Newyddion y Coleg

Croesawu Ein Myfyrwyr Rhyngwladol Newydd

Braf yw croesawu nifer o fyfyrwyr rhyngwladol newydd y  flwyddyn academaidd hon o Tsieina, Lithwania, Fietnam a Brasil, ochr yn ochr myfyrwyr sy’n dychwelyd i’r Coleg o Tsieina, Hong Kong, Gwlad Thai a De Corea.

Myfyriwr Safon Uwch yn ennill gwobr economegydd ifanc

Mae myfyriwr Safon Uwch o Goleg Gŵyr Abertawe wedi ennill teitl nodedig Economegydd Ifanc y Flwyddyn Cymru gan Discover Economics.

Cafodd Cole Brydson, myfyriwr ail flwyddyn sy’n astudio cyrsiau Safon Uwch mewn Astudiaethau Busnes, Economeg a Thechnoleg Ddigidol yn ogystal â Bagloriaeth Sgiliau Cymru Uwch ar Gampws Gorseinon, ei gydnabod am ei draethawd llawn gwybodaeth am ysgogiadau anghydraddoldeb cyfoeth yn y DU a sut y gellir mynd i’r afael â nhw.

Coleg Gŵyr Abertawe yn falch o gefnogi Wythnos Addysg Oedolion 2025

Mae’r Coleg wedi nodi Wythnos Addysg Oedolion 2025 trwy gynnal cyfres o ddigwyddiadau arbennig, cyrsiau am ddim a sesiynau blasu.

Wythnos Addysg Oedolion (WAO) yw dathliad addysg gydol oes mwyaf Cymru, gyda dros 10,000 o oedolion yn cymryd rhan bob blwyddyn. Mae’r ymgyrch yn cael ei gydlynu gan y Sefydliad Dysgu a Gwaith ar y cyd â Llywodraeth Cymru a phartneriaid eraill.

Bwriad yr ymgyrch yw ysbrydoli pobl i ddarganfod eu hangerdd am ddysgu, gan ddatblygu eu sgiliau cyflogaeth drwy gydol eu bywyd.

Cau ffordd dros dro - Campws Tycoch

Oherwydd gwaith ailddatblygu, bydd y fynedfa i’r campws o gyfeiriad Heol Tycoch ar gau ar ddydd Sadwrn 22 Medi.

Ar y dyddiad hwn, defnyddiwch y ffyrdd isod o gyrraedd a gadael y campws:

Mae hyn yn berthnasol i holl staff a defnyddwyr y Ganolfan Chwaraeon.

Diolch am eich amynedd a’ch cydweithrediad wrth i’r gwelliannau hyn gael eu rhoi ar waith.

Prosiect ‘Sgiliau ar gyfer y Gweithle’ newydd i Rymuso Gweithlu De-orllewin Cymru

Mae Coleg Gŵyr Abertawe wedi lansio menter newydd sydd â’r nod o ddysgu sgiliau mawr eu hangen i unigolion ar draws de-orllewin Cymru er mwyn ateb anghenion lleol a helpu pobl i ffynnu yn y gweithlu heddiw. 

Lansiwyd prosiect Sgiliau ar gyfer y Gweithlu yn Ysgol Fusnes Plas Sgeti yn ystod Wythnos Addysg Oedolion, ac felly roedd yn gyfle priodol i ganolbwyntio ar helpu oedolion i ailhyfforddi ac adeiladu sgiliau ar gyfer y dyfodol.

Carreg filltir mewn arloesedd cynaliadwy yng Ngorseinon

Yn ddiweddar, roedd Coleg Gŵyr Abertawe yn falch o nodi digwyddiad ‘gosod y garreg gopa’ ar yr adeilad newydd yng Ngorseinon, carreg filltir arwyddocaol yn y gwaith o ailddatblygu’r campws.

Coleg yn croesawu dysgwyr newydd – Ffair y Glas 2025

Mae myfyrwyr newydd yng Ngholeg Gŵyr Abertawe wedi cael cyfle i ddysgu rhagor am fywyd campws yn Ffair y Glas 2025.

Eleni, roedd gan y digwyddiadau yr un thema sef ‘Cynefin’ – ymdeimlad o berthyn i’ch cymuned.

Seren rygbi Alun Wyn Jones yn hyrwyddo dysgu gydol oes fel llysgennad dros Wythnos Addysg Oedolion 2025

Mae eicon rygbi Cymru, Alun Wyn Jones, wedi lansio Wythnos Addysg Oedolion 2025, wrth iddo ddechrau rôl newydd fel llysgennad ymgyrch genedlaethol sy’n dathlu dysgu gydol oes. 

Mae’r wythnos, a gynhelir rhwng 15 a 21 Medi, yn cael ei rhedeg gan y Sefydliad Dysgu a Gwaith mewn partneriaeth â Llywodraeth Cymru, ac mae’n cynnwys cyrsiau am ddim, digwyddiadau, a sesiynau cofrestru ledled Cymru. 

Tîm tirlunio yn cystadlu ar gyfer Gwobr Cymru Daclus

Mae’r tîm Tirlunio ac Eco-adeiladu yng Ngholeg Gŵyr Abertawe wedi cyrraedd y rhestr fer ar gyfer Gwobr Cymru Daclus.

Ers 1990, mae’r Gwobrau, a drefnir gan Cadwch Gymru’n Daclus, ac wedi’u noddi eleni gan Gymdeithas Tai Wales & West, yn taflu goleuni ar arwyr tawel yr amgylchedd ledled y wlad.

Diwrnod Croeso 2025

Gyda’r flwyddyn academaidd newydd ar fin dechrau, cynhaliodd Coleg Gŵyr Abertawe ddigwyddiad croeso arbennig iawn i fyfyrwyr sy’n siarad Cymraeg ar Gampws Gorseinon.

Yn ystod Diwrnod Croeso 2025 fe wnaeth staff a myfyrwyr fwynhau amrywiaeth o weithgareddau gyda’r nod o gael pawb i ddefnyddio eu Cymraeg wrth ddod i adnabod ei gilydd.

Ymhlith y gwesteion arbennig roedd cyflwynydd S4C a throellwr BBC Radio Cymru, Mirain Iwerydd, a siaradodd am ei gyrfa hyd yma gan roi cyngor ar sut i greu riliau diddorol ar gyfer y cyfryngau cymdeithasol.