Ar ddiwedd blwyddyn academaidd brysur iawn arall, cynhaliodd Coleg Gŵyr Abertawe ei Ddiwrnod Lles blynyddol i staff ar 6 Gorffennaf.

Mae’r digwyddiad yn uchafbwynt i staff addysgu a chymorth ar draws pob campws, ac mae’n gyfle i fwynhau amrywiaeth o sesiynau blasu a gweithgareddau gyda chydweithwyr a ffrindiau.

Roedd yr amserlen eleni yn llawn dop gan gynnwys iacháu siamanaidd, therapi dŵr oer, garddio, pêl-bicl, adweitheg a bingo.