Newyddion y Coleg

Coleg yn croesawu Coeden Gobaith

Mae Coleg Gŵyr Abertawe wedi croesawu’n swyddogol yr ychwanegiad mwyaf newydd i’w Hwb Gwyrdd – coeden ifanc a dyfwyd o hadau y ‘Sycamore Gap’ eiconig.

Gwnaeth y Coleg gais i gael coeden ifanc yn ôl yn 2024 pan gyhoeddwyd menter Coed Gobaith gan yr Ymddiriedolaeth Genedlaethol. 

Derbyniwyd bron 500 o geisiadau o bob cwr o’r DU am y 49 coeden ifanc (un i gynrychioli pob troedfedd o uchder y goeden eiconig pan gafodd ei thorri i lawr).

Coleg yn lansio Bwrdd Cyflogwyr newydd ar gyfer sgiliau gwyrdd ac adeiladu

Mae Coleg Gŵyr Abertawe wedi lansio Bwrdd Cyflogwyr newydd sbon ar gyfer yr amgylchedd adeiledig a’r economi werdd, dau sector sy’n tyfu.

Gan gyfuno arbenigedd pobl flaenllaw o addysg a diwydiant, bydd y Bwrdd - a lansiwyd yn ddiweddar yn Ysgol Fusnes Plas Sgeti - yn gweithio gyda’i gilydd i lunio’r cwricwlwm, helpu i ddatblygu sgiliau, hyrwyddo cynhwysiant ac amrywiaeth, ac ysbrydoli’r genhedlaeth nesaf.

Cyflwyno meddygon, deintyddion a milfeddygon y dyfodol

Mae saith myfyriwr ar hugain o Goleg Gŵyr Abertawe yn dal sawl cynnig i astudio meddygaeth, deintyddiaeth neu filfeddygaeth yn y brifysgol ym mis Medi.

Mae darpariaeth cymorth tiwtorial Meddygon, Deintyddion a Milfeddygaeth (MDM) y Coleg – sy’n rhan o raglen ehangach Anrhydeddau CGA – yn rhoi cyfle i’r myfyrwyr sydd wedi mynegi diddordeb mewn gwyddorau meddygol, milfeddygaeth, deintyddiaeth a fferylliaeth ennill y sgiliau a’r profiad sydd eu hangen i wneud cais i’r brifysgol o’u dewis.

Uwch arweinwyr yn edrych o gwmpas datblygiad newydd Campws Gorseinon

Cafodd uwch reolwyr y Coleg gyfle i gael cip y tu ôl i’r llenni ar adeilad newydd Campws Gorseinon yn ddiweddar, wrth i’r prosiect gwerth £20.6 miliwn dynnu at ei derfyn.

Gyda’r datblygiad bron yn ei gamau terfynol, mae gwaith yn prysuro ar y safle. Mae timau yn gweithio ar draws yr adeilad i orffen y gwaith ar y tu mewn gan gynnwys peintio, gosod lloriau a gosod drysau. Y tu allan, mae cynnydd hefyd yn weladwy iawn gyda gwaith tirlunio yn mynd rhagddo i siapio’r tiroedd amgylchynol.

Coleg Gŵyr Abertawe yn Paratoi Myfyrwyr at Arholiadau

Wrth i’r tymor arholiadau ac asesiadau nesáu, mae Coleg Gŵyr Abertawe yn cadarnhau ei ymrwymiad i gynorthwyo myfyrwyr yn ystod un o’r cyfnodau pwysicaf, ac yn aml, heriol, ar eu taith academaidd.

Gan gydnabod y pwysau sylweddol y mae llawer o ddysgwyr yn eu hwynebu, mae’r Coleg yn tynnu sylw at yr amrywiaeth o gymorth sydd ar gael i helpu myfyrwyr i reoli straen, canolbwyntio ar eu gwaith adolygu, ac edrych ar ôl eu hiechyd meddwl.

Coleg Gŵyr Abertawe yn Lansio Cyfleuster Hyfforddiant Gorchuddio Lloriau Cyntaf Cymru

Mae Coleg Gŵyr Abertawe yn cryfhau ei safle fel yr unig ddarparwr prentisiaethau gorchuddio lloriau yng Nghymru, trwy agor cyfleuster hyfforddi newydd sy’n canolbwyntio ar ddiwydiant gyda’r nod o ateb y galw cynyddol ar draws y diwydiant lloriau.

Mae’r gofod pwrpasol hwn, a leolir ar Gampws Llys Jiwbilî y Coleg yn Fforestfach, wedi cael ei ddatblygu i gefnogi addysgu prentisiaeth Gorchuddio Lloriau Lefel 2, rhaglen arbenigol sy’n rhoi sgiliau, arbenigedd technegol a phrofiad ymarferol i brentisiaid fel y gallant symud ymlaen yn y grefft.

Coleg Gŵyr Abertawe yn lansio cyfres newydd o weminarau ar gyfer cymwysterau Gwybodaeth, Cyngor ac Arweiniad

Mae Coleg Gŵyr Abertawe’n falch o gyhoeddi cyfres newydd o weminarau eglur sydd wedi cael eu cynllunio’n arbennig ar gyfer cyflogwyr sydd am ddatblygu eu gweithlu drwy gymwysterau proffesiynol mewn Gwybodaeth, Cyngor ac Arweiniad yn ogystal â Gyrfaoedd, Gwybodaeth a Chyngor.

Bangkok Winter School

Hoffwn ymestyn ffarwel gwresog i Ysgol Triam Udom Suksa o Bangkok, Gwlad Thai a gymerodd ran mewn Rhaglen Drochi Cyn Astudio Meddygaeth gyda Choleg Gŵyr Abertawe am bythefnos ym mis Mawrth.

Myfyrwyr yn edrych ymlaen at Ddyfodol Creadigol

Mae Coleg Gŵyr Abertawe wedi cynnal digwyddiad Dyfodol Creadigol cyffrous, gan ddod â thalentau at ei gilydd o’i dimau ffasiwn, celf a dylunio, teithio a thwristiaeth, gwallt a cholur, cerddoriaeth, a chynhyrchu theatr dechnegol.

Roedd y sioe ysblennydd hon yn brosiect cyffrous ar y cyd oedd yn cynnwys myfyrwyr a staff o gampysau Tycoch, Gorseinon a Llwyn y Bryn.

Nod y digwyddiad oedd rhoi ‘profiad gwaith byw’ i ddysgwyr gan adlewyrchu’r realiti o weithio yn y diwydiannau creadigol.

Interniaid yn cynrychioli’r Coleg mewn digwyddiad mawreddog yn Llundain

Yn ddiweddar, fe deithiodd dau fyfyriwr o Goleg Gŵyr Abertawe i San Steffan i ddathlu Diwrnod Cenedlaethol Interniaethau â Chymorth.

Roedd Jamie Leigh Webber a Harri Jones, sydd ill dau yn dilyn Rhaglen Llwybr 4 Coleg Gŵyr Abertawe, yn llysgenhadon rhyfeddol yn ystod y digwyddiad nodedig, lle siaradon nhw yn agored ac yn hyderus am eu profiadau o weithio yn Amazon.

Mae’r rhaglen interniaethau â chymorth, sydd bellach yn ei thrydedd flwyddyn yn olynol, yn parhau i gynhyrchu canlyniadau cyflogaeth uchel a diogelwch swydd i gynifer o bobl ifanc ar ddiwedd eu cyrsiau Coleg.