Diploma Cymorth Arbenigol ar gyfer Dysgu ac Addysgu mewn Ysgolion

Trosolwg o’r Cwrs

Bydd myfyrwyr yn astudio amrywiaeth o unedau cysylltiedig â Chefnogi Dysgu ac Addysgu mewn Ysgolion a fydd yn ehangu eu dealltwriaeth o weithio yn y sector hwn. Mae pob uned yn cynnwys credydau, ac ar Lefel 3 mae 11 uned orfodol:

  • Deall Datblygiad Plant a Phobl Ifanc
  • Deall Sut i Ddiogelu Lles Plant a Phobl Ifanc
  • Cyfathrebu a Chysylltiadau
  • Ysgolion fel Sefydliadau 
  • Cefnogi Iechyd a Diogelwch Plant a Phobl Ifanc
  • Cefnogi Gweithgareddau Dysgu
  • Hyrwyddo Ymddygiad Cadarnhaol
  • Datblygu Cysylltiadau Proffesiynol
  • Hyrwyddo Cydraddoldeb, Amrywiaeth a Chynhwysiant 
  • Cefnogi Asesu ar gyfer Dysgu
  • Cyflawni Datblygiad Personol

Mae amrywiaeth eang o unedau dewisol hefyd, ac o’r rhain mae unedau sy’n darparu cyfanswm o chwe chredyd yn cael eu dewis i adlewyrchu ymarfer lleoliad y myfyriwr. Mae’r rhain yn cynnwys:

  • Cynllunio a Darparu Gweithgareddau Dysgu
  • Cefnogi Chwarae
  • Cefnogi Datblygiad Rhifedd
  • Cefnogi Anghenion Arbennig 

Diweddarwyd Mehefin 2018

Gofynion Mynediad

Rhaid eich bod yn gweithio yn y sector  neu feddu ar gymhwyster Lefel 2 cydnabyddedig. Byddwch hefyd yn cael prawf sgrinio fel rhan o’r broses gyfweld i wirio bod eich sgiliau ar lefel addas i’r rhai sy’n gweithio yn y sector hwn. Bydd angen i fyfyrwyr fod â diddordeb brwd mewn gweithio yn y sector a dylent ddangos ymrwymiad a brwdfrydedd. Mae angen i fyfyrwyr fod yn ddibynadwy, yn onest, yn llawn cymhelliant ac yn hunanddibynnol. Dylai myfyrwyr fod yn 16 oed o leiaf.

Dull Addysgu’r Cwrs

Rhaglen blwyddyn yw hon sy’n arwain at gymhwyster a gydnabyddir yn genedlaethol. Mae’n rhoi modd i chi ddatblygu ymhellach yr wybodaeth, y sgiliau a’r ddealltwriaeth sydd eu hangen i weithio yn y sector hwn. Mae’r cwrs hwn yn rhoi cyfle i chi barhau i ddatblygu lefel eich cymhwysedd galwedigaethol ar gyfer gweithio mewn ysgolion. Gallwch chi ymgymryd â’r cymhwyster hwn fel aelod cyflogedig o staff yn y sector ysgolion neu fel gwirfoddolwr profiadol mewn ysgol sydd eisoes â chymhwyster Lefel 2 cydnabyddedig. Rhaid eich bod yn gweithio gyda phlant o oedran ysgol gorfodol. Byddwch yn mynychu’r Coleg am un sesiwn yr wythnos ar ddydd Llun 9am - 1pm (bob yn ail wythnos) yn Ysgol Pen-y-bryn neu ddydd Mawrth 6pm - 9pm. Mae lleoliad gwaith gorfodol o 400 awr o leiaf i’w gwblhau trwy gydol y rhaglen. (Lleiafswm o 12 awr yr wythnos. Gall dysgwyr sydd wedi cwblhau cymhwyster Lefel 2 gario rhai o’u horiau ymlaen i Lefel 3).

Mae pwyslais ar ddatblygu sgiliau gyda chymorth a chefnogaeth ar gael yn unigol. Asesir aseiniadau gwybodaeth yn fewnol. Asesir cymhwysedd galwedigaethol mewn lleoliad gan aseswr cymwysedig a chymwys. Mae’r cwrs hwn hefyd yn cael ei gynnig fel prentisiaeth.

Cyfleoedd Dilyniant

Gallech symud ymlaen i’r cwrs Gradd Sylfaen mewn Addysg, Dysgu a Datblygiad

Gwybodaeth Ychwanegol

Bydd rhaid i fyfyrwyr ar y cwrs hwn dalu ffi ar gyfer gwiriad DBS [CRB gynt]. Y gost gyfredol yw £46. Gall myfyrwyr wneud cais i’r Gronfa Ariannol Wrth Gefn [CAWG] i dalu cost gwiriad DBS.

Lleoliad(au):
Tycoch
Other
Cwrs ar gael yn Gymraeg:
No

Gwybodaeth Fanwl am y Cwrs

Ble a phryd y gallaf astudio?

Start Date: Mon 13 Sep 2021 | Course Code: C3D1130 POA | Cost: £450

Level 3   Mon   9am-1pm   19 weeks   Pen y Bryn School  

Start Date: Tue 14 Sep 2021 | Course Code: C3D1130 ETB | Cost: £450

Level 3   Tue   6-9pm   30 weeks   Tycoch