Newyddion y Coleg

Cyn-fyfyriwr yn dychwelyd i ysbrydoli pobl ifanc greadigol

Dychwelodd wyneb cyfarwydd i Gampws Gorseinon Coleg Gŵyr Abertawe yn ddiweddar wrth i’r cyn-fyfyriwr Billie-Jo Matthews gamu i’r adwy i helpu i ysbrydoli’r genhedlaeth nesaf o bobl ifanc greadigol.

Cwblhaodd Billie-Jo gwrs BTEC Estynedig Lefel 3 yn y Cyfryngau Creadigol yng Ngholeg Gŵyr Abertawe cyn symud ymlaen i Brifysgol Abertawe i ddilyn BA (Anrh) yn y Cyfryngau a Chyfathrebu, ac yna MSc mewn Marchnata Strategol.

Bwrsariaeth addysgu dwyieithog ar gael i ddysgwyr Cymraeg

Fel rhan o’n nod o ddatblygu gweithlu dwyieithog a hyfforddi staff newydd i gynnig y Gymraeg i’n dysgwyr, mae’r cyfle gwych yma ar gael i chi. 

Os ydych yn siarad Cymraeg ac yn cysidro gwneud cymhwyster TAOR er mwyn cymhwyso fel tiwtor neu ddarlithydd yn y sector ôl 16, mae cyfle gwerthfawr i chi ymarfer mewnosod y Gymraeg yn y dosbarth gyda grwpiau dwyieithog.  Byddwch yn gymwys i wneud cais am y fwrsariaeth addysgu ddwyieithog gwerth £500 y flwyddyn.  

Coleg yn croesawu ysgolion lleol ar gyfer sioe deithiol cogyddion

Roedd 120 o ddisgyblion o chwe ysgol yn Abertawe wedi mwynhau diwrnod blasu lletygarwch yng Ngholeg Gŵyr Abertawe ddydd Mawrth 14 Mawrth.

Trefnwyd yr achlysur arbennig rhad ac am ddim gan The Chefs’ Forum ac roedd yn gyfle i’r Coleg groesawu disgyblion ysgol a rhoi blas iddynt ar yr hyn sydd i’w ddisgwyl ar gwrs arlwyo.

“Rydyn ni’n galw’r achlysur yn gipolwg ar fyd y diwydiant lletygarwch,” dywedodd Cyfarwyddwr The Chef’s Forum Catherine Farinha. “Cawson ni amrywiaeth gwych o ben-cogyddion a gweithwyr proffesynol blaen y tŷ. Roedd y myfyrwyr wedi mwynhau mas draw!”

Statws Ystyriol o’r Menopos i’r Coleg

Mae Coleg Gŵyr Abertawe wedi ennill statws Achrediad Ystyriol o’r Menopos.

Mae hyn i gydnabod gwaith parhaus y Coleg i godi ymwybyddiaeth o symptomau’r perimenopos a’r menopos, a’r gyfres o gymorth y mae wedi’i rhoi ar waith i staff.

Mae enghreifftiau o hyn yn cynnwys Caffis Menopos rheolaidd, cyfleoedd i staff gwrdd ag arbenigwyr menopos, a seminarau ar sut i reoli symptomau. Yn fwyaf diweddar, cafodd staff a myfyrwyr gyfle i wisgo Menovest TM, sy’n efelychu’r teimlad o byliau poeth.

Teyrnged artistig: Gwobrau lu i fyfyrwyr Coleg Gŵyr Abertawe am eu portreadau o Rhys Ifans

Mae dysgwyr Coleg Gŵyr Abertawe wedi bod wrthi yn braslunio, peintio a chreu celf digidol a seramig ar gyfer cystadleuaeth portreadau flynyddol 9to90, ac unwaith eto, maen nhw wedi ennill mewn sawl categori! 

