Newyddion y Coleg

Llwyddiant ysgoloriaeth i Simon

Mae un o gyn-fyfyrwyr Mynediad Coleg Gŵyr Abertawe, Simon Hussellbee, wedi llwyddo yn erbyn cystadleuaeth gryf i sicrhau ysgoloriaeth gan y sefydliad o fri Gray’s Inn Llundain, gan gynnig modd iddo gwblhau ei Gwrs Hyfforddi Proffesiynol y Bar.

Mae Cymdeithas Anrhydeddus Gray's Inn yn un o bedwar o Ysbytai'r Frawdlys (cymdeithasau proffesiynol i fargyfreithwyr a barnwyr) yn y brifddinas. Er mwyn cael eich galw i'r Bar a gweithio fel bargyfreithiwr yng Nghymru a Lloegr, mae'n rhaid i chi berthyn i un o Ysbytai'r Frawdlys.

Myfyriwr peirianneg yn ennill gwobr gweithgynhyrchu

Mae myfyriwr Peirianneg Coleg Gŵyr Abertawe, Amadou Khan, wedi ennill gwobr yn ddiweddar yn nigwyddiad mawreddog Gwobrau Gweithgynhyrchu’r Dyfodol EEF yn Stadiwm Dinas Caerdydd.

Cipiodd Amadou y wobr Efydd yn y categori Llwybr at Brentisiaeth – Myfyriwr y Flwyddyn.

Roedd Amadou yn fyfyriwr Llwybr at Brentisiaeth yn ystod 2013/14. Roedd yn dangos brwdfrydedd mawr tuag at bob agwedd ar y rhaglen, gan gynnwys ei leoliad gwaith yn AAH Pharmaceuticals. Ar ôl cwblhau’r Llwybr at Brentisiaeth, symudodd ymlaen i ddilyn Diploma Estynedig Lefel 3 mewn Peirianneg.

Cynnal Cymru – Y Gymru a Garem

Yn rhan o’n Mis Cŵl Cymru daeth Cynnal Cymru a’r prosiect a noddir gan Lywodraeth Cymru ‘Y Gymru a Garem’ i Goleg Gŵyr Abertawe.

Prosiect yw e i gael pobl ifanc i leisio eu barn am y Gymru a Garem nhw, ac yna bydd y wybodaeth honno yn cael ei bwydo mewn i’r Bil Llesiant Cymunedau’r Dyfodol.

Yn rhan o hyn daeth y comedïwr Daniel Glyn a chyn-fyfyriwr o’r coleg Ignacio Lopez sydd bellach yn gomedïwr llawn-amser, i’r coleg a chynnal gig ‘stand-up’ a thrafodaeth ar Y Gymru a Garem.

Gweithdai Canu - Mark Llewelyn Evans

Fel rhan o ddathliadau Dydd Gŵyl Ddewi a Mis Cŵl Cymru yn y coleg gwahoddwyd y baritôn Mark Llewelyn Evans i’r coleg i gynnal gweithdai canu i’r myfyrwyr sy’n dilyn cwrs Lefel 3 Celfyddydau Perfformio. Dyma fyfyrwyr sydd a’u bryd ar fynd i brifysgol i astudio canu ac actio.

Agoriad swyddogol y Ganolfan Ynni

Mae Hyfforddiant GCS, braich hyfforddi busnes Coleg Gŵyr Abertawe, wedi agor Canolfan Ynni newydd sbon yn Hill House, safle newydd y coleg.

Roedd Julie James, y Dirprwy Weinidog Sgiliau a Thechnoleg ymysg y gwesteion arbennig yn y lansiad swyddogol.  Cafodd y Gweinidog ei thywys o gwmpas y cyfleusterau sydd wedi'u hadnewyddu'n llwyr a gweld drosti ei hun sut y bydd y ganolfan yn darparu'r cyrsiau hyfforddi diweddaraf i'r diwydiant trydanol, nwy a phlymwaith.

Y Coleg yn cynnal rowndiau terfynol rhanbarthol Peirianneg Fecanyddol

Mae Coleg Gŵyr Abertawe newydd gynnal rownd derfynol Cystadleuaeth Sgiliau Cymru ar gyfer Peirianneg Fecanyddol (CAD).

