.
Gallwch ddisgwyl profiad ymarferol, go iawn, wrth weithio yn y ceginau masnachol a bwyty hyfforddi’r Vanilla Pod.
Gwybodaeth allweddol
- 16+ oed
- Diddordeb byw mewn lletygarwch ac arlwyo, coginio a gwasanaeth bwyd
- Cyfweliad llwyddiannus, geirdaon boddhaol.
Byddwch yn cael eich asesu’n barhaus, trwy gyfuniad o dasgau ymarferol, aseiniadau ysgrifenedig, a llyfrynnau cwrs.
Cyfleoedd i symud ymlaen i gymwysterau Diploma Lefel 1 Coginio ac Arlwyo Proffesiynol a Diploma Lefel 2 Coginio ac Arlwyo Proffesiynol.
Neu, gallech ddatblygu’ch profiad a’ch sgiliau ymhellach mewn cyflogaeth fel cynorthwyydd arlwyo neu gynorthwyydd cegin.
Bydd gofyn i chi brynu gwisg ac offer arbenigol (tua £250). Byddwn ni’n rhoi gwybodaeth a chostau i chi yn ystod eich cyfweliad. Mae’n bosibl y byddwch yn gallu gwneud cais am gyllid. Darperir loceri (bydd angen blaendal arnom ond cewch eich ad-dalu).