Safon Uwch Iechyd a Gofal Cymdeithasol a Gofal Plant

Amser-llawn

Lefel 3

A Level

Gorseinon

Dwy flynedd

Ffôn: 01792 890700 (Gorseinon)

Arolwg

Bydd y cwrs hwn yn rhoi gwybodaeth fanwl, dealltwriaeth a sgiliau i chi sy’n gysylltiedig â datblygiad a gofal unigolion drwy gydol eu hoes. Byddwch yn datblygu dealltwriaeth o ddylanwadau ar dwf, datblygiad, ymddygiad a lles pobl.

Byddwch hefyd yn ennill dealltwriaeth fanwl o anghenion cymdeithasol, corfforol, emosiynol a diwylliannol pobl sy’n defnyddio gwasanaethau gofal a chymorth, ac yn cydnabod bod gan bob unigolyn gymysgedd unigryw o alluoedd ac anghenion.

Byddwch yn ennill dealltwriaeth o sut mae’r ddarpariaeth yng Nghymru yn cefnogi datblygiad a lles unigolion, fel y gallant wneud penderfyniadau gwybodus nawr ac yn ddiweddarach yn eu bywyd.

Mae’r pynciau presennol yn cynnwys:

Hybu iechyd a lles
Cefnogi iechyd, lles a gwydnwch
Safbwyntiau damcaniaethol datblygiad plant a phobl ifanc
Cefnogi datblygiad, iechyd, lles a gwydnwch plant a phobl ifanc
Safbwyntiau damcaniaethol ymddygiad oedolion
Cefnogi oedolion i gynnal iechyd, lles a gwydnwch.

Ymgeisiwch nawr

Gwybodaeth allweddol

O leiaf saith gradd A*-C ar lefel TGAU, gan gynnwys Mathemateg, Saesneg laith a Gwyddoniaeth.

Amser llawn dros ddwy flynedd gydag opsiwn cwrs carlam*

Asesu Blwyddyn 1 (Safon UG):

Asesiad di-arholiad – aseiniad wedi’i osod yn allanol, a’i farcio’n fewnol
Arholiad allanol.

Asesu Blwyddyn 2 (Safon Uwch):

Asesiad di-arholiad – wedi’i osod yn allanol, a’i farcio’n fewnol
Arholiad allanol.

*Opsiwn y cwrs carlam: Astudio’r UG a’r U2 o fewn un flwyddyn academaidd

Meini Prawf Graddio:

Arholiadau: 50%
Aseiniadau: 50%

Yn y Coleg gallech symud ymlaen i’r cwrs Gradd Sylfaen mewn Addysg, Dysgu a Datblygu neu Ymarfer Datblygiad Plentyndod.

Astudiaethau pellach yn y brifysgol mewn nyrsio, bydwreigiaeth, gwaith cymdeithasol, gwyddor barafeddygol, gwyddor feddygol, therapi galwedigaethol, therapi iaith a lleferydd, addysgu neu seicoleg, neu ddod o hyd i gyflogaeth mewn gwaith gofal.