Newyddion y Coleg

Coleg yn croesawu ffagl Tîm Cymru i Gampws Tycoch

Mae Coleg Gŵyr Abertawe wedi croesawu ffagl Tîm Cymru i Gampws Tycoch, gan nodi carreg filltir allweddol ar ei thaith ar draws Cymru cyn Rowndiau Terfynol Cenedlaethol WorldSkills UK eleni.

Mae ras gyfnewid y ffagl yn creu cyffro cyn y Rowndiau Terfynol Cenedlaethol - a gynhelir yng Nghymru am y tro cyntaf erioed ar 26-28 Tachwedd - ac yn taflu goleuni ar y ffordd i WorldSkills Shanghai 2026, sy’n cael eu galw yn ‘Gemau Olympaidd Sgiliau’ ledled y byd.

Myfyrwyr yn cymryd y camau cyntaf tuag at y prifysgolion gorau

Cafodd cannoedd o ddysgwyr ifanc eu gwahodd i lansiad Hyb Seren Abertawe 2025/26 yn ddiweddar, lle roeddent yn gallu dysgu rhagor am y sgiliau sydd eu hangen i wneud cais i un o’r prifysgolion gorau yn y DU.

Dan arweiniad Coleg Gŵyr Abertawe a Phrifysgol Abertawe, cafodd y digwyddiad ei gynnal ar Gampws y Bae y Brifysgol. Fe’i mynychwyd gan dros 300 o fyfyrwyr o’r Coleg ac ysgolion chweched dosbarth lleol, a daeth llawer ohonynt â’u rhieni a’u gwarcheidwaid.

Coleg Gŵyr Abertawe yn dathlu llwyddiant dysgwyr CIH

Daeth dysgwyr ledled De Cymru ynghyd yn ddiweddar mewn digwyddiad arbennig a gynhaliwyd yn Ysgol Fusnes Plas Sgeti. Roedd y digwyddiad yn gyfle i gydnabod myfyrwyr sydd wedi cwblhau cymhwyster CIH achrededig Coleg Gŵyr Abertawe mewn Gosod a Rheoli Eiddo Preswyl.

Gwobrau Addysg Oedolion Ysbrydoli! 2025

Roedd Coleg Gŵyr Abertawe yn falch iawn o fynd i Wobrau Addysg Oedolion Ysbrydoli! eleni.

Yn ogystal, cafodd ein Prif Swyddog Gweithredol, Kelly Fountain, ei gwahodd i roi anerchiad croeso yn y digwyddiad arbennig yn Neuadd Brangwyn, Abertawe.

Fel Coleg, rydym yn ymrwymedig i ysbrydoli dysgwyr o bob oedran ac roeddem yn falch dros ben o gefnogi’r digwyddiad anhygoel hwn sy’n dathlu addysg oedolion. Fel Dinas Dysg UNESCO, mae Abertawe bob amser wedi cael ei chydnabod am ei hymrwymiad i addysg, arloesedd ac ysbryd cymunedol.

Hetiau Caled a Choffi Cynnes: Adeiladu’r Dyfodol Gyda’n Gilydd

Roedd Hetiau Caled a Choffi Cynnes yn gyfle i unigolion a sefydliadau o fewn y diwydiant ddod ynghyd yn Ysgol Fusnes Plas Sgeti i ganolbwyntio ar siapio dyfodol amgylchedd adeiledig.

Croesawodd y Coleg gyflogwyr o'r rhanbarth gan gynnwys Morganstone, Andrew Scott, Cyfle, CP Engineering, James Brothers Co a Chyngor Abertawe, ynghyd ag arbenigwyr sector, i gydweithio, rhannu safbwyntiau a dylanwadu ar drywydd hyfforddiant adeiladu a'r amgylchedd adeiledig ledled Cymru.

Coleg Gŵyr Abertawe yn cael ei gydnabod yn swyddogol fel sefydliad blaenllaw ar gyfer dilyniant i Rydgrawnt

Mae Coleg Gŵyr Abertawe wedi cael ei enwi yn un o’r ysgolion gwladol / colegau gorau yn y DU ar gyfer dilyniant i brifysgolion Caergrawnt a Rhydychen.

Mae’r Daily Mail wedi cyhoeddi rhestr o’r 30 ysgol a choleg gorau yn y DU sy’n pontio’r bwlch ar gyfer myfyrwyr ysgolion gwladol sy’n mynd i brifysgolion elit, yn ôl ffigurau 2024.

“Rydyn ni wrth ein bodd ein bod ni wedi cyrraedd rhestr y 30 uchaf ac rydyn ni’n parhau i fynd o nerth i nerth yn 2025,” meddai’r Pennaeth Dros Dro, Paul Kift.

Lansio twrnamaint rygbi e-chwaraeon yn y Coleg

Maer Coleg Gŵyr Abertawe wedi cynnal digwyddiad swyddogol i lansio twrnamaint e-Chwaraeon cyffrous.

Bydd twrnamaint Rygbi 25, a drefnir gan e-Chwaraeon Cymru mewn partneriaeth ag Undeb Rygbi Cymru, yn annog dysgwyr o ysgolion a cholegau i gystadlu mewn gemau rygbi strategol a chyflym.

Croesawu Ein Myfyrwyr Rhyngwladol Newydd

Braf yw croesawu nifer o fyfyrwyr rhyngwladol newydd y  flwyddyn academaidd hon o Tsieina, Lithwania, Fietnam a Brasil, ochr yn ochr myfyrwyr sy’n dychwelyd i’r Coleg o Tsieina, Hong Kong, Gwlad Thai a De Corea.

Myfyriwr Safon Uwch yn ennill gwobr economegydd ifanc

Mae myfyriwr Safon Uwch o Goleg Gŵyr Abertawe wedi ennill teitl nodedig Economegydd Ifanc y Flwyddyn Cymru gan Discover Economics.

Cafodd Cole Brydson, myfyriwr ail flwyddyn sy’n astudio cyrsiau Safon Uwch mewn Astudiaethau Busnes, Economeg a Thechnoleg Ddigidol yn ogystal â Bagloriaeth Sgiliau Cymru Uwch ar Gampws Gorseinon, ei gydnabod am ei draethawd llawn gwybodaeth am ysgogiadau anghydraddoldeb cyfoeth yn y DU a sut y gellir mynd i’r afael â nhw.

Mae Discover Economics yn elusen sydd â’r nod o wella cynrychiolaeth ym maes economeg.

Coleg Gŵyr Abertawe yn falch o gefnogi Wythnos Addysg Oedolion 2025

Mae’r Coleg wedi nodi Wythnos Addysg Oedolion 2025 trwy gynnal cyfres o ddigwyddiadau arbennig, cyrsiau am ddim a sesiynau blasu.

Wythnos Addysg Oedolion (WAO) yw dathliad addysg gydol oes mwyaf Cymru, gyda dros 10,000 o oedolion yn cymryd rhan bob blwyddyn. Mae’r ymgyrch yn cael ei gydlynu gan y Sefydliad Dysgu a Gwaith ar y cyd â Llywodraeth Cymru a phartneriaid eraill.

Bwriad yr ymgyrch yw ysbrydoli pobl i ddarganfod eu hangerdd am ddysgu, gan ddatblygu eu sgiliau cyflogaeth drwy gydol eu bywyd.