Daeth myfyrwyr o bob cwr o Gymru i gampws Gorseinon ar 17 Mawrth, lle y cawson nhw dasgau ymarferol i'w cwblhau o dan lygad barcut panel o feirniaid o fyd addysg a diwydiant.

Roedd y gystadleuaeth wedi profi rhai o'r sgiliau sy'n hanfodol i fod yn ddylunydd CAD gan gynnwys modelu 3D, cynhyrchu cydosodiadau, cymhwyso defnyddiau a chreu lluniadau technegol 2D. Cafodd y myfyrwyr eu profi ar eu sgiliau TGCh, rhifedd a datrys problemau hefyd.

Lleoliad pum seren yn croesawu myfyrwyr Lletygarwch

Yn ddiweddar aeth myfyrwyr Lletygarwch o Goleg Gŵyr Abertawe i ddigwyddiad blasu diwydiant yng ngwesty pum seren Oldwalls, Bro Gŵyr.

Yn ystod yr ymweliad, a drefnwyd gan Swyddog Menter y Coleg Lucy Turtle a’r darlithydd Stephen Williams, roedd y myfyrwyr wedi manteisio ar daith y tu ôl i’r llenni yn y lleoliad arobryn. Roedden nhw hefyd wedi mynd i weithdai gyda’r pen-cogydd, y rheolwr arlwyo, y cydlynydd priodasau a’r tîm gwerthu.

Cantores / ysgrifennwr caneuon yn perfformio gig arbennig i’r myfyrwyr

Daeth y gantores / ysgrifennwr caneuon - a sêr rhaglen The Voice y BBC – Bronwen Lewis i ymweld â champws Tycoch Coleg Gŵyr Abertawe yn ddiweddar.

Roedd Bronwen wedi cwrdd â myfyrwyr Gwallt a Harddwch cyn perfformio rhai o ganeuon o'i halbwm newydd, Pureheart.

Cafwyd dangosiad arbennig o'r ffilm Pride hefyd, y mae Bronwen ei hun yn ymddangos ynddi. Yn seiliedig ar stori wir, mae Pride yn adrodd hanes grŵp o ymgyrchwyr lesbiaid a hoyw a gododd arian i helpu'r teuluoedd a gafodd eu heffeithio gan streic y glowyr yn 1984.

Myfyrwyr GCS yn gyntaf ac yn ail yn rownd derfynol Cystadleuaeth Sgiliau Cymru

Mae myfyrwyr Peirianneg o Goleg Gŵyr Abertawe wedi dod yn gyntaf ac yn ail yn rownd derfynol Cystadleuaeth Sgiliau Electroneg Cymru Gyfan a gynhaliwyd yn ddiweddar.

Enillodd Niko Leuchtenberg a Matthew Sutch, sy'n astudio tuag at ennill Diploma Lefel 3 mewn Peirianneg (Technoleg Ddigidol) ar gampws Tycoch, y gwobrau Aur ac Arian yn y digwyddiad a gynhaliwyd yng Ngholeg Cambria.

Roedd tair adran ar wahân yn y rownd derfynol - adeiladu cylched, prototeip o gylched ac arholiad theori - ac roedd rhaid i bob un o'r 15 cystadleuydd eu cwblhau o fewn amser penodedig.

Cricedwr coleg yn mynd i Awstralia

Mae seren criced addawol – a myfyriwr Coleg Gŵyr Abertawe - Aneurin Donald ar ei ffordd i Awstralia ar ôl cael ei ddewis ar gyfer taith Rhaglen Datblygu Lloegr (EDP).

Mae Aneirin, myfyriwr Safon Uwch, wedi bod yn eithriadol o brysur oherwydd mae’n cydbwyso ei astudiaethau ag aelodaeth o Glwb Criced Sir Forgannwg. Yn gyntaf enillodd gontract datblygu gyda Morgannwg yn 2014 ac, yn ystod yr haf ‘na, cafodd ei ddewis ar gyfer tîm dan-19 Lloegr. Gwnaeth ei ymddangosiad cyntaf mewn criced dosbarth cyntaf yng ngêm derfynol y tymor lle sgoriodd 59 yn erbyn Hampshire yn yr ail fatiad.