Diploma AAT Lefel 4 mewn Cyfrifeg Broffesiynol
Trosolwg
Mae Diploma Cymdeithas y Technegwyr Cyfrifyddu (AAT) Lefel 4 mewn Cyfrifeg Broffesiynol yn gwrs cyfrifeg lefel uchel sy’n galluogi myfyrwyr i feistroli tasgau cyfrifyddu cymhleth, cymhwyso ar gyfer rolau cyllid uwch, ac ennill aelodaeth lawn o AAT.
Ar y lefel hon byddwch yn astudio ystod eang o sgiliau a chymwysiadau rheoli ariannol a bod yn gyfforddus â nhw, a byddwch yn ennill cymwyseddau wrth ddrafftio datganiadau ariannol ar gyfer cwmnïau cyfyngedig, argymell strategaethau systemau cyfrifyddu a llunio a chyflwyno adroddiadau cyfrifyddu rheoli cymhleth.
Byddwch hefyd yn dysgu am feysydd arbenigol fel treth, archwilio, rheoli credyd a debyd a rheoli arian parod a rheolaeth ariannol.
Mae themâu allweddol hefyd yn cael eu cyflwyno drwy gydol y gyfres o gymwysterau cyfrifyddu, gan gynnwys technoleg, moeseg, cynaliadwyedd a chyfathrebu.
Unedau:
Mae Diploma AAT mewn Cyfrifeg Broffesiynol yn cynnwys yr unedau canlynol:
- Cyfrifeg Rheolaeth Gymhwysol
- Drafftio a Dehongli Datganiadau Ariannol
- Systemau a Rheolaethau Cyfrifo Mewnol
- Treth Bersonol
- Treth Busnes
- Archwilio a Sicrwydd
- Rheoli Credyd a Debyd
- Rheoli Arian Parod a Rheolaeth Ariannol.
Gwybodaeth allweddol
Gofynion Mynediad
Cwblhau cymhwyster AAT Diploma Lefel 3 mewn Cyfrifeg neu gymwysterau cyfrifeg cyfwerth. Mae’r cymhwyster hwn yn addas i’r rhai sydd angen cydnabyddiaeth ffurfiol o’u sgiliau neu a hoffai fod yn aelod llawn o AAT. Ar agor i fyfyrwyr o bob oedran.
Bydd AAT yn ei gwneud yn ofynnol i bob myfyriwr gofrestru gyda’r corff proffesiynol. Mae’n bosibl y bydd cyfyngiadau i aelodaeth. Mae rhagor o wybodaeth ar gael yn www.aat.org.uk.
Dull Addysgu’r Cwrs
34 wythnos o addysgu rhan-amser:
Bob dydd Iau (9am-4.30pm) yn Ysgol Fusnes Plas Sgeti
Neu
Bob dydd Iau (1.30pm-9pm) yn Ysgol Fusnes Plas Sgeti
Asesu:
- Arholiadau ar-lein wedi’u gosod yn allanol.
Cyfleoedd Dilyniant
Bydd y sgiliau cyfrifeg a ddatblygir trwy astudio’r cymhwyster hwn yn rhoi modd i fyfyrwyr geisio cyflogaeth â hyder a/neu symud ymlaen i’r lefel nesaf o ddysgu.
Mae’r sgiliau cyllid, cyfrifeg, busnes a chyfathrebu a ddatblygir ar y cwrs Diploma AAT mewn Cyfrifeg yn gallu arwain at gyflogaeth fel:
- Technegydd Cyfrifyddu Proffesiynol
- Uwch Swyddog Ariannol
- Cyfrifydd Costau
- Uwch Geidwad Llyfrau
- Rheolwr Cyflogres
- Cyfrifydd Ariannol Cynorthwyol.
Bydd yr wybodaeth o gyfrifeg a chyllid a ddatblygir yn y cymhwyster hwn yn rhoi modd i fyfyrwyr symud ymlaen i gymwysterau cyfrifeg proffesiynol pellach (efallai y bydd eithriadau) neu radd.
Gwybodaeth Ychwanegol
Mae ffioedd cwrs yn berthnasol. Prisiau ar gael ar gais.
Ffôn: Tîm cyfrifeg 01792 284097