Heledd yn cael blas ar lwyddiant

Mae’r myfyriwr Busnes Coleg Gŵyr Abertawe, Heledd Hunt, yn brysur yn jyglo ei hastudiaethau Lefel 3 a rhedeg ei chwmni ei hun.

Cychwynodd Heledd ei busnes – Hels Bakes Cakes – ym mis Medi 2022, gan arlwyo ar gyfer digwyddiadau megis partїon pen-blwydd. A hithau’n siarad Cymraeg yn rhugl ac yn un o Lysgenhadon Cymraeg y Coleg, yn ddiweddar gofynnwyd iddi arlwyo ar gyfer digwyddiadau’r Wythnos Gymraeg ar draws y campws, lle roedd 250 o’i chacennau cwpan i’w gweld ar y fwydlen.

Wythnos Gymraeg

Cafwyd wythnos llawn digwyddiadau i ddathlu Cymreictod yn y Coleg o gwmpas Dydd Gŵyl Dewi.

Cawsom fore coffi ar bob campws, gyda chacennau hyfryd gan un o’n myfyrwyr galwedigaethol Lefel 3 Busnes, Heledd Hunt sydd a busnes ei hun ar instagram @helsbakescakes. Wrth gwrs roedd digonedd o bice ar y maen am ddim i’n myfyrwyr a staff hefyd!

Cafwyd perfformiadau gan Dafydd Mills o Menter Abertawe ar gampws Llwyn y Bryn a Cwrt Jiwbili a Ed Holden aka Mr Phormula bitbocsiwr a rapiwr Cymraeg ar gampws Tycoch a Gorseinon.

Coleg Gŵyr Abertawe – Byddwch yn rhan ohono!

Mae Coleg Gŵyr Abertawe yn goleg arobryn sy’n darparu addysg a hyfforddiant i dros 4,500 o ddysgwyr amser llawn a 10,000 o ddysgwyr rhan-amser ar draws ardal Abertawe a thu hwnt.

Mae’r Coleg yn cynnig bron 40 o ddewisiadau Safon Uwch gwahanol ac amrywiaeth eang o feysydd pwnc galwedigaethol i ymadawyr ysgol, yn ogystal â phrentisiaethau a chyrsiau AU. Mae hefyd yn darparu hyfforddiant busnes-i-fusnes i unigolion a chyflogwyr ar draws yr ardal, yn ogystal â chymorth cyflogadwyedd wedi’i deilwra.

Myfyrwyr Coleg Gŵyr Abertawe yn ennill llu o fedalau

Mae Coleg Gŵyr Abertawe yn dathlu ar ôl i fyfyrwyr ennill cyfanswm o 30 medal yn dilyn y rownd ddiweddaraf o ddigwyddiadau Cystadleuaeth Sgiliau Cymru.

Gwahoddwyd y dysgwyr i ‘barti gwylio’ arbennig ar Gampws Tycoch ar 9 Mawrth i ddathlu wrth i’r canlyniadau gael eu cyhoeddi.

Enillwyr medalau Aur:
Orlagh Cronin – Colur Creadigol
Tarran Spooner – Electroneg Ddiwydiannol
Lauren Maddick – Gofal Plant
Kaitlin Curtis  - Marchnata Gweledol

Cleientiaid Gwell Swyddi, Gwell Dyfodol yn mynd o nerth i nerth yn Bevan Buckland

Ers lansio Gwell Swyddi, Gwell Dyfodol yn 2017, mae ein perthynas â’r Cyfrifwyr Siartredig, Bevan Buckland, wedi parhau i gryfhau. Mae’r cwmni’n darparu cyfleoedd gwych i’n dysgwyr a’n prentisiaid yn barhaus, ac maent yn cyflwyno sesiynau yn rheolaidd i rannu eu cyngor arbenigol a’u gwybodaeth am y diwydiant. Dros y 5 mlynedd diwethaf maent hefyd wedi mynychu ein Ffeiriau Recriwtio blynyddol a chynnig siaradwyr gwadd ar gyfer digwyddiadau Academi Dyfodol.