Newyddion y Coleg

Myfyrwyr chwaraeon yn dathlu blwyddyn fuddugol

Mae myfyrwyr chwaraeon o Goleg Gŵyr Abertawe wedi dathlu blwyddyn eithriadol arall yn eu seremoni wobrwyo flynyddol.

Trin gwallt yn agor byd o gyfleoedd i'r cyfarwyddwr artistig Casey

Mae trin gwallt yn fwy na dim ond swydd naw i bump fel y tystia Casey Coleman, cyfarwyddwr artistig yn Ocean Hairdressing, Caerdydd ac un o gyn-fyfyrwyr Coleg Gŵyr Abertawe.

Llongyfarchiadau i dîm pêl-droed ILS!

Llongyfarchiadau mawr i dîm pêl-droed Sgiliau Byw’n Annibynnol (ILS) Coleg Gŵyr Abertawe am ennill pencampwriaethau cenedlaethol 'Ability Counts' yn St George's Park, Burton on Trent.

Ar ôl ennill yn y gystadleuaeth ranbarthol, roedd Coleg Gŵyr Abertawe wedi cystadlu yn erbyn 16 o golegau buddugol eraill ar draws Lloegr. Nid yn unig roedd y myfyrwyr yn cynrychioli Coleg Gŵyr Abertawe ond Cymru hefyd!

Chwaraeoedd y tîm bum gêm, gan ennill pedair a dod yn gyfartal mewn un, cyn curo Coleg Henley 4-2 yn y rownd derfynol.

Entrepreneur meddalwedd yn ysbrydoli myfyrwyr TG

Roedd yr entrepreneur meddalwedd lleol – a chyn fyfyriwr Coleg Gŵyr Abertawe - Adam Curtis wedi dychwelyd i gampws Gorseinon yn ddiweddar i roi anerchiad ysbrydoledig i fyfyrwyr TG galwedigaethol.

Mae Adam yn ddatblygwr meddalwedd a greodd yr asiantaeth Clockwork Bear ac sydd bellach yn ei rheoli. Mae hefyd wedi sefydlu Hoowla, meddalwedd trawsgludo ar-lein i gyfreithwyr. Mae’n arbenigo mewn creu meddalwedd pwrpasol i fusnesau newydd a helpu cwmnïau i adeiladu systemau i reoli eu prosesau a’u dogfennau busnes ar-lein.

Saith Myfyriwr Disglair ar eu ffordd i Rydgrawnt

Mae saith myfyriwr o Goleg Gŵyr Abertawe wedi cael cynnig lle ym Mhrifysgolion Rhydychen a Chaergrawnt eleni.

Digwyddiad gwallt a harddwch yn ysbrydoli gweithwyr proffesiynol y diwydiant

Yn ddiweddar roedd Coleg Gŵyr Abertawe wedi cynnal noson i ddathlu ac ysbrydoli talent Cymru ar draws y sector trin gwallt a harddwch.

Roedd staff, myfyrwyr a gweithwyr proffesiynol lleol o’r byd diwydiant yn bresennol yn y dosbarth meistr trin gwallt a choluro ym Mhlas Sgeti. Roedden nhw wrth eu boddau gyda’r arddangosiadau ymarferol gan gyfarwyddwr y salon (a chyn-fyfyriwr) Casey Coleman a Chris Howells, artist coluro rhyngwladol i Laura Mercier.

Newyddiadurwr y Times yn hyfforddi myfyrwyr i ysgrifennu am chwaraeon

Roedd myfyrwyr Coleg Gŵyr Abertawe wedi cael cyfle i weld ochr wahanol i fyd chwaraeon yr wythnos hon pan ddaeth newyddiadurwr y Times Rick Broadbent i ymweld â nhw.

Yn ystod anerchiad dwy awr ar gampws Tycoch, roedd Rick – a weithiodd gyda Jessica Ennis-Hill hefyd ar ei hunangofiant yn 2012 – wedi rhoi cipolwg i’r myfyrwyr ar fyd chwaraeon o bersbectif ysgrifennwr gan gynnwys y mathau o ddigwyddiadau mae’n ymdrin â nhw fel rhan o’i swydd o ddydd i ddydd a’r bobl mae wedi cwrdd â nhw drwy gydol ei yrfa.

Myfyriwr yn ennill gwobr profiad gwaith mewn ysbyty anifeiliaid anwes

Mae’r myfyriwr Safon Uwch Elan Daniels ar fin treulio wythnos yn Ysbyty Anifeiliaid Anwes Abertawe ar ôl ennill cystadleuaeth profiad gwaith genedlaethol.

Mae Elan yn astudio mathemateg, daearyddiaeth, cemeg a bioleg yng Ngholeg Gŵyr Abertawe ac mae hefyd yn rhan o grŵp tiwtorial y gwyddorau meddygol a’r gwyddorau milfeddygol. Cafodd ei dewis fel enillydd ardal Abertawe ar ôl cymryd rhan yng nghystadleuaeth Profiad Gwaith Myfyrwyr Milfeddygol y PDSA.

Ail wobr i fyfyrwyr Gwyddoniaeth dawnus

Mae grŵp dawnus o fyfyrwyr Gwyddoniaeth wedi cipio’r ail wobr am eu gwaith ar brosiect arloesol EESW (STEM Cymru).

Yn 2014, roedd Jamie Dougherty (fel arweinydd tîm), Anna Bevan, Jiaman Cheang, Alana Borthwick, Ruth Harvey, Joshua Cox a David Small wedi gweithio gyda Morlyn Llanw Bae Abertawe ar brosiect o’r enw: “cael hyd i ddulliau ychwanegol o gynhyrchu ynni cynaliadwy, adnewyddadwy ar gyfer y Morlyn Llanw.”

Myfyrwyr Theatr Dechnegol yn mynd i RADA

Mae dau fyfyriwr Theatr Dechnegol o Goleg Gŵyr Abertawe yn dathlu ar ôl cael eu derbyn gan Academi Frenhinol y Celfyddydau Dramatig.

Bydd Lauren Jones a Johnny Edwards, sydd ar hyn o bryd yn dilyn cwrs Lefel 3 y Celfyddydau Cynhyrchu ar gampws Gorseinon, yn dechrau eu cyrsiau Theatr Dechnegol a Rheolaeth Llwyfan yn Llundain ym mis Medi.